Rrejshëm ofrohen pemë të Krishtlindjeve për 123 denarë

Postimi ofron pemë të mëdha artificiale të Krishtlindjeve me çmime promocionale prej vetëm… 123 denarë, pra me zbritje prej 99 për qind. Për të joshur viktimat e saj, reklama shoqërohet me një foto të modifikuar të kutive të pemës së Krishtlindjes, me një pemë të madhe Krishtlindjesh të vendosur jashtë kutisë. Por e gjithë kjo është një mashtrim. Postimi keqpërdor emrin dhe logon e Ramstor. Nëse vizitoni faqen zyrtare të Ramstor-it dhe profilet e tyre në rrjetet sociale, do të vini re se nuk ka pemë të Krishtlindjes për 123 denarë, e as nuk ka ndonjë promovim për një çmim të tillë.

Dhjetori është muaji i dhuratave, festave të Krishtlindjeve dhe Babadimrit, oferta ka kudo, por përveç ofertave reale ka edhe shumë mashtrime. Një postim në emër të një supermarketi të madh si Ramstor po përhapet në rrjetet sociale dhe po inkurajon njerëzit të bëjnë sa më shumë porosi.

Gëzimi i Krishtlindjeve fillon me pemën magjike të Krishtlindjes! Tani për vetëm 123 denarë mund të merrni pemën tuaj të bukur të Krishtlindjes. Klikoni “porosit tani” poshtë imazhit për të bërë porosinë tuaj. !!!Shtëpia juaj të shkëlqejë me dritat e Krishtlindjeve!!!!”, thuhet në postim.

Ofron pemë të mëdha artificiale të Krishtlindjeve me çmime promocionale prej vetëm… 123 denarë, gjegjësisht me zbritje prej 99 për qind. Që postimi të duket i besueshëm, nën të ka edhe komente, ku thuhet se oferta është reale. Për të joshur viktimat e saj, reklama shoqërohet me një foto të modifikuar të kutive të pemës së Krishtlindjes dhe një pemë Krishtlindjeje jashtë një kutie të madhe dhe të gjerë. Çmimi i produktit është 123 denarë i montuar në pemën e Krishtlindjes dhe para kutive. Por kjo është një zbritje e rreme!

Postimet në lidhje me këtë zbritje të madhe kanë një sërë komentesh të rreme nga profile që përpiqen të legjitimojnë ofertat e çuditshme. Kështu përdoruesi, njëfarë Goce Gjorgjioski, ka shkruar:

Vendosa të porosisja një pemë artificiale të Krishtlindjes, kisha frikë se do të dukej shumë e vogël, por e kisha gabbim. Pema është shumë e bukur dhe me një lartësi të mirë, përshtatet organikisht në dhomë. E vetmja pengesë është mbajtësi për bazën e rrudhës, i cili nuk është shumë i qëndrueshëm. Macja e rrëzoi disa herë. Vitin e ardhshëm do të instaloj një mbajtëse më të sigurt ose do të vendos peshë mbi të. Përndryshe, gjithçka është e shkëlqyeshme, degët zhvendosen lehtësisht në vendin e duhur për montim. Unë jam shumë i kënaqur me blerjen time.

Ky lloj komenti, i shkruar në një gjuhë maqedonase të çuditshme dhe të paqartë, me fjali pa logjikë dhe fjalë që nuk janë karakteristike për gjuhën maqedonase, duhet t’ju bëj të kuptoni menjëherë se bëhet fjalë për një lloj mashtrimi.

Disa nga profilet që shkruajnë komentet ngarkojnë foto të pemëve të Krishtlindjeve në shtëpitë e tyre, në mënyrë që të bindin përdoruesit e rrjeteve sociale se postimi është i vërtetë, por nuk është!

Për më tepër, njoftimi i rremë për një zbritje të madhe i shtyn përdoruesit e mediave sociale të klikojnë në butonin “Porosit tani”, i cili ridrejtohet në një faqe tjetër interneti, për të marrë gjoja pemën e Krishtlindjes. Aty thuhet se kjo ofertë është gjoja nga supermarketi i madh Ramstore, gjë që gjithashtu nuk është e vërtetë.

Urime me shumë respekt!

Jeni duke marrë pjesë në një promovim të Ramstore!

Shitja për fundvit tashmë ka filluar! Ramstore vendosi të gëzojë 100 njerëz me një promovim ku çmimi i një peme artificiale të Krishtlindjes me përmasa 210 x 130 cm është vetëm 123 denarë. Ky promovim vlen vetëm në Maqedoni.

Pastaj atyre që klikuan u kërkohet të plotësojnë një pyetësor:

Plotësoni anketën për të konfirmuar se jeni një person i vërtetë i interesuar për një pemë artificiale të Krishtlindjes 210 x 130 cm. Nxitoni, çmimet janë të limituara!

Këto reklama mashtrimi zakonisht synojnë ta bëjnë përdoruesin të regjistrohet për diçka dhe më pas t’u kërkojë përdoruesve të plotësojnë informacionin e kartës së kreditit ose debitit për të përfunduar veprimin, duke ju bërë potencialisht viktimë e mashtrimit financiar.

Shembulli i mësipërm keqpërdor emrin dhe logon e Ramstore. Nëse vizitoni faqen zyrtare të Ramstore-it dhe profilet e tyre në rrjetet sociale, do të vini re se nuk ka pemë të Krishtlindjes për 123 denarë, e as nuk ka ndonjë promovim për një çmim të tillë.

Një “ofertë” e ngjashme me një zbritje të madhe është shpërndarë edhe në Rumani pak ditë më parë ku është përdorur e njëjta foto, por çmimet janë në monedhën rumune – lei, gjithashtu me 99 për qind zbritje.

Faqja në Facebook Tashmë duhet të dekorojmë, nga e cila shpërndahet oferta, nuk ka asnjë komunikim real me përdoruesit dhe ka vetëm 63 ndjekës dhe pak ndërveprime. Qyteti i Velesit është vendosur si adresë, dhe motori i kërkimit Google është caktuar si faqe interneti. Gjithçka që është publikuar në faqe është ky dhe një tjetër postim i ngjashëm me ofertë për pemën e Krishtlindjes prej 123 denarë.

Për shkak të të gjitha fakteve të mësipërme, ne e vlerësojmë postimin që po shqyrtojmë si të rremë. Përdoruesit e mediave sociale duhet të jenë gjithmonë dyshues kur shohin një postim ose reklamë, oferta e të cilit duket shumë e mirë për të qenë e vërtetë, sepse mund t’ju kushtojë shumë. Duhet të jeni shumë të kujdesshëm me çdo faqe interneti që kërkon informacion personal, veçanërisht informacione të llogarisë bankare, pasi mund të bëheni edhe viktimë e mashtrimit financiar.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari