Kopshti për fëmijë “Majski Cvet” në Taftalixhe me pamje të re

Nga admin 0
Foto: karpos.gov.mk

Kryetari i Komunës së Karposh, Stefan Bogoev në një deklaratë për media, dhënë në fillim të vitit, njoftoi rindërtimin e kopshtit “Majski Cvet” në Taftalixhe 1:

Kjo ndërtesë ka qenë në gjendje të keqe për shumë vite, por në pranverë, ne do të fillojmë me rindërtimin e tualeteve, dhe pastaj do të ketë një ndryshim të pjesës së jashtme dhe rinovimin e fasadës. Për këto aktivitete, Komuna siguroi fonde buxhetore prej pesë milion denarësh

[Burimi: Ueb-faqja e Komunës së Karposhit; data: janar 2020]

 

ARSYETIM:

Ky premtim i Kryetarit të Komunës së Karposhit, Stefan Bogoev, për rindërtimin e kopshtit “Majski Cvet” në Taftalixhe 1, i cili është gjithashtu pjesë e programit të tij zgjedhor të viti 2017, “Jeta në Karposh për të gjithë!” (faqe 14), është realizuar.

Rindërtimi i këtij kopshti ka përfunduar dhe ndërtesa e ndërtuar në vitin 1965 tani ka një pamje të re. Në kuadër të sanimit që filloi në Prill, tualetet u rinovuan plotësisht, instalimet u rinovuan, u instaluan dritare dhe dyer të reja PVC, çatia u riparua dhe u bë një fasadë e re. Këto ditë në këtë institucion parashkollor është kryer edhe dezinfektimi.

Autoritetet komunale gjatë njoftimit se kopshti do të hapet më 14 shtator, thanë se e gjithë ndërtesa do të jetë efikase në energji me izolim të mirë të zërit dhe nxehtësisë .

Fotо: karpos.gov.mk

Kryetari Bogoev na konfirmoi dje se kopshti “Majski Cvet” në Taftalixhe 1 ka filluar punën dhe tashmë po pranon fëmijë.

Informacionet dhe fotografitë për rrjedhën e rindërtimit të kopshtit mund të gjenden në faqen e internetit të Komunës dhe në disa media.

 

BURIME:

 

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari

>Vërtetmatësit, projekt për rritjen e llogaridhënies dhe përgjegjësisë të politikanëve dhe partive politike përpara qytetareve, i realizuar nga Fondacioni Metamorphosis Artikulli mundësohet me përkrahje të fondacionit jofitimprurës amerikan (NED - National Endowment for Democracy). .
Shkrime hkrime të ngjashme Më shumë nga autori

Your email address will not be published.

Јазици MK SQ EN