Nuk është e vërtetë që përfaqësues të Parlamentit Evropian e shkelën flamurin e Republikës Popullore të Donetskut
Ky informacion është publikuar më 8 dhjetor të këtij viti, në Yahoo News. Personat që shkelin flamurin nuk janë aspak përfaqësues të Parlamentit Evropian dhe video është regjistruar muaj pas fillimit të pushtimit ushtarak rus në Ukrainë, ndaj kjo video nuk mund të jetë një nga arsyet e pushtimit, ndryshe nga sa pretendohet në postim.
Po shqyrtojmë një postim të publikuar në rrjetin social Facebook në të cilin thuhet se përfaqësues të Parlamentit Evropian po shkelin flamurin e Republikës Popullore të Donetskut (DNR – Donbass), dhe është paraqitur një material video ku persona që flasin anglish qëndrojnë mbi flamur, më parë njëri prej tyre i fshin këpucët me flamur dhe të tjerët i bashkohen.
Përfaqësuesit e Parlamentit Evropian shkelin flamurin e Donbasit.
Dhe pastaj pse fashizmi, pse nazizmi, pse lufta në Ukrainë, pse errësira mediatike për bombardimet ukrainase prej vitesh, thotë postimi që po rishikojmë.
Ky informacion është publikuar më 8 dhjetor të këtij viti, në Yahoo News. Personat që shkelin flamurin nuk janë aspak përfaqësues të Parlamentit Evropian dhe video është regjistruar muaj pas fillimit të pushtimit ushtarak rus në Ukrainë, ndaj kjo video nuk mund të jetë një nga arsyet e pushtimit, ndryshe nga sa pretendohet në postim.
Sipas një artikulli në Yahoo, videoja u postua për herë të parë më 7 dhjetor 2022 nga Serhiy Prytula, një aktivist politik, prezantues televiziv dhe aktor ukrainas. Vërtetmatësi e gjeti videon në Twitter në profilin e Prytula në lidhjen e mëposhtme.
E Irish Sun shkruan se videon e ka publikuar vetë Pritula.
Së bashku me përfaqësues të tjerë të lëvizjes vullnetare ukrainase Prytula, ai u ftua në Kongres nga Komisioni për Siguri dhe Bashkëpunim në Evropë (Komisioni i Helsinkit), raporton Yahoo News
Përfaqësuesit e Ranzom për Ukrainën, Verdhe e Blu për Ukrainën dhe përfaqësues të Fondacionit Coming Back Alive folën me kongresmenin amerikan për punën e tyre për të forcuar aftësitë mbrojtëse të Ukrainës dhe mbështetjen e shoqërisë civile. Më pas, përfaqësuesi i Komisionit të Helsinkit, sipas tekstit të Yahoo, Kyle Parker, vendosi të demonstrojë qëndrimin e tij ndaj Kremlinit në atë mënyrë që të fshinte këpucët me flamurin e Republikës Popullore të Donetskut. Atij iu bashkuan edhe të pranishmit e tjerë.
Grupi i aktivistëve ukrainas të udhëhequr nga Prytula u takua me përfaqësues nga Kongresi Amerikan ku ndanë përvojën e tyre në financimin e ushtrisë ukrainase. Mediat raportojnë se politikanët amerikanë nuk kanë marrë pjesë në atë që shihet në video.
Teksa ka shpërndarë videon në llogarinë e tij në Twitter, Pritula ka shkruar:
Edhe në Kongresin Amerikan e dinë se kjo pëlhurë ka vetëm një përdorim, duke iu referuar flamurit.
Për të gjitha faktet e mësipërme, vlerësojmë se nuk është e vërtetë që përfaqësues të Parlamentit Evropian po shkelin flamurin e Donbasit.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari