Nuk është e vërtetë që elitat perëndimore e kanë përgatitur luftën në Ukrainë për një kohë të gjatë
Që në dhjetor 2021, liderët perëndimorë i bënë thirrje Rusisë që të qetësojë tensionet dhe premtuan të mbështesin Ukrainën në rast të ndonjë kërcënimi nga Moska. Më 24 shkurt 2022, Rusia dhe jo elitat perëndimore, kreu një pushtim të plotë ushtarak të Ukrainës, pra një luftë e nisur me pasoja të rënda për të gjithë botën dhe më së shumti për vetë Ukrainën, e cila si shtet sovran dhe demokratik, e sulmuar në kufijtë e saj nga forcat e huaja ushtarake, detyrohet të mbrohet.
Po shqyrtojmë një postim të publikuar në rrjetin social Facebook ku thuhet:
Elitat perëndimore po përgatiten të shijojnë përshkallëzimin përfundimtar të luftës së përgatitur prej kohësh – “Vëllai kundër vëllait”. Për sa kohë do të jemi: Fise budallash sllav të përçarë!?
Më 24 shkurt 2022, jo elitat perëndimore, por Rusia kreu një pushtim të plotë ushtarak të Ukrainës, pra një luftë e nisur me pasoja të rënda për të gjithë botën dhe veçanërisht për vetë Ukrainën, e cila si shtet sovran dhe demokratik u sulmua brenda kufijve të saj nga forcat e huaja ushtarake, dhe ishte e detyruar të mbrohej. Mënyrat në të cilat Rusia po përpiqet të justifikojë agresionin e saj ushtarak kundër Ukrainës janë të shumta, por faktet janë se Moska po përpiqet të zbatojë ambiciet e saj imperialiste në Ukrainë, duke përdorur armët e veta dhe taktikat brutale, duke përfshirë sulmet ndaj civilëve. NATO i ofron mbështetje Ukrainës, sepse Ukraina ka të drejtën e vetëmbrojtjes siç thuhet në statutin e Kombeve të Bashkuara. Anëtarët individualë të NATO-s vazhdojnë të ofrojnë mbështetje ushtarake për Ukrainën, por kjo nuk i bën vendet perëndimore “përgatitëse” të luftës, e cila u përgatit dhe u krye nga Rusia.
Dojçe Vele vuri në dukje në një analizë se mbështetja e Ukrainës nga partnerët e saj perëndimorë përmes ndihmës financiare dhe furnizimit me armë përdoret nga Putin për pretendimin e tij të preferuar se “Ukraina kontrollohet nga jashtë” dhe se “përforcohet nga forcat e armatosura të vendeve të NATO-s dhe të pompuara me armët më moderne”.
Vlen gjithashtu të përmendet se në mesin e vitit 2022, pasi Rusia ishte tashmë thellë në pushtimin e saj ushtarak të Ukrainës, Sergey Kiriyenko deklaroi se “NATO po lufton Rusinë deri në ukrainasin e fundit”, një narrativë që është e ngjashme me atë në postimin që jemi duke rishikuar “vëllai kundër vëllait”. Kjo është një shtrembërim i së vërtetës, domethënë, taktika përdoret për të akuzuar NATO-n se po bën luftë kundër Rusisë duke përdorur ukrainasit që janë “vëllezërit e rusëve”, kur është Rusia ajo që po bën luftë kundër Ukrainës në përpjekje për të marrë sa më shumë territorin e saj sovran, në kundërshtim me të drejtën ndërkombëtare dhe si rezultat i agresionit ushtarak ka edhe një numër të madh viktimash.
NATO dënon agresionin brutal dhe të paprovokuar ushtarak të Rusisë kundër Ukrainës, e cila është një shtet i pavarur. NATO dhe aleatët vazhdojnë të mbështesin Ukrainën në të drejtën e saj të padiskutueshme për vetëmbrojtje.
Neni 5 si garanci sigurie mundëson mbrojtjen kolektive dhe lejon Aleancën të dërgojë armë në Ukrainë pa rrezikuar sigurinë e saj. Për më tepër, struktura e vendosur mirë e Aleancës për standardet e përbashkëta dhe sistemet e ndërveprueshme i lejon Aleancës të dorëzojë pajisje me besimin se dërgesat në Ukrainë mund të plotësohen me pajisje të përputhshme nga aleatët e tjerë. Anëtarët individualë të NATO-s dërgojnë armë, municione dhe shumë lloje të pajisjeve të lehta dhe të rënda ushtarake, duke përfshirë sistemet antitank dhe të mbrojtjes ajrore, drone dhe tanke. Deri më sot, aleatët e NATO-s i kanë ofruar Ukrainës pajisje me vlerë miliarda euro. Aleatët po trajnojnë gjithashtu trupat ukrainase për të përdorur këtë pajisje. Kjo ndihmon Ukrainën të ruajë të drejtën e saj për vetëmbrojtje, e cila është e garantuar në Kartën e OKB-së, shkruan në faqen e NATO-s.
Edhe pse postimi që po shqyrtojmë pretendon se Perëndimi ka planifikuar një luftë për një kohë të gjatë, ishte Rusia ajo që kreu pushtim në Ukrainë në mëngjesin e hershëm të 24 shkurtit, megjithëse e ka mohuar vazhdimisht se do të sulmonte.
Nga ajri, toka dhe uji, Rusia nisi një sulm shkatërrues ndaj Ukrainës, një demokraci evropiane me 44 milionë banorë. Për muaj të tërë, presidenti Vladimir Putin mohoi të kishte sulmuar fqinjin e tij, por më pas anuloi marrëveshjen e paqes, duke dërguar forca përtej kufijve veriorë, lindorë dhe jugorë të Ukrainës. Ndërsa numri i të vdekurve rritet, ai akuzohet se ka prishur paqen në Evropë, raportoi BBC në atë kohë.
Në fund të vitit 2021, Rusia filloi dislokimin e një numri të madh trupash në kufijtë e Ukrainës, ndërkohë që mohoi vazhdimisht se do të sulmonte. Putin më pas anuloi një marrëveshje paqeje të vitit 2015 për lindjen dhe njohu zonat e kontrolluara nga rebelët si të pavarura. Dhe në nisjen e pushtimit rus më 24 shkurt, Putin akuzoi NATO-n se kërcënon të ardhmen historike të vendit.
Nga ana tjetër, faktet thonë se në dhjetor të vitit të kaluar, liderët perëndimorë i bënë thirrje Rusisë të qetësojë tensionet dhe premtuan se do të mbështesin Ukrainën në rast të ndonjë kërcënimi nga Moska. Presidenti amerikan Joe Biden bisedoi me britanikun Boris Johnson dhe liderët e Francës, Italisë dhe Gjermanisë, gjatë së cilës ata ranë dakord të përdorin të gjitha mjetet e mundshme për të parandaluar agresionin.
SHBA dhe BE kanë shprehur shqetësim të madh dhe janë përpjekur vazhdimisht të parandalojnë sulmin. Në një rezolutë të miratuar në dhjetor 2021 nga eurodeputetët, ata i bënë thirrje Rusisë që të tërheqë trupat e saj që kërcënojnë Ukrainën dhe thanë se çdo agresion nga Moska do të kishte një kosto të lartë ekonomike dhe politike.
Anëtarët e Komisionit Parlamentar për Punët e Jashtme dhe të Nënkomitetit për Sigurinë dhe Mbrojtjen shkuan në një mision faktmbledhës në Ukrainë nga 30 janari deri më 1 shkurt 2022.
Më 22 shkurt, eurodeputetët kryesorë dënuan njohjen nga presidenti rus Vladimir Putin të rajoneve të Donetskut dhe Luhanskut të Ukrainës si entitete të pavarura
Prandaj, është evidente se ishte vetë Rusia ajo që planifikoi pushtimin e saj në Ukrainë për një kohë të gjatë, dhe jo Perëndimi. BE-ja dhe SHBA-ja dënuan pushtimin dhe i bënë thirrje Putinit të tërheqë trupat e tij dhe t’i japë fund luftës, gjë që nuk ka ndodhur. Pastaj Perëndimi e bëri të qartë se nuk kishte ndërmend të dërgonte trupa luftarake në Ukrainë, por vetëm armë dhe ndihmë mjekësore. Në të njëjtën kohë, Perëndimi synoi ekonominë ruse, institucionet financiare dhe individët, dhe në të njëjtën kohë filloi të mbështesë Ukrainën me gjithçka të nevojshme për të mbrojtur veten.
Për të gjitha faktet e mësipërme, ne e vlerësojmë postimin që po shqyrtojmë si të pavërtetë. Elitat perëndimore nuk janë gati të shijojnë përshkallëzimin e luftës së përgatitur prej kohësh. Ata nuk e kanë përgatitur luftën, as nuk e shijojnë përshkallëzimin e saj, sepse do të thotë jetë të humbura, qytete të shkatërruara, por gjeostrategjikisht në përgjithësi, përshkallëzimi nuk është i favorshëm për askënd, sepse mund të çojë në përhapjen e luftës në Evropë. Narrativa se lufta bëhet nga vëllai kundër vëllait, pra fiset sllave që janë të përçara dhe të kontrolluara, të drejtuara nga Perendimi ndaj njëri tjetrit, është e pabazë në një situatë kur një shtet hyn në territorin e një shteti tjetër sovran dhe demokratik dhe fillon ta bombardojë atë.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari