Historia e gjyshit 101 vjeçar që nuk ka kush t`ja urojë ditëlindjen është e pavërtetë
Një postim në Facebook thotë se gjyshi Dusan është 101 vjeç, por nuk ka kush ta urojë, sepse ai është vetëm, nuk ka asnjë.
Kështu që ai i fton njerëzit, nëse duan, t’i urojnë ditëlindjen:
Unë quhem Dusan. Unë sot bëj 101 vjeç.
Askush nuk më uron sepse nuk kam askënd më .. Jam vetëm.
Nëse dëshironi… mund ju të më uroni ….
Nën postim vërshojnë urime për ditëlindjen e gjyshit Dusan dhe urime për shëndet të mirë dhe për të festuar edhe shumë ditëlindje, në stilin e kartolinës sonë të uruar për të jetuar deri në 101 vjet e më tepër.
Sidoqoftë, më 18 tetor 2020, portali publikoi një tekst origjinal me gjyshin e vërtetë nga fotoja e publikuar në postimin në Facebook, i cili feston 101 vjet. Emri i tij është Dragan Tasevski, dhe është një personazh i njohur dhe i dashur i redaksisë, të cilën portali e thekson posaçërisht në tekst.
Portali tregon shkurtimisht historinë e tij të jetës: i lindur në Shtip, gjatë Luftës së Parë Botërore, ai jetoi në Shkup gjithë jetën e tij, mori pjesë në Luftën e Dytë Botërore, me profesion mekanik aeroplanësh, si një adhurues i madh i aeroplanëve, por edhe i librave dhe grave të bukura..
Teksti tregon gjyshin Dragan si një shembull i një njeriu me një mendim pozitiv dhe një shpirt të ndritshëm, me mesazhin:
Bëhu si gjyshi Dragan – duaje jetën, edhe ai do të të dojë ty.
Por gjëja më e rëndësishme për këtë rishikim është informacioni i dhënë në tekst:
Ndërkohë, Gjysh Dragan po pret që stërmbesa e tij të rritet edhe për një vit, kështu që ai mund të fillojë të kujdeset për të dhe t’i mësojë asaj gjithçka që ka mësuar në këto njëqind e një (vjet).
Postimi në Facebook gënjen se Gjyshi Dragan (jo Dusani) është vetëm dhe se ai nuk do të urojë askënd për ditëlindjen e tij të 101-të. Postimi ka vetëm funksionin e mbledhjes së pëlqimeve dhe komenteve.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari