Falë imunizimit, sot janë eliminuar ose vënë nën kontroll, shumë sëmundje infektive, të cilat në të kaluarën përfaqësonin një problem të rëndësishëm të shëndetit publik, sepse shkaktonin sëmundshmëri të lartë dhe vdekshmëri tek fëmijët dhe të rriturit, ose shkaktonin komplikime dhe paaftësi me përfundime fatal dhe pasoja të përhershme. Duke marrë parasysh të gjitha hulumtimet dhe faktet, nuk ka asnjë mënyrë për të arritur në përfundimin se fëmijët nuk duhet të vaksinohen ose se fëmijët e pavaksinuar janë më të zgjuar se fëmijët e vaksinuar. Postime të tilla manipuluese, të cilat janë pjesë e një fushate më të gjerë antivaksinave, mund të dëmtojnë rëndë shëndetin e fëmijëve dhe shëndetin publik kolektiv.
Një postim në rrjetin Facebook pretendon se fëmijët nuk duhet të vaksinohen sepse vaksinat i kanë bërë ata të humbin inteligjencën.
Pas perdes po luhet një lojë tjetër. Marrja e kontrollit të pushtetit, globalisht.
Rri i qete. Refuzo vaksinat…me çdo kusht..për fëmijët dhe covid. Humbja e inteligjencës tek një fëmijë është e pakthyeshme, qëndron në postimin që po analizojmë.
Postimi pretendon në mënyrë manipulative dhe pa asnjë provë të provuar shkencërisht se fëmijët e vaksinuar humbasin inteligjencën e tyre në mënyrë të pakthyeshme dhe për këtë arsye u bën thirrje njerëzve që të refuzojnë vaksinat me çdo kusht. Pretendimi se fëmijët e vaksinuar humbin inteligjencën, pra janë më pak të zgjuar, është një gënjeshtër e plotë.
Çdo vaksinë që marrin fëmijët parandalon një sëmundje specifike. Fëmijët që marrin të gjitha vaksinat e detyrueshme janë të mbrojtur nga sëmundjet që, para ardhjes së imunizimit, shkaktonin një numër të madh vdekjesh si tek foshnjat ashtu edhe tek fëmijët më të rritur. Rreziku më i madh për shëndetin e fëmijëve është mos vaksinimi.
Imunizimi përfaqëson një nga arritjet më të mëdha në historinë e mjekësisë dhe është masa parandaluese më e sigurt, më efikase dhe e justifikuar ekonomikisht, e cila kontribuon drejtpërdrejt në uljen e sëmundshmërisë dhe vdekshmërisë nga sëmundjet infektive.
Vaksinimi ndihmon në kontrollin e më shumë se 20 sëmundjeve si tuberkulozi, difteria, poliomieliti, fruthi, shytat e shumë të tjera, të cilat pa vaksina do të ishin vdekjeprurëse për shumë fëmijë dhe të rritur në mbarë botën. Të dhënat nga Organizata Botërore e Shëndetësisë (OBSH) tregojnë se vaksinimi parandalon dy deri në tre milionë vdekje nga sëmundjet në mbarë botën çdo vit.
Nuk ka logjikë pretendimi se vaksinimi ndikon nëse fëmijët do të jenë të zgjuar apo jo. Vaksinat parandalojnë sëmundjet infektive dhe nuk kanë të bëjnë fare me inteligjencën e fëmijës. Nuk ka asnjë provë shkencore të bazuar në kërkime që mbështesin pretendimin se një fëmijë i vaksinuar është më pak inteligjent se fëmijët, për shembull, që nuk do të vaksinoheshin, siç sugjeron postimi që po analizojmë.
Ka shumë studime që shqyrtojnë ndryshimet në shëndetin dhe rezultatet e zhvillimit midis fëmijëve të vaksinuar dhe të pavaksinuar, dhe këto studime nuk zbulojnë efekte të padëshiruara te fëmijët e vaksinuar. Një studim i vitit 2004 nuk gjeti asnjë lidhje midis vaksinave dhe vonesave në zhvillim.
Një studim tjetër tregon se fëmijët e vaksinuar në vitin e parë të jetës kishin teste më të mira kognitive. Në mënyrë të ngjashme, vaksina kundër lisë në vende të tilla si Etiopia, India dhe Vietnami është shoqëruar me rezultate më të mira në testet kognitive.
Vaksinimi në kohë gjatë fëmijërisë është thelbësor sepse ndihmon në sigurimin e imunitetit përpara se fëmijët të ekspozohen ndaj sëmundjeve potencialisht kërcënuese për jetën.
Nga kjo mund të konkludojmë se falë imunizimit, sot janë eliminuar ose vënë nën kontroll shumë sëmundje infektive që në të kaluarën përbënin një problem të rëndësishëm të shëndetit publik, sepse shkaktonin sëmundshmëri të lartë, pra, janë reduktuar në raste individuale pa rezultate fatale dhe pasoja të përhershme. Duke marrë parasysh të gjitha hulumtimet dhe faktet, nuk ka asnjë mënyrë për të arritur në përfundimin se fëmijët nuk duhet të vaksinohen ose se fëmijët e pavaksinuar janë më të zgjuar se fëmijët e vaksinuar. Publikime të tilla manipuluese, të cilat janë pjesë e një fushate më të gjerë antivaksinave, mund të dëmtojnë rëndë shëndetin e fëmijëve, por edhe shëndetin publik kolektiv. Prandaj, ne e vlerësojmë postimin si të pavërtetë.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari
