Një postim i papërshtatshëm bën thirrje për dhunë dhe demonizon BE-në dhe NATO-n

Në këtë njoftim manipulues vendoset narrativa e njohur fyese, e papërshtatshme, propagandistike që satanizon NATO-n dhe BE-në. Ndryshe nga pretendimet në postim, NATO nuk është e lidhur me një ushtri fetare, por ushtarët pavarësisht nga përkatësia fetare mund t’i bashkohen Aleancës. Vlerat që përfaqëson BE-ja nuk kanë të bëjnë fare me legalizimin e pedofilisë. Përkundrazi, është krim në të gjitha vendet e BE-së. Një propagandë e tillë kundër perëndimit dhe NATO-s që synon t’i diskreditojë, ka vazhduar prej kohësh dhe është intensifikuar veçanërisht pasi ata dënuan pushtimin rus në Ukrainë.

Po shqyrtojmë një postim në rrjetin social Facebook ku shkruhet:

Vdekja e ushtrisë satanike antikrishte të NATO-s dhe partnerëve strategjikë të BE-së pedofile të Pe*erit nga DpSneUdbashka dhe hidromicko M** me votuesit e tij të LOBOTOMIZUAR.

Përveç faktit që postimi përmban fjalim të papërshtatshëm, gjegjësisht fyese ndaj një grupi votuesish të partive politike në Maqedoni, ky postim thekson vlerat e supozuara të BE-së dhe NATO-s. të cilat nuk korrespondojnë fare me vlerat që përfaqëson BE-ja dhe arsyet për të cilat ekziston NATO, të gjitha me synimin për t’i demonizuar ato. Njoftime të tilla në të cilat liderët e NATO-s shpallen “Satanistë” nuk janë të reja, por janë pjesë e një makine propagandistike të mirëplanifikuar që promovon këtë narrativë për të njollosur Aleancën. Fotot janë keqpërdorur në të kaluarën për të mashtruar publikun se liderët botërorë të NATO-s janë satanistë, Vërtetmatësi tashmë ka shkruar për këtë këtu.

Kur thuhet se NATO është “ushtri e antikrishtit”, është tendencioze dhe arbitrare, nuk mbështetet me fakte, sepse Aleanca e NATO-s nuk është e lidhur me një ushtri fetare, por ushtarët mund të anëtarësohen në Aleancën e NATO-s pavarësisht nga përkatësia fetare.

Më 1 mars 2007 në Bruksel, në fjalimin e ish Sekretarit të Përgjithshëm të NATO-s Jaap de Hoop Scheffer, ai deklaroi:

Më lejoni të them edhe disa fjalë për ndërlidhjen midis vlerave dhe interesave. Komuniteti transatlantik është një komunitet i bazuar në traditën humaniste judeo-kristiane. Dhe sigurisht nuk jam i pari që vërej se shumica e asaj që NATO po bën këto ditë është angazhimi në rajone kryesisht myslimane. Në Bosnje dhe më pas në Kosovë, NATO përdori forcën për të mbrojtur civilët e pafajshëm, shumica e të cilëve ishin myslimanë. Dhe operacioni më i madh ushtarak i NATO-s po zhvillohet sot në Republikën Islamike të Afganistanit. Disa vëzhgues, të krishterë dhe myslimanë, kanë vënë në dyshim motivet e NATO-s. A është agjenda e NATO-s një përpjekje për të imponuar vlera të ndryshme perëndimore në shoqëritë joperëndimore? A po përpiqemi ta riformulojmë botën sipas imazhit tonë? Zonja dhe zotërinj, asgjë nuk mund të jetë më larg nga e vërteta, thotë Jaap de Hoop Scheffer në fjalën e tij.

Ai shton:

Po, NATO është një aleancë e vendeve perëndimore. Po, me përjashtim të Turqisë myslimane laike, NATO është kryesisht një aleancë e vendeve të krishtera. Çdo dhjetor, NATO në Bruksel ndriçohet me një pemë të madhe Krishtlindjesh. Por vlerat që NATO përfaqëson nuk janë unike të krishtera. Vlerat që ne promovojmë dhe mbrojmë përmes angazhimit tonë janë universale. E drejta e grave për të shkuar në shkollë është një e drejtë universale. E drejta për të zgjedhur fenë në të cilën beson dhe nuk duhet të kesh frikë nga dënimi me vdekje për atë zgjedhje është një e drejtë universale. E drejta për të zgjedhur qeverinë tuaj demokratike në zgjedhje të lira dhe të ndershme është një e drejtë universale. Këto janë vlerat që ne mbrojmë nga Ballkani deri në Afganistan. Nuk ka negociata për ta. Por ata nuk janë unike perëndimore dhe nuk janë unike të krishtera. Unë me të vërtetë besoj se vendet e të gjitha pjesëve të botës dhe të të gjitha besimeve kryesore duhet të jenë në gjendje të bien dakord për to. Ato janë baza reale për mbijetesën e njeriut në shekullin e 21-të, tha ai ndër të tjera në fjalë.

Ka kohë që po bëhet propagandë kundër Perëndimit dhe NATO-s dhe kjo organizatë demonizohet pa argumente. Kjo është intensifikuar veçanërisht që kur NATO dënoi agresionin brutal dhe të paprovokuar ushtarak të Rusisë kundër Ukrainës, e cila është një shtet i pavarur dhe demokratik dhe një partner i ngushtë i NATO-s. NATO dhe aleatët vazhdojnë të mbështesin Ukrainën në të drejtën e saj të padiskutueshme për vetëmbrojtje.

Narrativa propagandistike me gjuhën e urrejtjes “Bashkimi Europian peder**** pedofilë” vazhdon edhe në hapësirën e internetit për të diskredituar BE-në, megjithëse vlerat që BE-ja përfaqëson nuk mund të jenë më larg legalizimit të pedofilisë. Përkundrazi, është krim në të gjitha vendet e BE-së.

Sipas Konventës për Mbrojtjen e të Drejtave të Fëmijëve, neni 34 thotë se qeveritë duhet t’i mbrojnë fëmijët nga shfrytëzimi seksual dhe abuzimi seksual, duke përfshirë nga njerëzit që i detyrojnë fëmijët të bëjnë seks për para, ose i fotografojnë ata në mënyrë të papërshtatshme ose i regjistrojnë ato. Pornografia e fëmijëve është e dënueshme dhe vepër penale në të gjithë Evropën. Fakti që e drejta e përcaktimit seksual lejohet në vendet evropiane, në publikimin që po rishikojmë përdoret për gjuhën e urrejtjes kundër komunitetit LGBT dhe përçmimin e tij, dhe mbi të, votuesit që ushtrojnë të drejtat e tyre të garantuara me kushtetutë për përcaktim të lirëve politike ofendohen si të “lobotomizuar”.

Për të gjitha faktet e mësipërme, ne e vlerësojmë postimin si të pavërtetë. Në të janë mbledhur në një vend disa narrativa të pavërteta për BE-në dhe NATO-n, ndërsa ka gjuhë urrejtjeje, thirrje për dhunë e deri në vdekje.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari