Një vajzë e plagosur dhjetë vjet më parë në luftën në Gaza, e paraqitur si viktimë e sodomisë

Vajza e paraqitur në foto nuk ka asnjë lidhje me sodominë. Vajza ishte viktimë e luftës në Gaza dhe vuajti nga zjarri i artilerisë në vitin 2014. Ajo kishte një kafkë të thyer dhe një hundë të thyer, për këtë arsye iu shfaqën të nxira rreth syve. Historia e Nemës së Vogël është raportuar nga British Mirror dhe Channel 4 dhe ka edhe video nga viti 2014 dhe 2015 për të.

 

Ne analizojmë një postim në Facebook që ndan një foto të fëmijëve me lëndime të dukshme në fytyrë rreth syve të tyre që thotë:

Kujdesuni për fëmijët tuaj!!!

Në vetë foton me fëmijët ka një mbishkrim:

“Sytë e pandas” ndodhin kur një fëmijë është i sodomizuar dhe trauma i këput kapilarët rreth syve (të cilët fryhen kur sodomizohen) duke krijuar mavijosje në formë unaze.

Nga kontrolli ynë rezultoi se fotoja nuk ka të bëjë me sodomizimin e fëmijëve, siç pretendon postimi. Përkatësisht, vajza e parë në foto është Nema nga Gaza, për të cilën mediat kanë raportuar në vitin 2014 dhe 2015 e cila pasoi nga një shpërthim gjatë të cilit ka pësuar lëndime rreth syve.

Siç raportoi britanikja “Mirror” më 28 korrik 2014, gazetari i Channel 4, John Snow, regjistroi një video për fëmijët viktima të luftës në Gaza, dhe video tregonte një vajzë të atëhershme dyvjeçare me mavijosje rreth fytyrës “aq keq sa që ajo dukej si një panda.”

Një imazh veçanërisht shqetësues është Nema, e cila në vetëm dy vjeç ka mavijosje rreth syve aq të rënda sa duket si një panda. Raportohet se u hodh në erë në një sulm artilerie izraelite javën e kaluar. Snou tha: “Nuk mund ta heq nga mendja. Nema dy vjeçare. Kafka e saj e thyer dhe hunda e thyer shkaktuan dy pika të mëdha rrethore të mbushura me qelb që mbulon sytë e saj të vegjël, raportoi Mirror në një artikull të vitit 2014. 

Videoja ku shihet vajza dyvjeçare me sy panda është e disponueshme edhe në YouTube (2:15 minuta).

Një vit më vonë, në korrik 2015, gazetari Jon Snow shkoi sërish në Gaza për të parë Nemën. Një video e kësaj vizite mund të gjendet edhe në YouTube (2:45 minuta).

Dhe më pas “Mirror” shkroi për vajzën, pra transmetoi historinë e Snow.

Një vit pas krizës së Gazës, vajza që pësoi mavijosje aq të rënda sa e bënin të dukej si panda, nuk njihet. Një vit më vonë, gazetari u kthye në Gaza për t’u ribashkuar me Nemën, plagët e së cilës duket se janë shëruar plotësisht. Tani ajo duket e lumtur dhe e shëndetshme edhe pse duket se ka pësuar disa efekte anësore nga kalvari traumatik,transmeton Mirror.

Në videon e takimit të Snow me Nemën e vogël, gazetari thotë:

Mavijosjet e saj të tmerrshme dhe sytë e pandas ishin të pamundura për t’u harruar. Tani e sigurt në krahët e të atit, sytë e saj janë rikuperuar. Por tani ajo dridhet pak dhe djersitet në shtrat natën.

Nga e gjithë kjo mund të konkludojmë se vajza e paraqitur në foto nuk ka asnjë lidhje me sodominë. Vajza ishte viktimë e luftës në Gaza dhe vuajti nga zjarri i artilerisë. Ajo kishte kafkën e thyer dhe hundën e thyer, për këtë arsye iu shfaqën të nxira rreth syve. Historia e Nemës së Vogël është raportuar nga British Mirror dhe Channel 4 dhe ka edhe video nga viti 2014 dhe 2015 për të. Prandaj e vlerësojmë si të pasaktë postimin që po analizojmë.

 

 

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari