Janë rindërtuar vetëm disa pjesë të rrugëve në Qendër

Rindërtimi i rrugëve të cilët janë nën kompetenca të komunës me gjatësi të përgjithshme prej 42 km mbi baza të prioriteteve të definuara profesionalisht në të gjithë bashkësitë urbane

ARSYETIM:

Kryetari i Komunës Qendër, Andrej Zhernovski për zgjedhjet lokale në vitin 2013 në programin e tij zgjedhor: “E ardhmja tani! Është koha! Andrej Zhernovski për Qendrën” (faqe 7), premtoi rindërtimin e rrugëve në gjatësi prej 42 kilometrave. Përsëri, sipas asaj që është përfshirë në Llogaridhënie të Zhernovskit për atë që është punuar në katër vitet e fundit, “Qendra 2013-2017”, ky premtim i tij zgjedhor është realizuar pjesërisht.

 Në llogaridhënien e përmendur të Zhernvoskit (faqe 80), për këtë projekt është thënë:

Rrugët paraqesin “udhëkryqin” e kësaj hapësire qytetare dhe kanë rëndësi në komunikimin urban dhe sigurinë e qytetarëve.

Komuna qendër ka punuar më përkushtim në përmirësimin e infrastrukturës. Kemi realizuar rindërtim deri në themel të më shumë rrugëve të mëdha, gjegjësisht asfaltimin e tyre, zgjerimin, pajisjen e ujësjellësit me kanalizim atmosferik. Jemi krenarë që në këto katër vite e gjysmë rindërtuam mbi 30 rrugë.

Gjatë kësaj për disa rrugë është theksuar se janë rindërtuar tërësisht, për disa se është asfaltuar vetëm rruga dhe se kanë vendosur kanalizim atmosferik, për disa që janë tërësisht të reja, me trotuare, begatona…Kështu për shembull, mes rrugëve të rikonstruktuara përmenden: “Pitu Guli”, “Gjorgjia Pulevski”, “Apostoll Gusllarot”, “29 Nëntori”(Heronjë kostrursk), “Leninova”(Aminta Treti), “Orce Nikollov”, “Zagrebska”, “Adollf Xhiborovski”…

Nuk thuhet se sa kilometra rrugë janë përfshirë në këtë rindërtim, por është shkruar se sipërfaqja e përgjithshme e rrugëve në Komunë Qendër është 52.000 metra katror. Nëse merret si masë gjerësia e rrugës (në varësi prej saj) është prej 5,5 deri në 7 metra, del se janë rindërtuar rreth 7,5 – 9,5 kilometra rrugë, gjë që është shumë më pak se 42 kilometra të cilët i ka premtuar Zhernovski para se të bëhet kryetar komune. Kështu që, ky premtim zgjedhor i tij sipas metodologjisë së “Vërtetmatësit” merr vlerësimin “pjesërisht i realizuar”. 

BURIME:

• Иднината сега! Време е! Изборна програма на Андреј Жерновски за Центар – 2013 (Регулиран и хуманизиран сообраќај  – стр. 7) [Пристапено на: 15.06.2017]

Vlerësoi: Olivera Vojnovska

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari