Abuzim i shkathët i studimit shkencor për fushatë kundër maskave

Studimi i Dr. Leopold Sigal është keqpërdorur me shkathtësi për interpretim arbitrar se “përdorimi afatgjatë i maskës mund të shkaktojë kancer të mushkërive“. Studimi i pranisë së shtuar të mikrobeve komenzale në mushkëritë e bardha është kryer shumë më herët sesa fillimi i pandemisë dhe askund nuk e lidh mbajtjen e maskave ​​me kancer të mushkërive, ndërsa këtë e kanë konfirmuar për “Reuters” vetë autorët e studimit.

 

Postimi në Facebook manipulon publikun se mbajtja e maskës mund të shkaktojë kancerin e mushkërive. Në mbështetje të këtij pretendimi, postimi citon një studim të botuar nga Dr. Leopold Sigal, drejtor i Programit të Mikrobiomës së Mushkërive, profesor i asociuar në Shkollën e Mjekësisë të Universitetit të New York-ut, dhe anëtar i Qendrës së Kancerit në Perlmutter në New York. Kontrolli ynë tregoi se studimi i Dr. Sigal nuk përmend maska ​​dhe se ai ishte abuzuar me shkathtësi për të përhapur lajme të rreme.

Mbajtja e gjatë e maskave, shkak për përparim të kancerit të mushkërive. Autori Dr. Leopoldo Sigal, drejtor i Programeve të Mikrobiomës së Mushkërive, profesor i çrregullt në Shkollën e Mjekësisë të Universitetit të Nju Jorkut, dhe anëtar i Qendrës së Kancerit Perlmutter në Nju Jork. Ka bërë kërkime të gjëra. Do t’u rezistoni masave ose do të sëmureni, është vendimi juaj”, thuhet në postimin në Facebook, që e recensojmë. 

Pretendimi se mbajtja e maskës mund të kontribuojë në kancerin e mushkërive nuk është i vërtetë dhe për këtë nuk ka asnjë provë shkencore. Tashmë është e njohur se mbajtja e një maske ndihmon në zvogëlimin e rrezikut të përhapjes dhe infektimit me koronavirusin, ndërsa Qendrat Amerikane për Kontrollin dhe Parandalimin e Sëmundjeve (CDC) kanë rekomanduar të mbahen dy maska ​​për mbrojtje shtesë.

Sipas Qendrës, mbajtja e maskës prej pambuku mbi atë kirurgjike, mund të rrisë ndjeshëm mbrojtjen ndaj infeksionit për personin që mban maska ​​dhe ata përreth tij. Kjo tregohet edhe në studimin e ri të botuar nga CDC.

Postimi që po recensojmë citon një artikull nga faqja futv.media me titull “Përdorimi afatgjatë i maskës mund të kontribuojë në kancerin e mushkërive”. Nëse vizitoni faqen, do të kuptoni se është një faqe në internet që nuk ka impresione, adresë dhe përmbajtja e botuar në të kryesisht merret me teori konspirative në lidhje me koronavirusin dhe përhap fushatë anti-vaksinimi.

Teksti i referohet një studimi nga Dr. Leopoldo Sigal, drejtor i Programeve të Mikrobiomës së Mushkërive, profesor në Shkollën e Mjekësisë të Universitetit të Nju Jorkut, dhe anëtar i Qendrës së Kancerit në Perlmutter, Nju Jork, që siç thuhet në tekst, është botuar në revistën Cancer Discovery, revistë e Shoqatës Amerikane të Kancerit.

“Mushkëritë e bardha për kohë të gjatë janë konsideruar sterile, por ne tani e dimë që komensalet orale – mikrobe që gjenden zakonisht në gojë – shpesh hyjnë në mushkëri për shkak të aspiratave të pavetëdijshme”, tha Sigal. Derisa shumë studime kanë provuar ndikimin e mikrobiomës së zorrës në kancer, ndikimi i mikrobiomës për kancerin e mushkërive mbetet i paqartë, thuhet në fillim të tekstit. 

Kur të lexoni të gjithë artikullin, në një fragment nga ky hulumtim, do të shihni se maskat nuk përmenden askund, as nuk thuhet se mbajtja e tyre ka lidhje me kancerin e mushkërive.

Studimi i Sigal veçanërisht merret me atë se si mikrobioma e mushkërive luan një rol në zhvillimin e kancerit të mushkërive, një sëmundje që prek më shumë se 2 milion njerëz në të gjithë botën dhe është shkaku i gati 1.8 milion vdekjeve në 2018, sipas Organizatës Botërore të Shëndetësisë.

Studimi analizon mikrobiomat e mushkërive të 83 pacientëve të rritur të pashëruar me kancer të mushkërive dhe zbuloi se pacientët me fazë të avancuar të kancerit të mushkërive (fazat III deri IV) 1-3a) kishin pasurim më të madh të komensaleve të mushkërive orale sesa ata që e kishin sëmundjen në fazat e hershme (fazat 1-3a)”, thuhet në njoftimin e nëntorit të Shoqatës Amerikane të Kancerit. 

“USA Today” e ka shqyrtuar këtë studim, i cili u botua në internet këtë muaj, dhe zbuloi se nuk përmendet apo as aludohet për mbajtjen afatgjatë të maskës si arsye për kancer të mushkërive.

Sigal dhe një autor tjetër i studimit, Dr. Xhejms Caj nga Shkolla Mjekësore në Nju Jork “Grossman”, në një deklaratë për “Reuters” tha se studimi i tyre nuk përfshinte mbajtjen afatgjatë të maskës dhe se “aktualisht nuk ka asnjë provë shkencore për këtë keqinterpretim të rezultatit tonë”.

Doktor Caj për “Reuters” tha se të gjithë pacientët ishin rekrutuar vite para pandemisë, “në mes viteve 2013-2018”. Caj ka thënë se “për shkak se mbajtja e maskës nuk ishte e zakonshme gjatë studimit tonë, pak janë gjasat që kjo të jetë një nga arsyet për gjetjet tona“.

Doktor Caj, për “Reuters” gjithashtu ka thënë se “nuk ka asnjë shpjegim shkencor për dyshimin se mbajtja e maskës do të rrisë sasinë e baktereve orale që arrijnë në mushkëri”.

Nga kjo, mund të përfundohet se studimi i Dr. Sigal është keqpërdorur me shkathtësi për interpretim arbitrar se “përdorimi afatgjatë i maskës mund të kontribuojë në kancer të mushkërive“. Studimi i pranisë së shtuar të mikrobeve komenzale orale në kancerin e mushkërive u krye shumë më herët sesa fillimi i pandemisë dhe askund nuk e lidh mbajtjen e maskës me kancer të mushkërive, gjë që u konfirmua për “Reuters” nga vetë autorët e studimit.

“Vërtetmatësi” më herët demantoi edhe lajmin se mbajtja e maskës shkakton pleurit.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari