Kundërspin: Zaev me standarde të ndryshme për gjendjen e jashtëzakonshme

Më 18 mars të këtij viti, kur u shpall gjendja e parë e jashtëzakonshme për menaxhimin e pandemisë, Kryeministri Zoran Zaev tha se e mirëpriti atë dhe se kjo do të kontribuonte në zbatimin e shpejtë dhe efektiv të masave … Në atë kohë kishte gjithsej 48 pacientë. Më 15 tetor, Zaev deklaroi “numrat kanë arritur tavanin”, “ne të gjithë mund të jemi të infektuar “, “Unë besoj se nuk duhet të mendojmë për gjendje të jashtëzakonshme ” … Ndërsa numri i pacientëve aktivë po afrohet në 5,000 qytetarë

Më 18 mars të këtij viti, në ditën kur u shpall gjendja e parë e jashtëzakonshme për menaxhimin e pandemisë, Kryeministri Zoran Zaev tha se e mirëpret atë dhe se kjo do të kontribuonte në zbatimin e shpejtë dhe efektiv të masave … Në atë kohë kishte gjithsej 48 pacientë. Më 15 tetor, Zaev deklaroi “numrat kanë arritur tavanin“, “ne të gjithë mund të jemi të infektuar “, “Unë besoj se nuk duhet të mendojmë për gjendje të jashtëzakonshme ” … Ndërsa numri i pacientëve aktivë po afrohet në 5,000 qytetarë 

 

Shkruan: Teofil Bllazhevski 

 

Kryeministri Zoran Zaev në një konferencë për shtyp dha dy deklarata në të cilat shihen spine. Ky është spini i parë:

Spin: jenë sa më funksionale. Unë nuk jam një mbështetës i gjendjes së jashtëzakonshme, edhe pse ofron mënyra shumë më elegante, efikase për të vendosur. Në fund të fundit, Parlamenti mbron liritë dhe të drejtat demokratike të qytetarëve dhe ai duhet të jetë në funksion… Ne të gjithë potencialisht mund të infektohemi në periudhën që do të vijë. E shihni që sot numrat janë me të vërtetë deri në tavan kudo në botë, dhe te ne. Në rrethana të tilla, unë besoj se nuk duhet të mendojmë për gjendje të jashtëzakonshme. Krijuesi i kushtetutës përshkroi gjendjen e jashtëzakonshme në situata “Zoti na ruajt” diçka e tillë duhet të bëhet. Kështu që parlamenti duhet të punojë…

[Burimi: Qeveria / YouTube – Deklarata e Zaev (15.10 min) – data: 15.10.2020 ]

Kundërspin: Është mirë që Kryeministri Zoran Zaev nuk është një mbështetës i gjendjes së jashtëzakonshme dhe se, sipas politikave të Qeverisë dhe LSDM-së në pushtet, respekton demokracinë parlamentare. Është mirë edhe ajo që deklaroi se Parlamenti është mbrojtës i lirive dhe të drejtave demokratike të qytetarëve.

Por, nëse e drejta më e madhe e qytetarëve në një demokraci parlamentare është e drejta për jetë dhe nëse ajo e drejtë rrezikohet për shkak të përkeqësimit të jashtëzakonshëm të shëndetit publik me rritje enorme të numrit të të infektuarve me virusin korona për çdo ditë, atëherë Kryeministri nuk ka të drejtë “të mos besojë se duhet të mendojmë për gjendje të jashtëzakonshme“. Fundja, në fakt, vetë Zaev është kontradiktor. Ai thotë se numrat e t infektuarve janë deri në tavan, kështu është edhe në vendin tonë, thotë ai, dhe vazhdon, “në rrethana të tilla besoj se nuk duhet të mendojmë për një gjendje të jashtëzakonshme “.

 

Kur u shpall gjendja e parë e jashtëzakonshme, kishte 48 pacientë!

Gjendja e jashtëzakonshme, siç thotë Zaev, është “Zoti na ruaj” dhe thirret në Kushtetutës. Këtu është neni më i rëndësishëm 125, i cili thotë se një gjendje e jashtëzakonshme ekziston në raste të fatkeqësive e mëdha natyrore ose epidemitë. Si e përcakton Zaev sot fjalën “epidemi të mëdha”? Gjendja e jashtëzakonshme u shpall për herë të parë në 18 Mars, 2020 nga Presidenti Stevo Pendarovski, për menaxhim më të suksesshëm të virusit korona. Kjo më pas u kërkua zyrtarisht nga qeveria teknike e udhëhequr nga Oliver Spasovski, pasi Zaev dhe lideri i opozitës Hristjan Mickoski e kishin kërkuar më parë atë. Pastaj më 18 Mars kishte 12 të infektuar rishtas, dhe numri i përgjithshëm i të infektuarve ishte 48 nga rasti i parë i regjistruar më 26 Shkurt 2020 (Instituti i Shëndetit Publik ).

Atë ditë në 18 Mars, 2020, Zaev tha:

Shpallja e gjendjes së jashtëzakonshme do të kontribuojë në zbatimin e shpejtë dhe efikas të masave për të mbrojtur shëndetin e qytetarëve, por edhe në masat ekonomike për të ndihmuar ekonominë dhe qytetarët ( video nga 1.02 min .)…

Sot, me 16 tetor 2020, kemi 535 të regjistruar rishtas të infektuar në vetëm një ditë – më 15 tetor 2020. Numri i rasteve aktive është 4,597, dhe sipas situatës deri më 13 tetor 2020, në të gjitha spitalet në Maqedoni kishte 434 të shtruar në spital dhe 262 vende të lira (Radio YEF ).

Nëse supozojmë një mesatare prej 450 pacientësh në një ditë, nëse vetëm 10% e tyre kanë një gjendje klinike mesatarisht të keqe ose të dobët dhe janë për tu shtruar në spital, është mjaft e qartë që brenda dhjetë ditësh të gjitha ambientet e spitalit do të plotësohen, edhe nëse llogarisim numrin e të rikuperuarve dhe të lëshuarve nga spitalet, pasi ai numër tani është të paktën dy deri tre herë më i ulët në ditë krahasuar me numrin e të infektuarve rishtas.

Si dhe kush përcakton se çfarë është një “epidemi e madhe”?

Prandaj, kush e përcakton nëse kjo është një “epidemi e madhe”, sipas Nenit 125 të Kushtetutës dhe si do të interpretohet ajo pabarazi e 12 personave të infektuar më 18 Mars 2020, kur u shpall gjendja e jashtëzakonshme, me numrin e djeshëm 535?

Këtu arrihet në spinin e dytë të Zaevit në sistemin e kujdesit shëndetësor . “Sistemi shëndetësor sigurisht që nuk do të shembet, është e sigurt se nuk do të shembet” :

Sistemi shëndetësor sigurisht që nuk do të shembet, është e sigurt që nuk do të shembet. Ne kemi siguruar shtretër spitalorë për të gjithë. Mjekët, infermierët dhe i gjithë personeli shëndetësor janë angazhuar maksimalisht, policia dhe shërbimet e inspektimit po bëjnë punën e tyre, ndërsa qytetarët janë ndihma jonë më e madhe. Nëse me të vërtetë i respektojmë masat, ne mund të ndihmojmë shumë mjekët dhe punonjësit në sistemin shëndetësor, për të cilët, konfirmoj, janë të rraskapitur, të lodhur … Dhe kjo është arsyeja pse unë bëj apel për respektim të masave, dhe sistemi shëndetësor me siguri do ta përballojë, me siguri do të mbijetojë, me siguri do ta bëjë punën e tij, dhe jam i bindur se do të jetë shumë më i suksesshëm se shumë vende të zhvilluara në Bashkimin Evropian. (Video nga 19.35 min.).

Ky është një spin, përkatësish shtrembërimin i së vërtetës, sepse Zaev thjesht nuk mund ta dijë këtë fakt. Është mirë të dërgosh një mesazh optimist, por të mos bëhet spin, duhet thënë vetëm se “ne do të bëjmë gjithçka që të mos shembet”, dhe jo “sigurisht se nuk do të shembet”. Sepse Zaev sigurisht nuk e di se çfarë dhe cilat do të jenë numrat në javët e ardhshme, kur virusi i gripit do të bashkohet me virusin korona dhe kur, sipas të gjithë ekspertëve, numrat do të jenë të lartë. Së fundmi, nuk ka të bëjë vetëm me numrin e shtretërve spitalorë. Pacientët duhet të trajtohen nga dikush. Vet Zaev, ashtu siç kanë thënë më parë gjithë përgjegjësit në shëndetës, “mjekët dhe punonjësit në sistemin shëndetësor janë të rraskapitur” .

Ndoshta do të gjenden para për inspektorët e tregut!

Më në fund, Zaev është i vetëdijshëm se gjendja e jashtëzakonshme siguron “mënyra shumë më elegante dhe më efikase për të vendosur” . Duke pasur parasysh se për grupin e fundit të masave për të luftuar kundër koronës të miratuara në seancën e 9-të dhe të 11-të të Qeverisë, Kuvendi pritet të vendosë duke pranuar ndryshimet në Ligjin për Mbrojtjen e popullatës nga sëmundjet infektive, ndërsa vendimet e Qeverisë janë miratuar më 6 dhe 13 tetor, duke qenë se ligji, akoma deri më sot, nuk është dorëzuar në Kuvend, duke marrë parasysh procedurën urgjente që do të rishikohet dhe miratohet, është mjaft e qartë se kjo më herët mund të ndodhë gjatë ose në fund të javës së ardhshme, pra 21-22 tetor. Për aplikimin e masave emergjente në luftën kundër koronës, nga përdorimi i maskave, tubimeve, mbylljeve të operatorëve ekonomikë, kontrolleve në shtëpi për të parandaluar tubimet, etj., Një vakum prej dy deri në tre javë është tepër i madh. Sepse, në një gjendje të jashtëzakonshme, Qeveria miraton dekrete me fuqi ligjore, dhe ato hyjnë në fuqi të nesërmen!

Më në fund, në një gjendje të jashtëzakonshme, mbase brenda natës, do të gjenden para në buxhet për 20 inspektorët e kërkuar në Inspektoratin Shtetëror të Tregut, në kushtet kur 37 shkojnë në pension deri në fund të vitit, dhe ky institucion pritet të kontribuojë shumë në monitorimin e masave dhe me këtë të zvogëlojë numrin e të infektuarve dhe të sëmurëve!

Për shkak të argumenteve të paraqitura më lart, mund të vlerësohet se deklaratat e Zaevit se tani për tani nuk kishte nevojë të mendohet për një gjendje të jashtëzakonshme dhe se sistemi shëndetësor sigurisht që nuk do të shembet, janë një shtrembërim i së vërtetës dhe spine.

 

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari

>Vërtetmatësit, projekt për rritjen e llogaridhënies dhe përgjegjësisë të politikanëve dhe partive politike përpara qytetareve, i realizuar nga Fondacioni Metamorphosis Artikulli mundësohet me përkrahje të fondacionit jofitimprurës amerikan (NED - National Endowment for Democracy). .