Recension: Zhernovski dhe Petkovski e margjinalizojnë Zaevin
Në vend të motivimit gazetaresk, në këtë tekst haptazi shihet motivimi i qartë politik. Kemi vazhdim të një “observimi kritik” të gjendjeve në opozitë, me ç’rast takimi ndërmjet njerëzve të parë të dy partnerëve më të vegjël në bllok është shfrytëzuar si bazë për ta “ngjitur” tezën se në fakt ai paraqet “margjinalizim të kryetarit të forcës kryesore në taborin opozitar”. Fjalë të fuqishme, të cilat, për fat të keq, nuk janë të mbështetura me argumente.
Linku deri te artikulli origjinal: Zhernovski dhe Petkovski e margjinalizojnë Zaevin
Data dhe koha e publikimit: 29.10.2014, 14:42
Data e recensionit: 01.11.2014
Recensues: Vlladimir Mirçeski
NUK KA ARGUMENTE GAZETARESKE PËR MARGJINALIZIM
Nuk themi se ndoshta partnerët më të vegjël nuk i përgatisin diçka atij më të madhit, mirëpo thjesht nuk ka asnjë dëshmi reale për atë që është theksuar në tekst. Porblemi për situatën e këtillë gjithsesi se qëndron në mungesën e burimeve përkatëse të informatave, për shkak referimi në dofarë “porosi” nga takimi ndërmjet Petkovskit dhe Zhernovskit, në fakt, bëjnë me dije diçka tjetër – e ajo është ideja për bashkimin edhe më të madh të opozitës, e jo për “margjinalizimin” e Zaevit. Dekor i pashmangshëm në këtë artikull, dhe në artikujt e tjerë të ngjashëm me të, janë termet “publiku” dhe “te socialdemokratët”, të cilët gjithsesi nuk janë precizuar qartë, por mbeten pezull në ajër, diçka e ngjashme me termet “ekspertët dhe njohësit e rrethanave”, të cilët asnjëherë nuk emërtohen me emër dhe mbiemër, në tekstet tendencioze sikur ky. Le të shohim së paku një herë se kush janë ata deputetë, të cilët, siç thotë teksit, nuk pajtohen me politikat partiake dhe duan, përkundër kursit për bojkot, të ulen në fotelet e deputetëve. Me të vërtetë, unë si pjesë e publikut, dua ta di se kush janë ata njerëz që hezitojnë për pyetjen: vazhdim i bojkotit ose jo. Gjithsesi, do të ishte mirëm që të na përcillje edhe deklarata e tyre, si vërtetim për atë që thuhet në tekst.
MË TEPËR “BALON” SE SA TEKST KORREKT
Teksti ka dozë të tërheqjes për syrin e lexuesit, por kjo nuk është rezultat i përmbajtjes së tij “shumë kualitative”, por për shkak të qasjes senzacionaliste, para së gjithash, në titull. Por, pasi të lexohet artikulli, do të shihet se më tepër i ngjan një “baloni të fryrë”, se sa një teksti përmbajtësor gazetaresk. Nëse thuhet se dikush dikë do ta margjinalizojë dhe bëhet përpjekje që kjo të analizohet, ka mundur së pakur të bëjë një telefon dhe të marrë qëndrim zyrtar nga partia më e madhe opozitare. Mirëpo, supozoj se ideja fillestare prapa këtij artikulli nuk ka qenë që të fitohet produkt korrekt informativ. Kjo vërtetohet edhe me formulimet e përdorura, të cilat në momente qartazi janë të pabalancuara dhe favorizojnë njërën palë. Shije të hidhur lë edhe etiketimi i mediave për të cilat, siç thuhet, janë nën kontroll të opozitës. Kështu vetëm plotësohet pasqyra e përgjitshme për një artikull të anshëm gjë që nuk ka qenë problem që mediat e ngjashme ta marrin dhe ta transmetojnë atë.
Pa e zgjatur shumë, përfundimi do të ishte se në duar kemi një artikull të dedikuar për të nxirë dikë, e jo për të informuar.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari