Nuk është hapaur vendkalim kufitar Sanakos-Dragash me Kosovën

Projekt: Hapje e vendkalimit kufitar me Republikën e Kosovës, Sanakos-Dragash (2013-2017) 

ARSYETIM:

Hapja e vendkalimit kufitar Sanakos-Drakash me Kosovën, është premtim i parealizuar i kryetarit të Komunës së Vrapçishtit, Bajram Kadrija, i dhënë në platformën parazgjedhore për zgjedhjet lokale të vitit 2013 “Bashkë Ndërtojmë”, në pjesën “Projekte ndërkufitare dhe regjionale” (Faqe. 289)

Në kërkimin e detajuar në ueb faqe e Komunës së Vrapçishtit për projektet e realizuara në periudhën 2013-2017, vërtetuam se nuk ka informacione për hapjen e vendkalimit kufitar Sanakos-Dragash, as edhe për ndonjë iniciativë të qeverisjes qendrore, gjegjësisht Ministrisë së Punëve të Jashtme a MPB-së për ndonjë vendkalim të ri kufitar ose për marrëveshje për hapa të mëtutjeshëm në këtë drejtim.

Duke pas parasysh që një projekt i tillë do të ishte i një rëndësie të madhe për qytetare, do të tërhiqte vëmendje të lartë në opinion. Por, me kontrollin e detajuar të mediumeve dhe kërkuesve në internet nuk mund të gjendet asnjë informacion për vendkalim të ri kufitar në këtë rajon, iniciativë ose debat publik për këtë temë.

Që nuk ka vendkalim kufitar Sanakos Dragash, na konfirmoi edhe Ministria e Punëve të Brendshme:

 Nuk ka vendkalim kufitar Sanakos-Dragash me Kosovën, nuk ka pas takime me palën kosovare për këtë vendkalim.

Duke pas parasysh këtë që është thënë më sipër, mund të përfundojmë që premtimi i kryetarit të Komunës së Vrapçishtit, Bajram Kadrija, “Hapje e vendkalimit kufitar me Kosovën, Sanakos-Dragash” është i parealizuar.

BURIME:

 

Vlerësoi: Drilon Saliu


Ky artikull është përgatitur në kuadër të Vërtetmatësit, projekt për rritjen e llogaridhënies dhe përgjegjësisë së politikanëve dhe partive përpara qytetareve, i realizuar nga Fondacioni Metamorphosis. Artikulli mundësohet me përkrahje të fondacionit jofitimprurës amerikan (NED - National Endowment for Democracy) dhe Fondit Ballkanik për Demokraci, projekt i Fondit Gjerman të Marshallit në SHBA (BTD – The Balkan Trust for Democracy, a project of the German Marshall Fund of the United States), iniciativë e cila përkrah demokracinë, qeverisjen e mirë dhe integrimet euro-atlantike në Evropën Juglindore. Përmbajtja e recensionit është përgjegjësi e autorit dhe nuk i paraqet qëndrimet e Metamorphosis, National Endowment for Democracy, The Balkan Trust for Democracy, projekt i Fondit Gjerman të Marshallit në SHBA dhe partnerëve të tyre.

Leave a Reply

Your email address will not be published. Required fields are marked *