Padi për abuzim me të dhënat personale: ata përdorën foto të mjekëve për të shitur çajra në internet

Bëhet fjalë për çajrat kundër parazitëve, përmes reklamimit të të cilëve u abuzuan me personazhe të mjekëve të njohur nga vendi. “Vërtetmatësi” ka shkruar në disa raste për këtë lloj manipulimesh me publikun

Prokuroria Themelore Publike ka paraqitur kallëzim penal kundër një personi 34 vjeçar dhe një kompanie për keqpërdorim të të dhënave personale. I pandehuri 34-vjeçar, si person përgjegjës në kompani, në periudhën nga nëntori 2022 deri në prill 2023, në kundërshtim me Ligjin për Mbrojtjen e të Dhënave Personale, pa pëlqimin e tre mjekëve të dëmtuar, ka përdorur të dhënat e tyre personale – fotografinë, emrin dhe mbiemri per shitjen online te dy produkteve.

Prokuroria i ka dorëzuar gjykatës kompetente Propozim për lëshimin e urdhrit penal.

Domethënë, bëhet fjalë për çajin kundër parazitëve, përmes reklamimit të të cilit janë abuzuar me personazhe të mjekëve të njohur nga vendi. “Vërtetmatësi” ka shkruar vazhdimisht për këtë lloj manipulimi me publikun.

Sipas prokurorisë, të dhënat personale të secilit prej mjekëve të dëmtuar janë keqpërdorur si për të reklamuar dhe rekomanduar çajrat Parazol dhe Hypertea, të cilat importoheshin dhe shpërndaheshin nga personi juridik i akuzuar.

“Intervista dhe postime të rreme, të shkarkuara dhe të shpërndara në shumë uebfaqe dhe rrjete sociale, me pretendime shëndetësore dhe rekomandime të rreme mjekësore për këto produkte që viktimat nuk i kanë dhënë kurrë, janë përdorur nga i pandehuri për përpunim të paligjshëm të të dhënave personale dhe marketing të drejtpërdrejtë”, thonë nga prokuroria.

Prokurori publik kompetent i propozoi gjykatës që të shpallen fajtorë dhe personi përgjegjës të dënohet me gjobë të vetme prej 70 gjoba ditore me gjobë ditore prej 30 euro në denarë, ndërsa personi juridik me gjobë të vetme prej 300.000 denarë.

Sipas propozimit të prokurorisë, të pandehurit do të duhet t’i kompensojnë shpenzimet e procedurës pas aktgjykimit dhe secili nga mjekët e dëmtuar do të ketë mundësi në procedurë civile të realizojë kërkesën juridike për dëmin e shkaktuar nga keqpërdorimi i të dhënave personale.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari