Nuk është e vërtetë se dokumentet e udhëtimit të Republikës së Maqedonisë së Veriut nuk do të jenë të vlefshme nëse përmbajnë emrin e ri
Marrëveshja e Prespës parashikon që kodi për vendin tonë në targat e automjeteve të jetë NM ose NMK. Për të gjitha qëllimet e tjera, kodi i shtetit mbetet MK dhe MKD, siç përcaktohet zyrtarisht nga Organizata Ndërkombëtare për Standardizim (ISO). Prandaj, dokumentet e udhëtimit që përmbajnë Maqedoninë e Veriut dhe kodin MKD janë të vlefshme dhe nuk ka asnjë problem me përdorimin dhe vlefshmërinë e tyre
Po shqyrtojmë një postim në rrjetin social Facebook ku shkruhet:
DHE DOKUMENTET E VERIUT NUK DO TË VLEJNË. Shteti grek lëshoi një njoftim publik për të gjithë anëtarët e BE-së dhe vendet fqinje të “Vendit tonë”, se dokumentet e udhëtimit të Republikës Veriore nuk do të jenë të vlefshme pavarësisht se kanë një emër të ndryshuar dhe përmbajnë emrin e ri! Domethënë, dokumentet veriore nuk do të jenë të vlefshme për shkak se kanë shenjat MK dhe MKD, dhe grekët insistuan se duhet të kemi një shkurtesë të re për përdorim ndërkombëtar, NMK. Këshilli i BE-së pranoi kërkesën e Greqisë?! Pra këta rusë janë treguar shumë të këqij, na kanë shkatërruar, nga pozita e forcës po shkatërrojnë demokracinë që mbretëron në BE. Dhe ata nuk do të ndalen me këtë? Kur të mbarojnë me ne, do të ndryshojnë identitetin e polakëve, finlandezëve dhe lituanezëve… Jemi me fat që të paktën ne të vegjlit kemi dikë që të na mbrojë! #NeJemiNATO
Kodi i shtetit në targat e automjeteve të Palës së Dytë do të jetë NM ose NMK. Për të gjitha qëllimet e tjera, kodi i shtetit mbetet MK dhe MKD, siç përcaktohet zyrtarisht nga Organizata Ndërkombëtare për Standardizim (ISO).
Lusim qytetarët me dokumente të vjetra udhëtimi që të mos tentojnë të largohen nga vendi ynë sepse nuk do të jetë e mundur”, shkruan MPB.
Agjencia Informative e Maqedonisë (MIA) ka raportuar se më 13 shkurt, “shërbimet kufitare greke në vendkalimin kufitar Bogorodicë-Evzoni nuk kanë lejuar hyrjen e udhëtarëve nga vendi ynë, të cilët kanë pasur leje qarkullimi me emrin e vjetër të vendit”.
Ata u kthyen dhe përveç lejeve të qarkullimit u kontrolluan në mënyrë të detajuar edhe pjesa tjetër e dokumenteve të udhëtimit. Në këtë pikë kufitare deri në orën 12:00 kanë kaluar rreth 300 udhëtarë dhe nuk ka pasur vonesa të mëdha për kalim kufitar, njoftoi MIA.
Pra, nëse qytetarët e Republikës së Maqedonisë së Veriut kanë pasaportë me emrin e ri të shtetit, kodi në të është MKD dhe konsiderohet pasaportë e re për të cilën mund të hyni pa problem në cilindo shtet. Nuk është e vërtetë se dokumentet e udhëtimit të Republikës së Maqedonisë së Veriut nuk do të jenë të vlefshme nëse kanë një emër të ndryshuar dhe përmbajnë emrin e ri. Ato janë të vlefshme dhe përmbajnë emërtimet MK dhe MKD në përputhje me Marrëveshjen e Prespës, ku thuhet se kodi i shtetit mbetet MK ose MKD përveç targave. Nuk ka asnjë njoftim nga pala greke apo nga Këshilli i BE-së që të thotë se ata “respektuan kërkesën e Greqisë për të pasur një shkurtim të ri për përdorim ndërkombëtar NMK”. MPJ njoftoi se kanë marrë garanci nga pala greke se kodi në lejet e reja të komunikacionit nuk është problem.
Postimi përfundon gjithashtu duke akuzuar indirekt BE-në për ndryshimin e identitetit të saj, me një narrativë ironike pro-ruse. Kjo është bërë në mënyrë të pabazuar, e mbështetur në informacione krejtësisht të rreme.
Për të gjitha faktet e mësipërme, ne e vlerësojmë postimin që po shqyrtojmë si të pavërtetë
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari
