Osmani nuk e ka ndaluar Lavrovin të zbarkojë në Maqedoninë e Veriut

Osmani nuk e ka ndaluar Lavrovin të zbarkojë në Maqedoni, por tha se ardhja e tij do të jetë sfidë, sepse hapësira ajrore e Maqedonisë dhe vendeve fqinje është e mbyllur për avionët shtetërorë rusë. Osmani tha se si rregull duhet të jenë të gjithë të pranishëm dhe se do të bëhen përpjekje logjistike që Lavrov të vijë, por kjo do të varet nga vendimet që do të merren.

Po analizojmë një postim në Facebook që pretendon se ministri i Jashtëm, Bujar Osmani, ia ka ndaluar ministrit rus Sergej Lavrov të zbarkojë në Maqedoninë e Veriut.

SOT BUJAR OSMANI NUK LEJOI SERGEI LAVROVIN TË ZBARKOJË NË MAQEDONI.

p.s. vetem ju ngordhuni, së shpejti do të klithni si “xhukello”, thuhet në postimin që po analizojmë.

Një pretendim i tillë nuk është i vërtetë. Osmani nuk e ndaloi as Lavrovin dhe as ndonjë ministër tjetër të Punëve të Jashtme të një shteti anëtar të OSBE-së të zbarkonte në Maqedoni të Veriut.

Përkatësisht, Maqedonia e Veriut po përgatitet për konferencën vjetore ministrore të OSBE-së, e cila do të mbahet nga 29 nëntori deri më 1 dhjetor në Shkup. Për këtë, para dy ditësh, ministri Osmani mbajti një konferencë për media në kompleksin sportiv “Boris Trajkovski”, ku foli për ecurinë e përgatitjeve.

Osmani paralajmëroi se në kryeqytetin e vendit duhet të arrijnë 76 delegacione nga vendet anëtare dhe partnerë të OSBE-së. Rreth 200 ushtarë të ARM-së do të vozisin ministrat e OSBE-së. Priten mbi 1000 të ftuar, mbi 100 media, delegacione nga disa vende, përfshirë SHBA-në, Britaninë e Madhe dhe Rusinë.

Siç theksoi Osmani, ardhja e ministrit të Punëve të Jashtme të Rusisë, Lavrov, është ende e pasigurt, sepse hapësira ajrore e Maqedonisë, por edhe ajo e vendeve fqinje, është e mbyllur për avionët shtetërorë rusë.

Kam marrë një letër para 4-5 ditësh nga Ministri i Punëve të Jashtme, në të cilën ai tregon interes dhe kërkon që të sigurohet prania e tij në Shkup. Ka disa sfida në atë zonë, së pari për shkak se hapësira ajrore e Maqedonisë së Veriut dhe fqinjët tanë janë të mbyllur për aeroplanët rusë, edhe pse si rregull të gjitha vendet pjesëmarrëse duhet të marrin pjesë në këshillin ministror të OSBE-së në Shkup. Por ende do të varet nga disa vendime që do të duhet të merren në ditët në vijim. Shpresoj se të gjithë do të arrijmë të jemi në Shkup, tha Osmani për vizitën e Lavrovit në Shkup.

Pra, Osmani nuk e ka ndaluar Lavrovin të zbarkojë në Maqedoninë e Veriut, por tha se ardhja e tij do të jetë sfidë, sepse hapësira ajrore e Maqedonisë së Veriut dhe vendet fqinje janë të mbyllura për aeroplanët shtetërorë rusë. Osmani tha gjithashtu se si rregull duhet të jenë të gjithë të pranishëm dhe se do të bëhen përpjekje logjistike që Lavrov të vijë, por se do të varet nga vendimet që do të merren.

Osmani as nuk vendos i vetëm dhe as nuk mund t’ia ndalojë askujt të vijë në konferencën vjetore të OSBE-së. Madje ai paralajmëroi se do të përpiqet të sigurojë praninë e Lavrov.

Për këtë arsye, nuk mund të pretendohet se Osmani e ka ndaluar Lavrovin të zbarkojë në Maqedoninë e Veriut, siç pretendon postimi që po analizojmë. Sipas të gjitha më sipër, postimin e vlerësojmë si të pasaktë.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari