Tifozët rumunë nuk bërtitën emrin e Putinit gjatë ndeshjes së futbollit me Ukrainën
Realiteti i thirrjeve “Putin” të tifozëve rumunë vihet në pikëpyetje për faktin se ata treguan respekt të madh për Ukrainën në fillim të ndeshjes, vëren Mitdetector. Gazeta gjermane “Bild” shkruan se në fillim të ndeshjes rreth 40 mijë tifozë rumunë brohoritën për disa kohë “Ukrainë” në shenjë respekti dhe solidariteti. Sipas Qendrës për Komunikime Strategjike dhe Sigurinë e Informacionit të Ukrainës, zëri është marrë nga këndimi i njohur ukrainas “Putin khuilo“, me fjalën e dytë të prerë dhe vetëm fjalën “Putin”. Edhe mediat rumune shkruajnë se videoja është e rreme.
Po analizojmë një postim në Facebook, i cili pretendon se gjatë një ndeshje futbolli me Ukrainën, tifozët rumunë thërrisnin emrin e presidentit rus Vladimir Putin.
Në Kampionatin Evropian të Futbollit, tifozët rumunë brohoritën “Putin!” Putin!” Gjatë ndeshjes kundër Ukrainës. Rezultati përfundimtar: Rumania 3-0 Ukraina. Ukrainasit janë shumë të zemëruar për këtë, thuhet në postim.
Më 17 qershor 2024, në Allianz Arena të Mynihut, në kuadër të turneut të Kampionatit Evropian të Futbollit, u luajt një ndeshje e fazës grupore ndërmjet ekipeve kombëtare të Rumanisë dhe Ukrainës, e cila përfundoi me fitoren e rumunëve me rezultat 3:0.
Pas kësaj, në rrjetet sociale si dhe në disa media ruse, filloi të qarkullojë një video e fansave rumunë që thuhej se brohoritnin emrin e Putinit. Duhet theksuar se informacione të njëjta ka shpërndarë edhe tabloidi britanik “Mirror”.
Videoja e publikuar është komentuar nga Qendra për Komunikime Strategjike dhe Siguri të Informacionit të Ukrainës, e cila është një organ qeveritar përgjegjës për luftimin e dezinformatave që vijnë nga Rusia, shkruan Mitdetector në analizën e saj. Sipas tyre, videoja e shpërndarë është e rreme dhe zëri në të është shtuar me ndihmën e një programi.
Sipas Qendrës për Komunikime Strategjike dhe Sigurinë e Informacionit të Ukrainës, tingulli është marrë nga këndimi i njohur ukrainas “Putin khuilo”, me fjalën e dytë të prerë dhe vetëm fjalën “Putin”. Edhe mediat rumune shkruajnë se videoja është false. Ata nuk mund ta mbështesin argumentin e tyre duke lexuar buzët pasi pamjet i shfaqin tifozët nga pas, por kanë arritur në përfundimin se lëvizjet, britmat dhe ritmi i tifozëve nuk përputheshin fare, thekson Mitdetector.
Tingulli ka të ngjarë të jetë marrë nga një video e vitit 2021, kur tifozët ukrainas në ndeshjen Ukrainë-Austri brohorisnin “Putin khuilo”.
Realiteti i thirrjeve “Putin” të tifozëve rumunë vihet në pikëpyetje për faktin se ata treguan respekt të madh për Ukrainën në fillim të ndeshjes, vëren Mitdetector. Gazeta gjermane “Bild” shkruan se në fillim të ndeshjes rreth 40 mijë tifozë rumunë brohoritën për disa kohë “Ukrainë” në shenjë respekti dhe solidariteti.
Videoja e fabrikuar në të cilën tifozët rumunë dyshohet se këndojnë emrin e Putinit është konfirmuar edhe nga organizata e verifikimit të fakteve Open, raporton Mitdetector. Përveç kësaj, Open foli me një tifoz të pranishëm në lojë në vendin ku u filmua video dhe ai konfirmoi se një gjë e tillë nuk ka ndodhur.
Për të gjitha faktet e mësipërme, gjykojmë se nuk është e vërtetë që tifozët rumunë kanë brohoritur emrin e Putinit gjatë një ndeshje futbolli me Ukrainën.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari