Një video e manipuluar e Zelenskit duke kërcyer po përhapet në rrjetet sociale

Që nga fillimi i vitit, ka qarkulluar një video e re e rreme e Zelenskit duke kërcyer me një kostum të kuq. Videoja e presidentit të Ukrainës po shpërndahet në rrjetet sociale Facebook dhe TikTok, por në fakt është një video e modifikuar e vitit 2020, ku shfaqet një balerin rus në një lloj feste.

Presidenti i Ukrainës, Volodymyr Zelensky është sërish shënjestër e një videoje të rreme, e cila dyshohet se e tregon atë duke kërcyer me një kostum ekzotik të kuq. Videoja është postuar në rrjetet sociale Facebook dhe Tik-Tok në lagje gjatë festave të Vitit të Ri.

Në postimin në Facebook thuhej:

Ata nuk mund të gjenin një njeri më të mirë për të përfunduar vendin e tyre.

Shumë kontrollues të huaj të fakteve e kanë shqyrtuar këtë video dhe e kanë vlerësuar si të manipuluar. Është vetëm çështje kohe se kur do të përhapet në rrjetet sociale në vendin tonë. Kjo video, si dhe të tjera të verifikuara nga Vërtetmatësi, janë pjesë e një narrative për të tallur presidentin ukrainas si të papërshtatshëm për këtë detyrë. Ngjashëm me rishikimin e mëparshëm, kjo video është gjithashtu e manipuluar me teknologjinë e “deepfake”. Tani do të shohim si.

Si fillim, videoja origjinale mund të shihet se është postuar më 16 tetor 2020 në Tik-Tok. Kjo është, dy vjet para publikimit të videos që është në fokus të këtij shqyrtimi. Dhe një regjistrim i të njëjtit kërcim mund të gjendet edhe në Instagram. Sipas kontrolluesve të fakteve nga rajoni dhe Evropa, ende nuk dihet identiteti i balerinit.

Siç shihet nga fotot e mësipërme – njëra e marrë nga videoja origjinale, tjetra nga ajo e manipuluar, rrobat, audienca, pozicioni i trupit janë të njëjta. Vetëm fytyra e balerinit është ndryshuar për t’i ngjajtur Zelenskit. Gjithashtu, dy videot kanë muzikë të ndryshme.

Përcaktimi shtesë i faktit se videoja është manipuluar mund të bëhet me mjetin e kontrollit të videos në internet – Deepware. Është një teknologji për të zbuluar nëse një video, ose përmbajtje që ka komponentë video dhe audio, është manipuluar artificialisht.

Në këtë link mund të shikoni analizën e videos së manipuluar. Në të janë paraqitur katër modele që kryejnë analizën. Sipas parametrave shihet se videoja është padyshim e manipuluar. Të katër modelet zbulojnë një lloj ndryshimi, dy të fundit (i treti dhe i katërti) shënojnë një dyshim prej 68 dhe 59 përqind.

Një nga arsyet pse Zelensky është kaq shpesh në shënjestër të videove të tilla, veçanërisht të lidhura me kërcimin, është sepse para se të bëhej president, ai ishte një komedian dhe pjesë e e botës së artit dhe shfaqeve. Më parë ka marrë pjesë në spektaklin “Dancing with the Stars” (në vitin 2006) dhe ka regjistruar një video satirike ku së pari kërcen me kostumin tradicional të Kozakëve, të cilin e gris dhe vazhdon të kërcejë me taka të larta dhe rroba të ngushta lëkure – të ngjashme në këngën hit “Single ladies” nga Beyoncé. Epo, nëse dikush e ka parë duke kërcyer në video reale, mund ta besojë lehtësisht nëse diçka e manipuluar si kjo përhapet në rrjetet sociale.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari