Një përfaqësues nga SHBA po vjen në Ballkanin Perëndimor për të ndihmuar në luftën kundlr dezinformatave
Image by S. Hermann & F. Richter from Pixabay
Përfaqësuesi special dhe koordinatori i Qendrës për Angazhim Global të Departamentit Amerikan të Shtetit, James Rubin, javën e ardhshme do të vizitojë Maqedoninë e Veriut, Malin e Zi dhe Shqipërinë, ku do të bisedojë me autoritetet për luftën kundër dezinformimit, si dhe për dialogun ndërmjet Beogradit dhe Prishtinës.
Përfaqësuesi special dhe koordinatori i Qendrës për Angazhim Global të Departamentit Amerikan të Shtetit, James Rubin, javën e ardhshme do të vizitojë Maqedoninë e Veriut, Malin e Zi dhe Shqipërinë, ku do të bisedojë me autoritetet për luftën kundër dezinformimit, si dhe për dialogun mes Beogradit dhe Prishtinës, ka bërë të ditur Departamenti Amerikan i Shtetit.
Agjencia Beta raporton se gjatë vizitës do të diskutohet për luftën kundër dezinformatave ruse.
“Në Podgoricë dhe Shkup, i dërguari i posaçëm Rubin do të takohet me zyrtarë qeveritarë për të forcuar mbështetjen për nismat kundër dezinformimit,” tha Departamenti i Shtetit në një deklaratë të 7 prillit.
Deklarata tha se do të diskutonte “përpjekjet e Rusisë, PRC dhe aktorëve të tjerë keqdashës që përdorin dezinformimin për të minuar demokracinë dhe sigurinë kombëtare në mbarë botën”.
I dërguari i posaçëm amerikan James Rubin tha në një intervistë në TV H1 pak ditë më parë se hapësira mediatike në Ballkan është e helmuar nga dezinformatat, të cilat vijnë kryesisht nga Rusia.
“Në të njëjtën kohë ne kemi këtë luftë të tmerrshme në Ukrainë, Rusia është përpjekur të përdorë dezinformata dhe gënjeshtra për luftën, dhe në të njëjtën kohë ushtria e saj po vret njerëz të pafajshëm, po shkatërron sistemin energjetik, po shkatërron shkollat dhe po shkel faktin që një shteti fqinj nuk duhet të pushtohet”, tha ai.
Rubin është i njohur për publikun në Ballkan pasi ka qenë zëdhënës i Departamentit të Shtetit gjatë luftës së Kosovës dhe bombardimeve të NATO-s në Republikën Federale të Jugosllavisë së atëhershme. Ai mbajti postin zyrtar të Ndihmës Sekretarit të Shtetit nga viti 1997 deri në vitin 2000, gjatë mandatit të Sekretares së Shtetit Madeleine Albright në administratën e Bill Clinton.
Ky artikull është përgatitur në kuadër të projektit Promovimi i qasjes në lajme të besueshme për të luftuar dezinformatat, i zbatuar nga Fondacioni Metamorfozis. Artikulli, i botuar fillimisht në Vërtetmatës, është mundësuar nga mbështetja e fondacionit jofitimprurës amerikan NED (National Endowment for Democracy). Përmbajtja e këtij artikulli është përgjegjësi e autorit dhe nuk pasqyron domosdoshmërisht pikëpamjet e Metamorphosis, NED ose bashkëpunëtorëve të tyre
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari