Tre shtetas të Turqisë ngritën padi kundër Netanyahut
Postimi pretendon se Turqia ka ngritur një padi kundër kryeministrit izraelit Benjamin Netanyahu, duke e akuzuar atë për krime kundër njerëzimit. Megjithatë, padinë e kanë ngritur tre persona fizikë në cilësinë e shtetasve dhe jo nga shteti i Turqisë
Po shqyrtojmë një postim në rrjetin social Facebook në të cilin ndahet një lidhje me titullin:
E quajtën Hitleri i shekullit të 21-të – Turqia ngriti një padi në gjykatën e Hagës kundër Netanyahut për gjenocid në Gaza.
Vetë postimi thotë:
Ata duan që ai të përgjigjet për krimet kundër njerëzimit.
Mirëpo, siç shkruajnë verifikuesit e fakteve “Istinomer”, Serbia, padinë ndaj Netanyahut nuk e ka ngritur Turqia, por tre shtetas turq.
A ka ngritur Republika e Turqisë një padi kundër kryeministrit izraelit Benjamin Netanyahu, siç pretendohet nga mediat lokale dhe postimet virale në mediat sociale? Jo. Padinë ndaj Netanyahut e kanë ngritur tre shtetas të Turqisë, e jo shteti i Turqisë,transmeton Istinomer.
Në tekst thuhet se këto ditë në rrjetet sociale në Serbi po shpërndahet një dokument i skanuar në gjuhën turke, i cili thuhet se është dëshmi se është ngritur padi në Gjykatën Penale Ndërkombëtare kundër kryeministrit izraelit Benjamin Netanyahu.Padia dyshohet se është ngritur nga shteti i Turqisë, duke akuzuar Netanyahun për gjenocid në Gaza, e njëjta gjë pretendohet edhe në botimin që po shqyrtojmë.
Po ashtu, sipas Istinomer, Informer, Sputnik Srbija, RT Balkan, 24 Sedam, Srbin infohttps://ghostarchive.org/archive/c6gZw, të njëjtin informacion për padinë ndaj Netanyahut e kanë publikuar si lajm të fundit.
Duke kërkuar fjalë kyçe në turqisht dhe duke kërkuar artikuj duke përdorur foton, arrihet në përfundimin se dokumenti i skanuar është autentik, por kontekstualisht i përkthyer në mënyrë joadekuate, pra në media dhe në rrjetet sociale shërbeu si “provë” se padinë e kishte ngritur Turqia si shtet.
E vërteta, megjithatë, është se padinë e ka bërë ish-deputeti i Partisë Turke për Drejtësi dhe Zhvillim, Metin Kulunk.
Dokumenti që qarkullon në rrjetet sociale është publikuar fillimisht nga Kulunk në llogarinë e tij në Instagram.
Kjo padi, e dorëzuar në Kryeprokurorinë në Stamboll, me kërkesën për ta paraqitur në Gjykatën Penale Ndërkombëtare, përveç Kulunk është nënshkruar edhe nga avokatët Mukahit Birin dhe Burak Bekiroglu.
Në dokumentin e dorëzuar nga Kulunk, Birın dhe Bekiroğlu në Zyrën e Kryeprokurorit Publik në Stamboll për referim në Gjykatën Penale Ndërkombëtare, Netanyahu akuzohet se ka kryer krime lufte, gjenocid dhe krime kundër njerëzimit para publikut botëror “për të realizuar hartën e imagjinuar të strukturës sioniste”, raportoi agjencia turke Anadolia.
Në kryerjen e këtyre krimeve, kryeministri izraelit Benjamin Netanyahu nuk hezitoi të përdorë armë të ndaluara nga ligji ndërkombëtar, thuhet në padi.
Pra, padinë, siç shkruan “Istinomer”, është ngritur nga tre persona në cilësinë e shtetasve, e jo nga Turqia, siç thuhet në publikimet kontestuese. Është një fakt që mund të vërtetohet në bazë të fotos së padisë së skanuar.
Gjithashtu, Turqia nuk e ka ratifikuar Statutin e Romës, i cili themeloi Gjykatën Penale Ndërkombëtare në Hagë dhe për këtë arsye nuk ka mundësi që Ministria e Drejtësisë turke t’i dërgojë një ankesë zyrtare këtij institucioni.
Për shkak të të gjitha fakteve të mësipërme, ne e vlerësojmë postimin që po shqyrtojmë si pjesërisht të pavërtetë. Është e vërtetë që ka një padi dhe se është ngritur kundër kryeministrit të Izraelit, Benjamin Netanyahu, por vjen nga individë, jo nga shteti i Turqisë.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari