Kundërspin: Spinimet e vazhdueshme të VMRO-DPMNE-së për krizën e koronës nuk kanë të ndalur

Parametrat kryesorë për vlerësimin e pandemisë janë që RMV po qëndron mirë në nivel botëror. Vendi ka një normë shërimi dhjetë përqind më të lartë se numri i përgjithshëm i pacientëve në botë dhe një numër prej 0.7 përqind më të lartë të vdekjeve. Për më tepër, numri i rasteve aktive ka rënë vazhdimisht për një muaj e gjysmë, nga mbi 4 mijë, sot është mbi 2 mijë

Shkruan: Teofil Bllazhevski 

Një deklaratë në formën e një komunikate nga partia më e madhe opozitare VMRO-DPMNE u dha të dielën, me ç’rast mund të konstatohen disa spinime:

Spin: Filipçe ndjek gjurmët e mentorit të tij Zaev. Ministri i infeksionit dhe vdekjes nuk ka asnjë sukses pas tij. Nuk ka një qendër të re klinike që ka premtuar aq shumë. Ai gënjeu se do të ndërtohet Spitali Klinik tashmë i filluar në Shtip, i cili u trashëgua nga qeveria e VMRO-DPMNE-së.
Për shkak të paaftësisë së Filipçes, Maqedonia shënoi rekord në numrin e vdekshmërisë nga Covid-19. Për shkak të tij, vendi është në krye të vendeve më të pasuksesshme që përballen me pandeminë.
Filipçe është një katastrofë natyrore për sistemin shëndetësor maqedonas.

[Burimi: VMRO-DPMNE \ Njoftimi \ faqja në internet – data: 06.09.2020]

Kundërspin: Jo për të parën herë, jo për të dytin, të pestën, të dhjetën, por “për të 100-tën”, partia më e madhe e opozitës VMRO-DPMNE shtrembëron të vërtetën, d.m.th spinon mbi situatën me krizën e koronës në vend dhe mënyrën se si autoritetet shëndetësore menaxhojnë me krizën, me theks të veçantë mbi Ministrin e Shëndetësisë Venko Filipçe .

Këtë herë në një deklaratë të partisë, të publikuar më 06.09.2020, dhe si një reagim ndaj intervistës së Filipçes për Radion Evropa e Lirë nga e njëjta ditë, VMRO-DPMNE, duke e quajtur atë “Ministri i infeksionit dhe vdekjes”, spinohet se pas tij “nuk ka asnjë sukses “ , se e ka bërë Maqedoninë ” në krye të listët në numrin e vdekshmërisë nga Covid 19″ dhe se “për shkak të tij vendi është në krye të vendeve të pasuksesshme që përballen me pandeminë” …

Duke qenë se ky subjekt politik nuk ofron argumente specifike për pretendime të tilla, “Vërtetmatësi” do të kontrollojë faktet sipas statistikave vendore dhe botërore.

Nëse shikoni nga afër të dhënat për një periudhë dy-mujore, mund të shihni se numri i të infektuarve rishtas krahasuar me të sapo testuarit ka rënë vazhdimisht nën 10 për qind, me periudha në fund të gushtit dhe në fillim të shtatorit kur rrotullohej nga 5 deri në 7 për qind të numrit të përgjithshëm të testuar. Nga ana tjetër, numri i rasteve aktive është në rënie të vazhdueshme nga mbi dy mijë njerëz më pak, për më shumë se një muaj.

Në fund të korrikut, më saktësisht në 24 korrik, 2020 numri i të sapo infektuarve ishte 137 nga 1,437 teste, numri i vdekjeve 10 persona, 131 të rikuperuar dhe në atë kohë rastet aktive ishin 4,034 persona .

Tashmë në 06.08.2020, fotografia po përmirësohet. Nga 1,543 teste, u zbuluan 113 pacientë të sapo infektuar, 6 pacientë të vdekur, numri i të rikuperuarve në ato 24 orë ishte 259 persona, ndërsa rastet aktive ishin 3,402 persona.

Pikërisht një muaj më vonë, më 7 shtator 2020 shifrat tregojnë se përqindja i të infektuarve nga numri i testuar është ende nën 10 përqind, kështu që nga 997 të testuar, 92 persona janë zbuluar si të sapo infektuar, 3 vdiqën, numri i të rikuperuarve ishte 86 pacientë, dhe një total prej 2238 persona rasteve aktive.

Kjo tregon një trend, jo një rastësi. Numri i të infektuarve rishtazi rritet linearisht, por mbetet nën 10 përqind të atyre që janë testuar, dhe ata janë, me disa përjashtime, masive dhe sillen mes 1000 dhe 2,000 njerëz të testuar në ditë. Por numri i të rikuperuarve rishtazi po rritet gjithashtu linearisht, i cili është më i lartë se numri i të sapo infektuarve, gjë që tregon një rënie të vazhdueshme të numrit të rasteve aktive. Kështu, më 07.09.2020 ka 2,238 persona, krahasuar me 4,034 persona më 22.07.2020, që është më pak për rreth 1,800 persona.

Nëse shikoni statistikat botërore për të njëjtën datë , do të shihni se Maqedonia e Veriut është më e mirë në numrin e të kuruarëve, dhe jo shumë më keq në numrin e përgjithshëm të vdekjeve, krahasuar me numrin e përgjithshëm të të infektuarve. Gjegjësisht, statistikat botërore tregojnë se nga numri i përgjithshëm i të infektuarve deri më 7 shtator, rreth 27.3 milion, rreth 900 mijë ose 3.3 përqind vdiqën, ndërsa në vend me mbi 15 mijë të infektuar, 617 vdiqën, d.m.th rreth ose më shumë se 4 përqind.

Në vendin tonë, nga numri i përgjithshëm i të infektuarve, 81% janë shëruar, ndërsa në të gjithë botën është 71%.

Sigurisht, gjithmonë mund të ketë më shumë dhe madje edhe më mirë, por të pretendosh se ne jemi më keq, rekord negativ, etj., dhe se Filipçe është “Ministri i Infeksionit dhe Vdekjes”, është diçka më shumë se një ekzagjerim, përkatësisht spin.

Duke pasur parasysh disa parametra kryesore statistikore, mund të vlerësohet në mënyrë të sigurt se konstatimet e subjektit politik VMRO-DPMNE në deklaratën/komunikatën nga 06.09.2020, është një shtrembërim i së vërtetës, përkatësisht spin.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari