Nuk ka asnjë billboard në Nju Jork që të zëvendësojë mesazhin “mbështetje për Ukrainën” me “mbështetje për Izraelin”
Video materiali që është përpunuar grafikisht (përmbajtje e ndryshuar) tregon në mënyrë të rreme se në Nju Jork është shfaqur një billbord dixhital në të cilin është shtypur mesazhi “Ne mbështesim Ukrainën” me mesazhin “Ne mbështesim Izraelin”. Ky është një video material i përpunuar grafikisht, në këtë lokacion të spikatur në Nju Jork, billbordi nga videoja nuk ka ekzistuar kurrë. Përdoruesit e Twitter-it që shkuan për të parë se çfarë kishte në faqe, shkrepën një foto të billbordit që shfaqte një reklamë për filmin vizatimor Trolls.
Jemi duke shqyrtuar një postim në rrjetin social Facebook në të cilin shpërndahet video material, gjoja nga një billbord digjital në Nju Jork, ku mesazhi “ne qëndrojmë së bashku me Ukrainën” është ndryshuar në “ne qëndrojmë së bashku me Izraelin”. Videoja që tregon mesazhin pro-izraelit në New York City është e fabrikuar dhe këtë e ka konfirmuar kompania që menaxhon ndërtesën specifike për kontrolluesit e fakteve të Reuters.
Videoja tregon një pjesë të një rruge në qendër të Manhattan-it dhe dy panele të mëdha që shkruajnë “Ne qëndrojmë me Ukrainën”. Ai mesazh ndryshon dhe shtyhet nga mesazhi “Ne qëndrojmë me Izraelin”, ndërsa në të njëjtën kohë ngjyrat e flamurit të Ukrainës ndryshohen në flamurin Izraelit.
Reuters ka konfirmuar vendndodhjen e tabelave dhe është në 200 W 50. St. Nju Jork. Kompania reklamuese Clear Chanel Outdoors, e cila menaxhon hapësirën, tha për Reuters se reklama e parë në video ishte e rreme. Reklama nuk u shfaq kurrë në vendndodhjen e mësipërme, shkruajtën kontrolluesit e fakteve të Reuters, duke cituar një mohim që ata morën nga kompania që menaxhon këto panele reklamash në adresën e treguar.
Dhe verifikuesit francezë të fakteve dolën në të njëjtat përfundime, se është një videomontazh dhe billbordi nuk është i besueshëm dhe nuk ekziston në realitet, as nuk është vendosur ndonjëherë në vendin e caktuar.
Përdoruesit e rrjetit social “X” kanë shkuar në vendngjarje për të kontrolluar nëse ekziston një billbord i tillë dhe duke e regjistruar në kohë reale kanë konstatuar se në të po promovohen përmbajtje krejtësisht të ndryshme.
Kontrolluesit francezë të fakteve thonë se burimi i parë i këtij dezinformimi është një kanal rus Telegram.
Aty, video e pavërtetë u postua më 9 nëntor 2023, me një mesazh në rusisht:
Televizioni amerikan u bëri thirrje njerëzve të jenë në modë dhe të mbështesin Izraelin në vend të Ukrainës.
ABC News, përmes një reklame në Nju Jork, i ftoi ata të “ndjekin trendet” me ta.
Nga kjo reklamë është e qartë se mbështetja për Ukrainën nuk është më në modë. Mbështetja për Izraelin është në trend tani.
Është interesante se nën këtë billbord është një reklamë për filmin vizatimor Trolls. A është ky trolling delikat apo rastësi?
Kjo nuk është hera e parë që ky lokacion i njohur në Nju Jork keqpërdoret për të përhapur gënjeshtra në rrjetet sociale. Kështu, Vërtetmatës tashmë ka publikuar për një rast të ngjashëm, kur në rrjetet sociale u shfaq dezinformata se në Nju Jork kishte një billbord me mbishkrimin “Nuk ka Zelensky, nuk ka luftë”. Me metoda të ngjashme shpërndahej dezinformata, pra me video materiale të manipuluara grafikisht, të paraqitura sikur të ishin të vërteta. Për dezinformatorët, ndryshimi grafik i tabelave me programe kompjuterike po rezulton të jetë një teknikë e re për manipulimin e opinionit publik.
Për të gjitha faktet e mësipërme, ne e vlerësojmë postimin që po shqyrtojmë si një postim në të cilin përmbajtja është ndryshuar (altered content). Nuk kishte asnjë billboard dixhital të vendosur në Nju Jork që zëvendësonte mbështetjen për Ukrainën me një mesazh mbështetjeje për Izraelin.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari