Më pak njerëz janë shpërngulur, por jo sepse erdhi jeta në Maqedoni, por për shkak të pandemisë

Zëvendëskryeministri Nikollovski krahason të dhëna që nuk krahasohen. Për gati një vit e gjysmë, bota jeton në kushte të kovid-pandemisë dhe nuk ka vend për qeverinë të mburret se politikat e saj kanë rezultuar në ]uljen e numrit të emigrantëve nga Maqedonia e Veriut. Realiteti është se numri i personave që largohen nga Maqedonia e Veriut është ulur për shkak të krizës së koronës dhe kufijve të mbyllur, jo sepse “vendi është bërë një vend më i mirë për të jetuar”. Çdo gjë tjetër është rrotullim, përfshirë edhe këtë lavdërim të Nikollovskit.

 

Shkruan: Olivera Vojnovska

 

Zëvendëskryeministri për Luftën Kundër Korrupsionit, Ljupço Nikollovski, duke njoftuar të dhëna nga sondazhi i opinionit publik, shprehu spin-in vijues në të cilin, uljen e numrit të emigrantëve ai e paraqiti si sukses të Qeverisë:

 

SPIN:Qëllimi është që vendi të bëhet vend më i mirë për të jetuar, dhe ulja e emigracionit është me të vërtetë e rëndësishme në këtë proces.

Ne vazhdojmë të punojmë për sa më pak valixhe të mbushura, miq të humbur, shtëpi të braktisura dhe drita të errëta!

[Burimi: Facebook-u zyrtar i zv.kryeministrit Ljupço Nikollovski;  data: 23.06.2021]

 

 

 

Kundërspin:  Ky postim i zv.kryeministrit Ljupço Nikollovski është mjaft problematik, të paktën i ngathët. Në të, Nikollovski në fakt mburret se Qeveria është përgjegjëse për uljen e emigracionit nga Maqedonia. Ai me qëllim paraqet rezultatet e sondazhit dhe tregon situatën sikur Qeveria ka kontribuar në ndryshimin e tendencave të emigrantëve në shoqëri, jeta është përmirësuar, e cila, nga ana tjetër, ka rezultuar në më pak njerëz që largohen nga vendi.

Në këtë mënyrë Nikollovski rrotullon të vërtetën dhe krijon imazh të gabuar në publik. Dhe, ja pse.

Zëvendëskryeministri krahason gjëra – situata që nuk janë të krahasueshme. Për gati një vit e gjysmë, bota jeton në një gjendje pandemie, karantine dhe kufijsh të mbyllur. Një periudhë në të cilën ambasadat e të gjitha vendeve tërheqëse ku njerëzit shpesh shkojnë në kërkim të një jete më të mirë, të tilla si Shtetet e Bashkuara, Kanada dhe vendet Evropiane (Gjermani, Itali, Suedi), nuk lëshuan viza, madje as për udhëtime turistike. Nga vendi ka qenë e mundur të largohesh vetëm për arsye thelbësore, trajtim dhe të ngjashme.

Për kushtet kufizuese të hyrjes në vendet e BE vitin e kaluar, për shembull, flet edhe ky njoftim në faqen e internetit të Ambasadës Gjermane në Shkup, me titull: “Rregulla të reja të së ashtuquajturës “Rregullore e Ballkanit Perëndimor”“, e datës 01.01.2021. Në të në mes tjerash thuhet se:

Gjatë pandemisë për shkak të Covid-19, hyrja për punësim në përputhje me nenin 26 paragrafi 2, i Rregullave të Punësimit nuk ishte i mundur për shkak të kufizimeve për hyrje në BE të shkaktuara nga pandemia.

Në informacionin e njëjtë thuhet se edhe:

Qeveria federale hoqi të gjitha kufizimet e hyrjes për banorët e Maqedonisë së Veriut, me vlefshmëri nga nga 20.06.2021. Kjo bën të mundur ri-procesimin e kërkesave për viza në përputhje me nenin 26 paragrafi 2 i Rregullores për Ballkanin Perëndimor.

Ndërsa në rrjetet sociale, më saktësisht në faqet – grupet e shtetasve të Maqedonisë jashtë vendit, mund të lexoni postime në lidhje me interesin e qytetarëve tanë për termine për vizave në vendet evropiane.

Edhe tani, kur rastet me Covid-19 janë ulur dhe kufizimet në lëvizje ngadalë kanë filluar të lirohen, hyrja në shumicën e vendeve është dukshëm e vështirë edhe për ato të vaksinuar, sepse në vendet e Bashkimit Evropian njihen vetëm vaksinat e aprovuara nga Agjencia Evropiane e Barnave (EMA) – edhe atë “AstraZeneka”, “Pfizer”, “Moderna” dhe “Johnson & Johnson”.

Për atë se sa pak njerëz kanë udhëtuar vitin e kaluar flasin edhe të dhënat për pasagjerët e transportuar në aeroportet e Shkupit dhe Ohrit, të cilët ishin të mbyllur për trafik për tre muaj e gjysmë – nga mesi i marsit 2020 deri më 1 korrik 2020. Për shkak të krizës kovid, të dy aeroportet kishin 782,876 pasagjerë vitin e kaluar, ose 1,9 milion më pak, që është 71% krahasuar me 2019 kur u transportuan 2,675,945 njerëz. Një rënie e tillë e numrit të udhëtarëve të transportuar nga dy aeroportet e Maqedonisë nuk është vërejtur që nga viti 2010, gjë që mund të shihet në infografinë më poshtë të përgatitur nga agjencia e lajmeve “Meta”.

 

Burimi: Мета

Pra, nuk ka vend për Qeverinë të vlerësojë se politikat e saj kanë rezultuar në zvogëlim të numrit të emigrantëve nga Maqedonia. Realiteti është se kjo është për shkak të krizës së koronës dhe kufijve të mbyllur, jo sepse “vendi është bërë një vend më i mirë për të jetuar”. Çdo gjë tjetër është rrotullim, duke përfshirë këtë lavdërim të zv.kryeministrit Nikollovski.

Në fakt, kritikat e shumta nën postimin e zv.kryeministrit flasin vetë.

 

 

 

 

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari