Është ndërtuar rrethorrotullimi në Berovë

Nga admin 0
Është ndërtuar rrethrrotullimi në hyrje të Berovës pas tetë muajsh vonesë. Foto: Komuna e Berovës.

Projekt: ASFALTIMI I RRUGËS DHE LAGJEVE Ndërtim i rrethrrotullimit modern në hyrje të qytetit të Berovës. (Afati: viti 2015)

ARSYETIM

Unazën në hyrje të Berovës e premtoi në programin e tij politik për zgjedhjet lokale në vitin 2013 kandidati i VMRO DPMNE-së për kryetar në Komunën e Berovës, Dragi Naxhinski. Ky projekt është në faqen 32 të programit, ku thuhet se afati për realizim të këtij programi politik është viti 2015. Sipas asaj që kuptuam, ky premtim i Naxhinskit është realizuar me vonesë prej tetë muajsh. Rrethrrotullimi, gjegjësisht siç është emëruar në programin e kandidatit të VMRO DPMNE-së “zgjidhja me rrethorrutllime e komunikacionit” duhej të zëvendësoj udhëkryqin në rrugën Marshall Tito në hyrje të Berovës, rrugës për në Strumicë dhe rrugës për kah fshati Smojmirovo. Deklaratat e para për realizim të premtimit janë diku para skadimit të afatit, gjegjësisht me 3 nëntor të vitit 2015. Siç thuhet në lajm, është zgjedhur ndërtuesi, ndërsa zgjidhja e re është pjesë e Programit për zhvillim 2016-2018 e Komunës së Berovës. Për unazën janë siguruar 8.530.000 denarë.

I  gjithë investimi për këtë projekt do të kushtojë 8.530.000 denarë të cilët u siguruan nga ana e Agjencisë për mbështetje financiare në zhvillim bujqësor dhe rural dhe nga Buxheti i Komunës së Berovës dhe për të njëjtin tani më është zgjedhur ndërtues me të cilin është duke u nënshkruar marrëveshja për realizim. 

Duke kërkuar në ueb-faqet e mediumeve maqedonase, arritëm te shumë pak lajme për realizimin e këtij premtimi. Në një lajm të 3 gushtit të këtij viti, kuptojmë se unaza në hyrje të Berovës, gati se është duke përfunduar, gjegjësisht është duke funksionuar, ka mbetur vetëm rregullimi nga kopshtari dhe ndërtimi i trotuareve, siç mund të shihet edhe në fotografi. Që rrethorrotullimi është shfrytëzuar që nga fillimi i gushtit na e vërtetuan banorët e Berovës. Punët më pas kanë përfunduar dhe me 8 shtator të këtij viti  rrethrrotullimi është lëshuar në përdorim me ceremoni solemne, kuptojmë nga informacioni i publikuar në ueb-faqen e Komunës së Berovës, si dhe fotografitë e publikuara në të. Sipas kësaj, premtimi i Dragan Naxhiskit për “rrethorrotullim bashkëkohore në komunikacion në hyrje të qytetit të Berovës” është realizuar.

BURIME

Vlerësuar nga: Sasho Spasoski

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari

Ky artikull është përgatitur në kuadër të Vërtetmatësit, projekt për rritjen e llogaridhënies dhe përgjegjësisë së politikanëve dhe partive përpara qytetareve, i realizuar nga Fondacioni Metamorphosis. Artikulli mundësohet me përkrahje të fondacionit jofitimprurës amerikan (NED - National Endowment for Democracy) dhe Fondit Ballkanik për Demokraci, projekt i Fondit Gjerman të Marshallit në SHBA (BTD – The Balkan Trust for Democracy, a project of the German Marshall Fund of the United States), iniciativë e cila përkrah demokracinë, qeverisjen e mirë dhe integrimet euro-atlantike në Evropën Juglindore. Përmbajtja e recensionit është përgjegjësi e autorit dhe nuk i paraqet qëndrimet e Metamorphosis, National Endowment for Democracy, The Balkan Trust for Democracy, projekt i Fondit Gjerman të Marshallit në SHBA dhe partnerëve të tyre.
Shkrime hkrime të ngjashme Më shumë nga autori

Your email address will not be published.

Јазици MK SQ EN