Rritje e lartë e çmimeve të banesave në Ohër, Manastir dhe Gazi Babë (Infografik)
Gazi Baba, Ohri dhe Manastiri janë rekorederë për rritjen e çmimit mesatar për metër katror të banesave për periudhë prej një viti, tregoi analiza e Meta.mk, me të dhënat nga regjistrat e çmimeve dhe qirave të Agjencisë për Kadastër të patundshmërive për periudhën korrik-shtator 2019 dhe 2019. Në këto tre qytete, çmimi për një metër katror në periudhën prej korrikut deri në shtator të vitit 2019-të, në krahasim me periudhën e njëjtë të vitit të kaluar është rritur për 10%, njofton Meta.mk.
Sipas të dhënave të Kadastrit, prej gjithsej 13 komunave të ranguara, rritje të çmimit mesatar të banesave ka në 7 komuna, ndërkaq ulje në 6.
Ulje më të madhe të çmimit ka në Shtip, edhe atë për mbi 20%, pastaj në Kisella Vodë për 15%.
Meta.mk ka shkuar se prej shtatorit të vitit të kaluar, në tërë territorin e shtetit ka 6.368 banesa të cilat janë ndërtuar dhe ende nuk janë shitur dhe ofrohen në tregun e patundshmërive.
“Gjithashtu, në Agjencinë për Kadastër të patundshmërive janë dhënë 11.950 fleta për markimin e ndërtimit që tregon se këto objekte janë në fazën e ndërtimit dhe së shpejti do të gjenden në tregun e patundshmërive. Mund të konstatohet se numri i ndërtimeve të reja momentalisht e kënaq kërkesën e banesave të reja”, thuhet në raportin e Kadastrës.
Përndryshe, numër më të madh të banesave të shitura në periudhën korrik-shtator, të vitit të kaluar është në Komunën Karposh, gjegjësisht gjatë kësaj periudhe janë shitur 239 banesa, ndërkaq numër më të madh të shtëpive të shitura ka Komuna e Manastirit, gjegjësisht janë shitur 30 shtëpi.
Statistikat tregojnë se banesat në Karposh janë më të shitura edhe pse çmimi i tyre mesatar është më i lartë, gjegjësisht 60.398 denarë për një metër katror.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari