Rusia nuk e ka shpallur dollarin si mjet pagese të pavlefshme

Inflacioni do të ulet me 5 për qind. Në të ardhmen, deri në 4 për qind. Njëkohësisht, kursi i këmbimit të rublës do të jetë i qëndrueshëm, nga 66 deri në 67 rubla për një dollar vitin e ardhshëm, tha ai.

Të gjitha pagesat në Rusi bëhen përmes monedhës vendase, rubla. Transaksionet në euro ose dollarë nuk lejohen, por ju mund të paguani gjithmonë me një kartë krediti ose debiti, të pranuara pothuajse kudo në Shën Petersburg dhe Moskë, si dhe në të gjithë vendin.

Në mars 2022, Banka Qendrore e Rusisë i ndaloi qytetarët rusë të blinin dollarë me rubla për gjashtë muajt e ardhshëm. Siç raportoi Washington Post, Banka Qendrore e Rusisë gjithashtu kufizoi shumën që qytetarët mund të tërhiqnin nga bankat në 10,000 dollarë.

Kushdo që dëshiron të tërheqë më shumë se ajo shumë, pjesa tjetër mbi dhjetë mijë dollarë, do të duhet ta tërheqë atë në rubla, njoftoi në atë kohë Banka Qendrore e Rusisë.

Sipas Bankës së Rusisë, kufizimet për blerjet e valutës së huaj mbeten në fuqi deri më 9 mars 2023.

Si më parë, fondet e mbetura (mbi 10 mijë dollarë) mund të tërhiqen në rubla me kursin e këmbimit të përcaktuar nga banka. Paratë e huaja mund të tërhiqen në dollarë amerikanë ose euro, pavarësisht nga monedha e llogarisë ose depozitës. Banka e Rusisë duhet të ruajë kufizimet e lartpërmendura dhe të tjera për paratë e gatshme jashtë vendit për shkak të sanksioneve të vendosura kundër Rusisë që ndalojnë institucionet financiare ruse të blejnë para nga vendet perëndimore, thuhet në faqen e internetit të Bankës së Rusisë.

Ambasada e SHBA-së në Moskë raportoi se më 9 mars 2022, Banka Qendrore e Rusisë njoftoi se mbajtësit e llogarive me monedha të huaja, përfshirë dollarë amerikanë, do të jenë në gjendje të tërheqin deri në 10,000 dollarë në valutë të huaj midis 9 marsit dhe 9 shtatorit 2022. Ata lejohen të përdorin dhe zotërojnë llogari të huaja në të cilat ka dollarë, të depozitojnë valuta të huaja në llogarinë e tyre dhe të tërheqin para në rubla në shuma më të mëdha se 10 mijë dollarë.

Duke qenë se në Rusi edhe para pushtimit ushtarak, monedha e pagesës që mund të përdorej në transaksionet e pagesave ishte rubla, d.m.th. dollarët mund të këmbeheshin me rubla në zyrat e këmbimit dhe më pas të bliheshin, nuk është e vërtetë se Rusia e shpalli dollarin një mjet të pavlefshëm pagese. Në Rusi, njerëzit lejohen të tërheqin deri në 10 mijë dollarë nga llogaritë e tyre nëse ato depozitohen në to në atë monedhë. Bankat në Rusi lejohen t’u shesin dollarë amerikanë qytetarëve rusë nëse ato dollarë merren në banka pas 9 prillit 2022.

Kufizime ka edhe për kompanitë e regjistruara në Rusi, të cilat mund të tërheqin vetëm 5 mijë dollarë cash për të mbuluar shpenzimet për qëllime biznesi.

Që nga fundi i qershorit, qytetarëve rusë u lejohet të transferojnë deri në 1 milion dollarë në muaj nga llogaritë e tyre në bankat ruse jashtë Rusisë.

Kufizimet e monedhës perëndimore filluan më 9 mars 2022 si përgjigje e Rusisë ndaj një ndalimi të SHBA dhe BE për eksportimin e dollarëve dhe eurove në Rusi. Si rezultat, Rusia ka mungesë dollarësh dhe eurosh në para.

Për të gjitha faktet e mësipërme, besojmë se konteksti mungon në postimin që po shqyrtojmë. Rusia nuk e ka shpallur dollarin mjet pagese të pavlefshme, por ka mungesë dollarësh cash, për këtë arsye ka kufizuar limitin e dollarëve që mund të tërhiqen nga bankat.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari