Parlamenti Evropian propozon Rusinë si sponsorizues shetëror i terrorizmit
Me rezolutën e Parlamentit Evropian, propozohet që Rusia të bëhet vendi i parë në listën e terroristëve të BE-së. Kjo listë përfshin persona, grupe dhe entitete të përfshira në akte terroriste dhe masa kufizuese. Rezoluta e PE-së, e cila u miratua në seancën plenare në Strasburg me 494 vota “pro”, 58 “kundër” dhe 44 abstenime, nuk ka fuqi ligjore dhe është jorregullatore, por është autoritare. Eurodeputetët u bënë thirrje qeverive të 27 vendeve anëtare të BE-së që të ndjekin shembullin e tyre
Parlamenti Evropian dje (23 nëntor 2022) miratoi një rezolutë që “njeh Rusinë si një shtet sponsorizues të terrorizmit dhe si një shtet që përdor mjetet për terrorizm”. Me këtë, PE propozon që Rusia të bëhet vendi i parë në listën e BE-së për terroristët, e cila përfshin 13 individë dhe 21 subjekte.
Rezoluta e miratuar në seancën plenare të Parlamentit Europian në Strasburg me 494 vota “pro”, 58 “kundër” dhe 44 abstenime, nuk ka fuqi ligjore dhe është jorregulluese, por autoritare. Eurodeputetët u bënë thirrje qeverive të 27 vendeve anëtare të BE-së që të ndjekin shembullin e tyre.
Edhe pse Bashkimi Evropian, ndryshe nga Shtetet e Bashkuara, nuk ka një kornizë ligjore për të përcaktuar një vend si “shtetëror sponsor të terrorizmit”, PE me rezolutën i bën thirrje Brukselit që ta themelojë atë dhe të shtojë Rusinë atje.
Lista e BE-së për terrorisstët u krijua si pjesë e reagimit të saj ndaj terrorizmit pas sulmeve të 11 shtatorit 2001, duke formalizuar një listë të personave, grupeve dhe subjekteve të përfshirë në akte terroriste dhe që i nënshtrohen masave kufizuese. Lista përfshin persona dhe grupe aktive brenda dhe jashtë BE-së, por jo vende. 13 personat dhe 21 subjektet në listë janë subjekt i ngrirjes së aseteve të tyre materiale dhe financiare në BE.
Parlamenti Evropian me rezolutën, siç thuhet në tekst, “i bën thirrje të gjithë popullit rus jo vetëm të refuzojë të përfshihet në këtë luftë, por edhe të protestojë kundër krimeve brutale të luftës kundër popullit të Ukrainës, të kryera nga Federata Ruse në emër të popullit rus”.
Eurodeputetët kërkojnë hetime të pavarura për krimet e luftës dhe krimet kundër njerëzimit të kryera nga Rusia.
Sulmet dhe krimet e qëllimshme të kryera nga Federata Ruse kundër popullatës civile të Ukrainës, shkatërrimi i infrastrukturës civile dhe shkelje të tjera të rënda të të drejtave të njeriut dhe ligjit ndërkombëtar humanitar përbëjnë akte terrori, thuhet në Rezolutë.
BE-së i kërkohet të zgjerojë listën e individëve të shënjestruar nga sanksionet për të përfshirë “ata të përfshirë në dëbime të detyruara, birësime të detyruara të fëmijëve ukrainas, “referendume” të paligjshme në rajonet e Luhansk, Kherson, Zaporozhye dhe Donetsk dhe “zgjedhjet” ilegale në Krime dhe Sevastopol, si dhe të gjithë anëtarët e partive të Dumës Shtetërore që mbajnë poste në parlamentet e zgjedhura në të gjitha nivelet, përfshirë nivelet rajonale dhe komunale.
Teksti gjithashtu i bën thirrje Komisionit Evropian dhe vendeve të BE-së që të punojnë në krijimin e një mekanizmi gjithëpërfshirës ndërkombëtar kompensimi, duke përfshirë një regjistër ndërkombëtar të dëmeve dhe të bashkëpunojnë në mënyrë aktive me autoritetet ukrainase.
Sa i përket grupit mercenar “Wagner” dhe Regjimentit 141 të Motorizuar Special, i njohur gjithashtu si “Kadyrov”, si dhe grupeve të tjera të armatosura, milicive dhe detashmenteve të financuara nga Rusia, Rezoluta i bëri thirrje BE-së që t’i vendosë ato në listën e sanksioneve në grupin e organizatave “terroriste”.
Rusia nuk është vetëm një shtet që sponsorizon terrorizmin, por edhe një shtet që përdor fondet për terrorizmin. Njohja e këtij fakti nga Parlamenti Evropian dërgon një sinjal të qartë politik. Evropa, evropianët nuk duan të jenë pasivë kur fqinji i tyre i madh shkel të gjitha standardet humanitare dhe ndërkombëtare, tha eurodeputeti lituanez Andrius Kubilius, i cili ishte pjesë e grupit të eurodeputetëve që insistuan në miratimin e rezolutës.
Lituania është një nga disa shtetet anëtare të BE-së që tashmë kanë miratuar rezolutën e tyre që dënon “terrorizmin” rus. Përveç Lituanisë, Letonisë, Estonisë, Polonisë dhe Republikës Çeke, një rezolutë e tillë u miratua edhe nga Asambleja Parlamentare e Këshillit të Evropës dhe Konferenca e Komisioneve Parlamentare për Çështjet e Unionit të Parlamenteve të Bashkimit Evropian (COSAC).
Një rezolutë të tillë e ka miratuar edhe Kongresi Amerikan, por ende nuk ka firmën e Sekretarit të Shtetit, i cili merr vendimin formal për të njohur një vend si “sponsor të terrorizmit”. Presidenti amerikan Joe Biden refuzoi dhe mori një vendim përfundimtar për të mos e vendosur Rusinë në listën e vendeve – shtet sponsor i terrorizmit, me vlerësimin se një veprim i tillë mund të ketë një kundër-efekt dhe pasoja të padëshiruara për mbështetjen amerikane për Ukrainën.
Pas miratimit të Rezolutës në PE, BE-ja pritet të prezantojë një paketë të nëntë sanksionesh, pasi Moska nisi një sulm të ashpër me raketa dhe dronë, duke shkaktuar dëme të mëdha në infrastrukturën energjetike të Ukrainës.
Parlamenti Evropian dje ka votuar edhe Raportin për procesin e zgjerimit të dorëzuar nga raportuesi – eurodeputeti kroat Tonino Pizzula. Raporti i bëri thirrje Serbisë që “të respektojë sistematikisht masat kufizuese të BE-së dhe politikën e përgjithshme ndaj Rusisë, të demonstrojë përparim në demokraci dhe sundim të ligjit dhe të pranojë vlerat dhe prioritetet e BE-së”. Në raportin e Pitsulës thuhet se BE-ja do të shqyrtojë të gjitha fondet për Serbinë, veçanërisht projektet e financuara nga plani ekonomik dhe investues i Ballkanit Perëndimor, në mënyrë që të sigurohet që të gjitha shpenzimet e BE-së të jenë plotësisht në përputhje me qëllimet dhe interesat strategjike të Bashkimit Evropian.
Menjëherë pas miratimit të rezolutës, faqja e internetit e Parlamentit Evropian u godit nga një sulm hakerësh, tha kryetarja e Kuvendit, Roberta Mezzola.
Ajo tha se ishte një “sulm i sofistikuar” nga një grup hakerësh pro-Kremlinit që sulmoi faqen pasi deputetët votuan.
“Përgjigja ime është: #Lavdi Ukrainës”, shkroi Metzola në Twitter
The @Europarl_EN is under a sophisticated cyberattack. A pro-Kremlin group has claimed responsibility.
Our IT experts are pushing back against it & protecting our systems.
This, after we proclaimed Russia as a State-sponsor of terrorism.
My response: #SlavaUkraini
— Roberta Metsola (@EP_President) November 23, 2022
Ndërprerja e parë e shërbimeve të faqes në internet ndodhi pas votimit për rezolutën e Rusisë në orët e para të pasdites (rreth orës 13:00). Nuk ka të dhëna të sakta se sa ka zgjatur ndërprerja, por bëhet e ditur se pas vendosjes së shërbimit ka pasur sërish ndërprerje nga ora 15:30 deri në orën 16:00. Pjesa multimediale e faqes dhe transmetimi i drejtpërdrejtë i seancës plenare ka vijuar normalisht.
Hakerët nga grupi pro-Kremlinit Killnet morën përgjegjësinë për sulmin në faqen e internetit të Parlamentit Evropian. Killnet ka shkruar në kanalin e saj Telegram se faqja zyrtare e Parlamentit Evropian ka disa orë që po “fle”.
Faqja e internetit mund të zgjohet vetëm me ndihmën e kërimit të falje kolektive të Perëndimit ndaj Rusisë, thuhet në deklaratën e Killnet.
Ndërprerja e një pjese të shërbimeve në uebsajtin e PE-së, siç konfirmoi zëdhënësi Jomes Dus Gilliot, u shkaktua nga një sulm i shpërndarë për mohimin e shërbimit (DDoS). Metoda më e përdorur për mbylljen e faqeve të internetit është përmes sulmeve DDoS, përmes të cilave një faqe interneti përmbytet me kërkesa të njëkohshme dhe të koordinuara për hyrje nga shumë kompjuterë. Kjo e bën të vështirë për faqen e internetit që t’u përgjigjet të gjitha kërkesave, dhe për këtë arsye bëhet jashtëzakonisht i ngadaltë ose plotësisht i padisponueshëm për përdoruesit.
Grupi i hakerëve Killnet ka qenë veçanërisht aktiv ditët e fundit. Ndër sulmet e fundit janë ato në shërbimet Starlink të Elon Musk, i cili ofronte internet në Ukrainë dhe u bë i famshëm për hakerimin e faqes së internetit të grupit të famshëm të hakerëve “Anonymous”.
Ky artikull është përgatitur në kuadër të projektit Promovimi i qasjes në lajme të besueshme për të luftuar dezinformatat, i zbatuar nga Fondacioni Metamorfozis. Artikulli, i botuar fillimisht në Vërtetmatës, është mundësuar nga mbështetja e fondacionit jofitimprurës amerikan NED (National Endowment for Democracy). Përmbajtja e këtij artikulli është përgjegjësi e autorit dhe nuk pasqyron domosdoshmërisht pikëpamjet e Metamorphosis, NED ose bashkëpunëtorëve të tyre
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari