Nuk u përfundua ndërtimi i shtëpisë së kulturës në Mateç

Nga Rabie Abazi On Nov 28, 2016 0

Qëllimi i projektit është përmirësimi i kualitetit të jetës së qytetarëve nëpërmjet sigurimit të qasjes deri te kultura e banorëve lokal, krijimi i rrjetës për zhvillim kulturorë të qëndrueshëm si dhe promovimi i trashëgimisë kulturore.

ARSYETIM:

Në Komunën e Likovës mungonte objekt për ngjarje kulturore e sociale në territorin e saj. Në fushatën parazgjedhore të zgjedhjeve të vitit 2014, Kryetari i Komunës së Likovës, Sadulla Duraku, premtoi që në mandatin e ardhshëm do ta ndërtojë Komunën me projektet që janë pjesë e programit qeveritar. Projekti u premtua që do të realizohet deri në vitin 2016. Deri më tani (03.10.2016), projekti “Përfundimi i ndërtimit të shtëpisë së kulturës në f.Mateç, (Likovë)”, është realizuar pjesërisht.

Projekti parashihej të realizohej në dy faza. Në fazën e parë parashihej ndërtimi i objektit, ndërsa faza e dytë ndërtimi i sallës prej 82 m2.

Më 21.06.2014, nga Shërbimi Informativ i Komunës së Likovës, njoftuan se punët për ndërtimin e objektit të shtëpisë së kulturës, që kishin filluar para disa muajve, po kryhen në mënyrë të vazhdueshme.

“Pas zgjidhjes së kontestit në mes Komunës dhe Ministrisë së Kulturës, para disa muajsh kanë filluar punimet me vazhdimin e kryerjes së punëve lidhur me ndërtimin e shtëpisë së kulturës në f.Mateç”. (burimi: Shërbimi Informativ i Komunës së Likovës)

Punimet zgjatën deri në fund të dhjetorit të 2014-tës. Deri në këtë periudhë u arrit të përfundohet ndërtimi i karabinës së objektit.

“Para disa javësh përfunduan punimet lidhur me ndërtimin e karabinës së shtëpisë së kulturës në fshatin Mateç, Komuna e Likovës…“. (burimi: Shërbimi Informativ i Komunës së Likovës)

Pas përfundimit së karabinës dhe rrethojës së objektit, filluan punimet lidhur me ndërtimin e pjesës hyrëse, e cila përfshinte vendosjen e pllakave të begatonit dhe karrigeve.

“Ky projekt ashtu sikurse edhe rrethoja janë të financuar prej Ministrisë së vetëqeverisjes lokale drejtpërsëdrejti, ndërsa gjithashtu dihet se edhe punët e tjera që janë në përfundim e sipër sa i përket fazës së parë të shtëpisë së kulturës, realizohen përmes kësaj ministrie, prandaj edhe urojmë që me projekte të përbashkëta edhe në të ardhmen të vazhdojmë me qëllimin e vetëm që sa më shpejt ky projekt të përfundojë punimet plotësisht”. (burimi: Shërbimi Informativ i Komunës së Likovës)

Më 19 maj 2016, u përurua përfundimi i fazës së parë të projektit.

“Ky projekt në suaza të programit të bashkëpunimit evropian, ka përfunduar me seri aktivitetesh, dhe një pjesë e godinës së kulturës që do të shërben në krijimin e mundësive për të rinjtë e rajonit“. (burimi: Sadulla Duraku)

Faza e parë të këtij objekti u financua nga Ministria e Kulturës, ndërkaq objekti u kompletua me mjetet e BE-së nga fondet IPA. Objekti posedon bibliotekë, sallë mbledhjesh, zyra për SHKA-të (Shoqëritë Kulturore Artistike), sallë sociale dhe një hapësirë për ekspozitë të arteve.
Pranë kësaj godine, mbeti pa ndërtuar salla sportive.

Sipas Platformës politike të BDI-së (2014), projekti duhej të jetë i përfunduar në vitin 2016. Sipas metodologjisë së Vërtetmatësit, mund të përfundojmë që projekti “Përfundimi i ndërtimit të shtëpisë së kulturës në f.Mateç, (Likovë)”, është realizuar pjesërisht.

BURIME:

Platforma politke e Bashkimit Demokratik për Integrim, (faqe 302);
|21.06.2014| Vazhdojnë punimet për ndërtimin e shtëpisë së kulturës në f. Mateç (Komuna e Likovës, Shërbimi për Informim, marrurr më 03.10.2016);
|04.01.2015| Përfunduan punimet lidhur me ndërtimin pjesës së shtëpisë së kulturës – Karabinës, në f.Mateç (Komuna e Likovës, Shërbimi për Informim, marrurr më 03.10.2016);
|12.12.2015| Përfundoi trotuari- pjesa hyrëse prej rrugës në shtëpinë e kulturës (Komuna e Likovës, Shërbimi për Informim, marrurr më 03.10.2016);
|19. 05.2016|Përurohet shtëpia e kulturës në f.Mateç- Likovë (Televizioni Festa, marrurr më 03.10.2016);

Vlerësuar nga: Rabie Abazi

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari

Ky artikull është përgatitur në kuadër të Vërtetmatësit, projekt për rritjen e llogaridhënies dhe përgjegjësisë së politikanëve dhe partive përpara qytetareve, i realizuar nga Fondacioni Metamorphosis. Artikulli mundësohet me përkrahje të fondacionit jofitimprurës amerikan (NED - National Endowment for Democracy) dhe Fondit Ballkanik për Demokraci, projekt i Fondit Gjerman të Marshallit në SHBA (BTD – The Balkan Trust for Democracy, a project of the German Marshall Fund of the United States), iniciativë e cila përkrah demokracinë, qeverisjen e mirë dhe integrimet euro-atlantike në Evropën Juglindore. Përmbajtja e recensionit është përgjegjësi e autorit dhe nuk i paraqet qëndrimet e Metamorphosis, National Endowment for Democracy, The Balkan Trust for Democracy, projekt i Fondit Gjerman të Marshallit në SHBA dhe partnerëve të tyre.

BDI