Kanë filluar aktivitet për ndërtimin e kopshtit në Shtip

Nga admin On Jul 26, 2018 0

Foto: profili i Facebook-ut të kryetarit të Komunës së Shtipit, Boçvarksi.

Kopsht i ri për fëmijë në lagjen Senjak 4

[Burimi: Programi zgjedhor i Bllagoj Boçvarskit për zgjedhjet lokale të vitit 2017, “Jetë në Shtip për të gjithë” (faqe 12 dhe faqe 26), data: tetor 2017]

ARSYETIM:

Kryetari i Komunës së Shtipit, Bllagoj Boçbarski, në zgjedhjet lokale (tetor 2017) si kandidat i LSDM për kryetar në Komunë, premtoi ndërtim të kopshtit të ri për fëmijë në lagjen 4. Premtimi i përmendur është pjesë e programit parazgjedhor të Boçvarskit: “Jetë në Shtip për të gjithë” (faqe 12 në pjesën “Komunë për të gjithë ne” dhe në faqe 26 në pjesën “Projekte lokale – Bashkësia urbane “Senjak”), dhe projekti është duke u realizuar.

Me 05.12.2017, dy muaj pas ardhjes në funksionin e kryetarit të komunës, Boçvarski në konferencë për shtyp kumtoi se janë siguruar mjete financiare për ndërtimin e kopshtit të ri për fëmijë në Shtip, lokacioni i të cilës është në lagjen Senjak, ndërsa është përgatitur edhe dokumentacioni i nevojshëm teknik. Po ashtu, atëherë u tha se edhe investimi i përgjithshëm arrin vlerën prej 36,8 milion denarë, prej të cilëve 16 milion janë mjete prej rajonit malor lindor, ndërsa pjesën e mbetur do ta co-financojë Komuna dhe Ministria për Punë dhe Politikë Sociale.

Kjo është një mundësi e mirë që të lëvdrohemi se në periudhën e ardhshme do të fillojmë me realizimin e një prej projekteve kryesore kapitale me të cilët dolëm në zgjedhjet e fundit lokale. Bëhet fjalë për kopsht për 200 fëmijë i cili është 1500 metër katror dhe është shumë i nevojshëm për qytetin tonë, sepse në tridhjetë vitet e fundit në Shtip nuk ka pasur kopsht fëmijësh (Boçvarski)

Kah mesi i muajit mars (2018) prej Komunës së Shtipit informuan se me vendimin e Qeverisë së Republikës së Maqedonisë, tokën për ndërtimin e kopshtit të fëmijëve në lagjen Senjak 4 e kanë marr nën shfrytëzim të përhershëm

Dua të informojë opinionin se në Komunën e Shtipit se mbrëmë në seancën e Qeverisë së Republikës së Maqedonisë toka ndërtuese për kopshtin për fëmijë në lagjen Senjak i është ndarë Komunës së Shtipit. Ky është një hap më tej në drejtim të ndërtimit të një prej projekteve të mëdha kapitale të cilët i premtuam në fushatën parazgjedhore dhe me të cilin krenohemi në veçanti. Pikërisht për këtë informojë opinionin se kopshti për 200 fëmijë do të ndërtohet në parcelë prej 5518 m2. Hapi i radhës është që të sigurojmë mjetet të cilat janë votuar në qendrën për zhvillim të rajonit malor lindor prej rreth 16.000.000 denarësh, ndërsa Komuna e Shtipit do të mbulojë pjesën e mbetur të buxhetit diku më shumë se 20.000.000.00 denarë. (Boçvarski)

Me 14 e këtij muaji (korrik 2018) portali “Sakam da kazham” publikoi se Komuna e Shtipit dhe Qendra për zhvillim të Rajonit malor lindor, nënshkroi Marrëveshje për ndërtimin e kopshtit në Shtip.

Këto ditë (20.07.2018) mediumet informuan se Qendra për zhvillim të rajonit malor lindor (RML) do të shpall tender për ndërtimin e kopshtit të fëmijëve në lagjen “Senjak” në Shtip, dhe siç u komunikua, procedura e tenderit duhet të përfundojë deri me 10 gusht.

BURIME:

Изборна програма на Благој Бочварски за локаните избори 2017 година – „Живот во Штип за сите“(стр.12 и стр.26) [Пристапено на 23.07.2018]
Слободен печат (21.10.2017): Бочварски: Нова градинка и енергетски објекти во населба Сењак [Пристапено на 23.07.2018]
Тајм.мк (05.12.2017): По 30 години Штип ќе гради градинка [Пристапено на 23.07.2018]
Веб-страница на Општина Штип: ИПР ќе финансира изградба на нова детска градинка во Штип [Пристапено на 23.07.2018]
Сакам да кажам (14.07.2018): Се гради нова градинка во Штип по 30 години [Пристапено на 23.07.2018]
Тајм.мк (20.07.2018): Распишан тендерот за изградба на градинка во штипската населба „Сењак“ [Пристапено на 23.07.2018]
Веб-страница на Општина Штип (20.03.2018):Доделено трајно градежно земјиште за изградба на детска градинка во Општина Штип [Пристапено на 23.07.2018]

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari

Ky artikull është përgatitur në kuadër të Vërtetmatësit, projekt për rritjen e llogaridhënies dhe përgjegjësisë së politikanëve dhe partive përpara qytetareve, i realizuar nga Fondacioni Metamorphosis. Artikulli mundësohet me përkrahje të fondacionit jofitimprurës amerikan (NED - National Endowment for Democracy) dhe Fondit Ballkanik për Demokraci, projekt i Fondit Gjerman të Marshallit në SHBA (BTD – The Balkan Trust for Democracy, a project of the German Marshall Fund of the United States), iniciativë e cila përkrah demokracinë, qeverisjen e mirë dhe integrimet euro-atlantike në Evropën Juglindore. Përmbajtja e recensionit është përgjegjësi e autorit dhe nuk i paraqet qëndrimet e Metamorphosis, National Endowment for Democracy, The Balkan Trust for Democracy, projekt i Fondit Gjerman të Marshallit në SHBA dhe partnerëve të tyre.