Franca nuk ka dërguar trupat e saj në Ukrainë
Ministria e Mbrojtjes e Francës ka mohuar dërgimin e trupave në Ukrainë pasi dezinformatat mbi këtë temë filluan të përhapen në mediat sociale të nxitura nga burime ruse dhe propaganduesit e tyre.
Po shqyrtojmë një postim në rrjetin social Facebook ku shpërndahet një foto e krijuar me një mjet manipulimi fotografish që tregon simbolin e Parisit – Kullën Eifel, “të prerë” në gjysmë. Bashkë me foton shkruhet se kjo ka ndodhur “pasi Franca dërgoi trupat e saj në Ukrainë”.
Siç shkruajnë verifikuesit e fakteve të Associated Press, Ministria e Jashtme franceze në një deklaratë në rrjetin social X ka treguar se Franca nuk ka dërguar trupa në Ukrainë dhe se bëhet fjalë për dezinformim.
Paralajmërim për lajmet e rreme – shkruan Ministria e Punëve të Jashtme të Francës në një deklaratë të publikuar në profilin e tyre në X. Informacioni i tyre citon postimet në blog nga 3 maji i këtij viti nga Stephen Bryan, një nënsekretar për Departamentin e Mbrojtjes gjatë administratës së Reganit.
Nuk ka asnjë burim në postimin e tij në blog që ia atribuon këtë pretendim. Brian më pas postoi një artikull të ri në blogun e tij duke pranuar se ai “mund të ketë gabuar” në lidhje me vendosjen e supozuar të trupave nga Franca në Ukrainë. Burimet më të hershme që Brian citon për “Franca dërgon trupa në Ukrainë” janë të 12 prillit, domethënë është një tekst nga një faqe lajmesh ushtarake ruse. Por në atë faqe shkruhet se “informacioni as nuk mund të konfirmohet dhe as të mohohet” dhe ka ardhur nga një kanal rus Telegram i një gazetari rus i cili ka thënë se informacioni është i pakonfirmuar, shkruajnë kontrolluesit e fakteve të Associated Press.
Mediat ukrainase e përshkruajnë Brianin si një “propagandist rus” dhe në tekstet që nënshkruan ai përdor shpesh narrativën antiperëndimore.
Ministria e Jashtme e Francës mohon në mënyrë eksplicite dërgimin e trupave franceze për të luftuar në luftën që Rusia ka nisur në Ukrainë.
Fushata e dezinformimit për mbështetjen franceze për Ukrainën është më aktive se kurrë. Franca nuk ka dërguar trupa në Ukrainë, mohoi Ministria e Mbrojtjes.
Dhe verifikuesit e fakteve të Istinomerit serb shkruajnë se nuk ka dëshmi se trupat franceze janë dërguar në Ukrainë.
Legjioni, anëtarët e të cilit përflitet se janë në disa zona të Ukrainës, u formua në 1831, ka qenë i vendosur në një periferi të Marsejës që nga shekulli i 20-të dhe ka pasur disa baza të përkohshme në Afrikë në dhjetë vitet e fundit.
Për të gjitha faktet e mësipërme, vlerësojmë se nuk është e vërtetë që Franca ka dërguar trupat e saj në Ukrainë.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari