Më 24 shkurt 2022, filloi pushtimi rus i Ukrainës, jo “pastrimi i nazistëve ukrainas”

Është e pavërtetë dhe gënjeshtër propagandistike e paraqitur nga vetë presidenti rus, Vladimir Putin, për të justifikuar pushtimin ushtarak të Ukrainës, të cilin ai e filloi më 24 shkurt 2022, krejtësisht i paprovokuar. Historianë të shumtë argumentojnë se agresioni ushtarak në Ukrainë nuk mund të lidhet me asnjë denazifikimi

Po shqyrtojmë një postim në rrjetin social Facebook ku shkruhet:

Më 24 shkurt 2022 filloi beteja për të pastruar nazistët ukrainas.

Postimi përfshin video pamje të Artem Bonov, një ukrainas me pikëpamje të ekstremit të djathtë, i cili gjithashtu kishte një kanal në YouTube, por u pezullua për gjuhë urrejtjeje. Ai njihet si neonazist, por ka qenë edhe cak i dezinformatave se ka qenë nënkryetar i policisë së Kievit, gjë që nuk është e vërtetë.

Për sa i përket asaj që thuhet në postimin që po rishikojmë, se beteja për spastrimin e nazistëve ukrainas filloi më 24 shkurt 2022, është një gënjeshtër dhe një thënie propagandistike e paraqitur nga vetë Presidenti i Rusisë Vladimir Putin, për të justifikuar pushtimin ushtarak të Ukrainë, të cilën ai e filloi në këtë datë, krejtësisht i paprovokuar. Historianë të shumtë argumentojnë se agresioni ushtarak në Ukrainë nuk mund të lidhet me asnjë denazifikimi.

Putini keqpërdor termin denazifikimi. Denazifikimi i referohet një momenti të caktuar në histori në epokën e pasluftës, dhe përdorimi i termit nga Putini është propagandë që synon frikën e tij ndaj qeverisë aktuale demokratike në Ukrainë. Ka një rëndësi historike shumë specifike për denazifikimin, që është një proces që ndodhi në Gjermani pas Luftës së Dytë Botërore, thotë Timothy Snyder, një ekspert për Ukrainën dhe autor i “Rruga drejt Rusisë, Evropës, Amerikës pa liri për revistën Time.

Ai shton se në atë kohë në Gjermaninë Perëndimore amerikanët po i kushtonin vëmendje liderëve të lartë nazistë dhe kishte përpjekje për t’i larguar ata nga jeta publike.

Për ta përdorur këtë jashtë kontekstit, siç bën Putin, është një përpjekje për të transformuar vendin dhe njerëzit për të cilët ai flet në Gjermaninë naziste. Një anëtar nazist i Partisë Nacional Socialiste në Gjermani në vitet 1930 dhe 1940, shtoi ai.

Profesori i Universitetit Yale Jason Stanley thotë se denazifikimi ishte procesi që aleatët kryen në Gjermani. Duke filluar me gjyqet e Nurembergut, ata provuan dhe dënuan shumë nazistë, shumë u vranë dhe më pas ata zëvendësuan ideologjinë naziste në të gjitha institucionet kryesore me njerëz që ishin të paprekur nga nazizmi.

Ata i zëvendësuan me liderë besnikë ndaj demokracisë dhe e zëvendësuan ideologjinë naziste me praktika demokratike, thotë ai.

Omer Bartov, profesor në Universitetin Brown, thotë se pasi aleatët hynë në Gjermani, ata hetuan disa ish-anëtarë të partisë naziste.

Qeveria aktuale e Ukrainës nuk është fashiste, as diktatoriale, apo në ndonjë mënyrë e lidhur me të kaluarën naziste. Presidenti Volodymyr Zeleneski u zgjodh në mënyrë demokratike në zgjedhje të ndershme, duke marrë 73 për qind të votave në zgjedhjet presidenciale të vitit 2019.

Ajo në të cilën Putin po përpiqet të mbështetet është fakti se ka elementë të ekstremit të djathtë në Ukrainë që mund të përshkruhen si neonazistë. Por këto janë elemente të parëndësishme, siç e treguan zgjedhjet e presidentit Zelenski, shton Bartov për Time Magazine.

Jeffrey Weidlinger, për Time thotë:

Në një moment, kishte ukrainas që bashkëpunuan me nazistët. Kjo është arsyeja pse Putin e përdor atë term, por kjo ishte 80 vjet më parë dhe nuk pasqyron qeverinë aktuale të Ukrainës. Kur Putini përdor këtë term, ai nuk ka asnjë kuptim. Ai ka frikë nga demokracia në Ukrainë dhe pranon se ndërsa demokracia i afrohet Rusisë, ekziston një kërcënim që njerëzit të kërkojnë demokraci.

Batalioni Azov si njësi ushtarake u krijua në maj 2014. Siç thotë Al Jazeera, është një njësi ushtarake e ekstremit të djathtë, anëtarët e së cilës janë ultranacionalistë, të cilët akuzohen për një ideologji afër epërsisë së racës së bardhë. Njësia u krijua si një grup vullnetar i udhëhequr nga Andrija Biletski dhe përbëhet nga grupi ultranacionalist “Patriotët e Ukrainës” dhe një grup neo-nazist. Siç shkruan Al Jazeera, të dy grupet kanë ideale neo-naziste dhe ksenofobike dhe kanë sulmuar fizikisht emigrantët, romët dhe njerëzit e tjerë. Si një batalion, grupi luftoi kundër separatistëve pro-rusë në Donetsk në Ukrainën lindore. Por grupet naziste që ekzistojnë në Ukrainën moderne, si dhe në vende të tjera evropiane, nuk kanë asnjë ndikim në parlament, nuk janë në Qeveri dhe nuk mund të jenë një justifikim për pushtimin e Ukrainës nga Rusia. Në raportin për manipulimin e informacionit të huaj dhe kërcënimet me ndërhyrje të huaja, Shërbimi Evropian i Veprimit të Jashtëm shkruan se një nga narrativat më të përdorura është: “Ukraina është një shtet nazist dhe terrorist”, por edhe se mbështet grupe të tilla.

Për shkak të të gjitha fakteve të mësipërme, ne e vlerësojmë postimin që po shqyrtojmë si të pavërtetë.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari