Videoja e vitit të kaluar e një marshimi nga komuniteti LGBT, e shfaqur sikur të ishte filmuar pas anëtarësimit të Suedisë në NATO
Videoja e shpërndarë në postim nuk është e re, pra nuk është regjistruar pas anëtarësimit të Suedisë në Aleancën e NATO-s, por më parë. Ndryshe, mënyra se si është pozicionuar Suedia në lidhje me mbështetjen e lirisë së zgjedhjes, mbrojtjen e të gjithë qytetarëve, luftën kundër diskriminimit, nuk ka të bëjë me anëtarësimin në NATO, gjë që i dha vendit një stabilitet shtesë.
Po shqyrtojmë një postim në rrjetin social Facebook ku shkruhet:
Ushtria suedeze pas anëtarësimit në NATO.
Si pjesë e postimit, shpërndahet video që tregon një tubim ku njerëz të veshur me uniforma ushtarake mbajnë flamuj ylber, një simbol i komunitetit LGBT.
Megjithatë, siç shkruajnë kontrolluesit e fakteve të France Press, më konkretisht nga departamenti i France Press që mbulon rajonin e Lindjes së Mesme, ku është përhapur edhe video me mesazhin se ushtria suedeze është në të pas pranimit në NATO, nuk bëhet fjalë për video të re, pra nuk është regjistruar pas hyrjes së Suedisë në Aleancën e NATO-s.
Pranimi i Suedisë në NATO u bë në vitin 2024.
Videoja në postimin që po shqyrtojmë në fakt daton në vitin 2023 dhe është filmuar gjatë një marshimi vjetor në mbështetje të komunitetit LGBT, jo së fundmi.
Videoja tregon një turmë të madhe njerëzish të veshur me uniforma ushtarake që marshojnë në rrugë, duke valëvitur flamujt me ylber.
Parlamenti i Hungarisë miratoi hyrjen e Suedisë në NATO më 26 shkurt, duke hequr pengesën e fundit për zgjerimin e aleancës pas pushtimit rus të Ukrainës.
Suedia – e cila shpalli kandidaturën e saj pas sulmit rus në Ukrainë – është anëtari i tridhjetë e dytë i aleancës. Për këtë veprim votuan 188 deputetë në Parlamentin hungarez, ndërsa kundër ishin vetëm gjashtë deputetë. Suedia më pas e mirëpriti këtë dhe e përshkroi atë si një “ditë historike”.
Videoja, e postuar nga kontrolluesit e fakteve në Check your fact, e ka origjinën nga gushti i vitit 2022 ndërsa ushtria suedeze mori pjesë në një marshim në mbështetje të komunitetit LGBT. Kjo nuk është hera e parë që ushtria suedeze merr pjesë në marshimin vjetor në mbështetje të komunitetit LGBT. Janë videoklipe të vjetra, ndër të cilat më e spikatura është video e Komandantit të Përgjithshëm të Forcave të Armatosura Suedeze, Michael Pedin, gjatë pjesëmarrjes së tij në këtë marshim të vitit 2018.
Mënyra se si Suedia pozicionohet në lidhje me mbështetjen e lirisë së zgjedhjes, mbrojtjen e të gjithë qytetarëve, luftimin e diskriminimit, në fakt nuk lidhet me anëtarësimin në NATO, gjë që i dha vendit një stabilitet shtesë.
Për të gjitha faktet e mësipërme, ne e vlerësojmë postimin që po shqyrtojmë si pjesërisht të pavërtetë.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari
