Është lëshuar në përdorim rezervuari për furnizim me ujë të pijshëm në Zhelinë

Premtim: Angazhimi për ndërtimin dhe mirëmbajtjen e ujësjellësit

Buxheti: 41.000.000 denarë

[Burimi: Programi zgjedhor i kryetarit të Komunës së Zhelinës, Blerim Sejdiu për zgjedhjet lokale të vitit 2017, data: tetor 2017] 

ARSYETIM:

Premtimi i kryetarit të Komunës së Zhelinës, Blerim Sejdiu, për ndërtimin dhe mirëmbajtjen e sistemit për furnizim me ujë, dhënë në programin e tij zgjedhor për zgjedhjet lokale të vitit 2017 (faqe 7) në pjesën Urbanizimi, është realizuar. 

Me 04.10.2019 në ueb-faqen e Komunës së Zhelinës u njoftua se me projektin e fituar nga Ministria e Transportit dhe Lidhjeve dhe me bashkëparticipimin e Komunës u ndërtua rezervuari ujë në Zhelinë.

Në komunikatë nga Komuna thuhet se:

Pas një punë të gjatë dhe të pandërprerë sot zyrtarisht lëshojmë në përdorim rezervuarin për ujë në lagjet e Komunës së Zhelinës. Ky projekt u zbatuar përmes Ministrisë për Transport dhe Lidhje. 

Në hapjen solemne ishte i pranishëm edhe kryetari Sejdiu, i cili deklaroi:

Ky projekt është zbatuar me ndihmën e Ministrisë për Transport dhe Lidhje, ne si komunë sot kemi marr çelësat e këtij rezervuari. Ajo çka më gëzon është se Komuna e Zhelinës ka pasur problem afatgjatë me furnizimin me ujë i cili është zgjidhur. 

Në hapjen solemne ishte i pranishëm edhe përfaqësues nga ministria për Transport dhe Lidhje e cila deklaroi se ky projekt është realizuar me hua nga Banka Evropiane për Investim, ndërsa në periudhën e ardhshme do të investohet për përfshirjen edhe të fshatrave të tjerë:

Projekti është realizuar përmes huas së marr nga Banka Evropiane për Investim. Me këtë projekt kapital do të rregullohet problemi me furnizimin me ujë në Komunën e Zhelinës dhe fshatrave. Pompat janë financuar edhe nga Banka Evropiane me bashkëpunim të përbashkët. (Sllobodanka Spirovska – prej minutës 1,34 të videos)

Vlera e përgjithshme e këtij projekti është 41.000.000 denarë, prej ku Komuna e Zhelinës ka bashkëfinancuar me 8.000.000 denarë, pjesa e mbetur është siguruar nga Ministria përmes Bankës Evropiane për Investim. Ky rrjeti i ujësjellësit do të ketë tre puse, por në këtë periudhë funksionale do të jenë vetëm dy prej tyre. Dy puse do të sigurojnë minimum 60 litra ujë në sekondë.

Është e rëndësishme që të përmendet se ky projekt zgjodhi problem të mungesës së ujit për pije të banorëve të fshatit Zhelinë. Po ashtu, parashihet se në fazën e radhës do të zgjidhet problemi me ujin për pije të banorëve të: Pallaticës, Treboshit, Uzurmishtit, Leshnicës, Dëbërcës, Grupçinit, Çiflikut, Llërcës, Kopaçindollir, Novo Sellës dhe Rogles.

Duke pasur parasysh informacionet e lartpërmendura ky premtim i kryetarit të Komunës së Zhelinës, Blesim Sejdiu, e vlerësojmë për të realizuar. 

** Vërtetmatësi me 18.06.2018 vlerësoi këtë premtim të Sejdiut duke u realizuar, por prej kur rezervuari u lëshuar në përdorim me 04.09.2019, ky premtim mori notën i realizuar. 

BURIME:

• Изборна програма на градоначалникот на Општина Желино, Блерим Сејдиу [Пристапено на 09.10.2019]
• Официјална веб страница на Општина Желино [Пристапено на 09.10.2019]
• Tv Koha (09.10.2019) Селата во Општина Желино ќе имаат вода за пиење  [Пристапено на 09.10.2019]

Vlerësoi: Drilon Saliu

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari