Pjesëmarrësit e takimit në Davos nuk planifikojnë se ku do të ketë luftëra, sëmundje dhe uri

Фото: Принтскрин видео - eforum.org

Nuk është e vërtetë që në takimin në Davos po diskutohet për atë se ku në të ardhmen të krijohen luftëra, sëmundje dhe uri. Në takimet e Forumit Ekonomik Botëror diskutohen sfidat me të cilat përballet bota, problemet aktuale dhe ekzistuese të karakterit global. Në lidhje me pjesën e postimit ku pjesëmarrësit në Davos identifikohen me nipërit e Luciferit, është teknikë propagande me të cilën është shpifur prej vitesh themeluesi i CEF-it, Klaus Schwab, përmes rrëfimeve për të diskredituar dhe demonizuar ngjarjen ku mblidhen të gjithë njerëzit e qytetëruar dhe të përparuar në botë

 

Recensojmë një postim të publikuar në rrjetin social Facebook ku thuhet:

U mblodhën në Davos nipërit e Luciferit.

Së shpejti do të zbulojmë se ku në botë planifikojnë të kenë luftëra, dhe ku sëmundje dhe uri.

Në vitin 1971, Forumi Ekonomik Botëror mbajti takimin e tij të parë në qytetin alpin të Davosit për të diskutuar sfidat me të cilat përballet bota. Pjesëmarrësit në takimet e Davosit përfshijnë drejtues nga biznesi, qeveria, shoqëria civile, grupet fetare, media, akademikë dhe artistë. Të gjithë mblidhen në sallat e konferencave për të marrë pjesë në takime, fokusi kryesor i të cilave janë tema që variojnë nga ndryshimi i klimës deri te kriptovalutat.

Cilat tema janë në agjendën për vitin 2023 në Davos?

Tema e takimit të këtij viti është “Bashkëpunimi në një botë të fragmentuar, pamje optimiste përballë tensionit gjeopolitik në rritje që përhapet nga Ukraina deri në Kinë”. Nën këtë temë, në Davos do të zbatohet program prej rreth 500 ngjarjesh, me tema që variojnë nga recesioni global deri te zhvillimet më të fundit në teknologjinë e gjelbër.

Një nga shembujt e takimit është tema se më shumë se një miliard njerëz jetojnë me një lloj paaftësie dhe ata janë më të goditurit nga krizat klimatike. Nevojat e tyre shpesh nuk përfshihen në hartimin e infrastrukturës dhe strategjitë e reagimit ndaj krizave. E cila nga ana tjetër ngre pyetjen se si ndryshimi i klimës mund të kthehet në një mundësi për përfshirje.

Më tej u diskutua për pabarazitë globale shëndetësore që për fat të keq janë realitet. Hendeku i jetëgjatësisë midis njerëzve në vendet e zhvilluara dhe të pazhvilluara është 14 vjet, ndërsa popullatat e margjinalizuara brenda vendeve përballen me prognoza më të këqija shëndetësore. Për të adresuar këto pabarazi shëndetësore, CEF dhe partnerët po fillojnë iniciativën e parë globale, shumësektoriale shëndetësore që thekson nevojën për qasje dhe veprim multidisiplinor në nivel global për të përmirësuar barazinë shëndetësore.

prezantimin e saj, bashkëshortja e presidentit ukrainas Volodymyr Zelensky i referohet pasojave të agresionit ushtarak nga Rusia ndaj Ukrainës dhe pasojave të mundshme në aspektin e inflacionit, në aspektin e njerëzve që duhej të largoheshin nga vendi, etj. Në paraqitjen e saj, ajo bën thirrje për mbështetje për palën ukrainase.

Mirëpo, në postimin që po e recensojmë, shkruhet se në mbledhjen e CEF-it në Davos janë planifikuar luftëra në të ardhmen, gjë që nuk është e vërtetë. Në Davos, ndër qindra tema të tjera, diskutohen ato që tashmë janë aktuale dhe të pashmangshme në kontekstin botëror, përfshirë agresionin ushtarak të Rusisë kundër Ukrainës.

Andrej Jermak nga administrata presidenciale e Ukrainës theksoi tragjedinë e jetëve të humbura nga lufta dhe pse nuk do të ishte e mundur të arrihet paqja me Rusinë në mënyrë tradicionale.

Disa nga temat e diskutuara ishin se si të bëhet elasticiteti kibernetik prioritet, si teknologjia mund të ndihmojë tregtinë, 5 mënyra se si liderët e biznesit mund të kenë ndikim në shoqëritë e tyre, se si ekonomitë në zhvillim po investojnë në të ardhmen e tyre dixhitale, ndërsa u diskutua gjithashtu edhe për atë se humbja e burimeve natyrore paraqet një krizë ekonomike dhe se zgjidhjet inovative nevojiten menjëherë.

Udhëheqësit nga Amerika Latine diskutuan se si të përmirësohet tranzicioni global i energjisë dhe agjenda klimatike dhe se si vendet e tyre po trajtojnë sfidat e brendshme si inflacioni, pabarazia dhe qëndrueshmëria.

Kryeministri grek Kyriakos Mitsotakis foli në Davos për krizën energjetike dhe gazin rus.

Gjithashtu u zhvillua seancë ku u diskutua për përmirësimin e të drejtave të komunitetit LGBT, grave lidere etj.

Të gjitha këto dhe tema të tjera janë pjesë e agjendës së Forumit Ekonomik Botëror në Davos 2023.

Për të gjitha faktet e mësipërme, vlerësojmë se nuk është e vërtetë se në takimin e Davos po diskutohet se ku do të ketë luftëra, sëmundje dhe uri. Aty diskutohen problemet aktuale dhe ekzistuese të natyrës globale. Në lidhje me pjesën e postimit ku pjesëmarrësit në Davos identifikohen me nipërit e Luciferit, është teknikë propagande me të cilën është shpifur prej vitesh themeluesi i CEF-it, Klaus Schwab, përmes narrativave për të diskredituar dhe demonizuar ngjarjen ku mblidhen të gjithë njerëzit e qytetëruar dhe të përparuar dhe ku diskutohen tema me rëndësi globale për të gjithë planetin.

 


Ky artikull është përgatitur në kuadër të projektit Promovimi i qasjes në lajme të besueshme për të luftuar dezinformatat, i zbatuar nga Fondacioni Metamorfozis. Artikulli, i botuar fillimisht në Vërtetmatës, është mundësuar nga mbështetja e fondacionit jofitimprurës amerikan NED (National Endowment for Democracy). Përmbajtja e këtij artikulli është përgjegjësi e autorit dhe nuk pasqyron domosdoshmërisht pikëpamjet e Metamorphosis, NED ose bashkëpunëtorëve të tyre


 

 

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari