Nuk është e vërtetë që Nënë Tereza shiste foshnje

Postimi përdor një foto të Dr. Anthony Fauçi dhe Nënë Terezës, publikuar në vitin 2004 në Vanderbilt Medical Center Journal, për të ndërtuar idenë se Nënë Tereza shiste foshnja dhe ishte e lidhur me Fauçin. Por Nënë Tereza nuk akuzohet si e përfshirë në trafikun e fëmijëve, por si një anëtare e organizatës së saj, 20 vjet pas vdekjes së saj. Nënë Tereza u shenjtërua në vitin 2016, jo në vitet 1980, siç pretendonte postimi

Po shqyrtojmë një postim në rrjetin social Facebook ku shkruhet:

Anthony Fauçi. SHBA. “Covid është një virus i rrezikshëm, të gjithë duhet të marrim vaksina.” Shikoni foton.

Fotoja që shoqëron postimin thotë se “Nënë Tereza është në të, së bashku me Anthony Fauçim”, se Nënë Tereza “shiti foshnje dhe u përdor për fotografi në vitet tetëdhjetë kur u promovua si shenjtore”.

Është e vërtetë që në foto shihet doktor Anthony Fauçi me Nënë Terezën (është publikuar në Daily Mail), por data e fotos nuk dihet. Ajo që dihet është se Fauçi ka dhënë një kontribut të madh në trajtimin e SHBA-së për HIV, SARS, MERS dhe Ebola.

Siç shkruajnë verifikuesit e fakteve të Reuters, nuk ka asnjë provë që Nënë Tereza ka trafikuar fëmijë, siç thuhet në postimin që po shqyrtojmë. Sipas faqes së internetit të Çmimit Nobel, Nënë Tereza ka lindur në Shkup gjatë Perandorisë Osmane më 26 gusht 1910. Ajo iu bashkua Motrave të Loretos, një lëvizje irlandeze e murgeshave me një mision në Indi, në moshën 18-vjeçare.

Si murgeshë katolike romake, ajo udhëhoqi Misionarët e Njerëzimit deri në vdekjen e saj në shtator 1997. Organizata ishte e lidhur me një skandal të trafikimit të fëmijëve në vitin 2018, më shumë se 20 vjet pasi Nënë Tereza vdiq. Një prej anëtarëve u arrestua në vitin 2018 për shitjen e një foshnjeje. Reuters raportoi në të njëjtin vit se qeveria indiane kishte nisur një hetim ndaj organizatës mbi shqetësimet e trafikimit.

Nënë Tereza u kritikua për kushtet e këqija dhe trajtimin e të sëmurëve në Hospice Kalighat, të cilin ajo e themeloi, si dhe për pikëpamjet e saj strikte mbi kontracepsionin, abortin dhe divorcin. Reuters, megjithatë, nuk gjeti asnjë raportim mediatik ose artikull që e akuzonte atë për shitjen e foshnjave ose përfshirjen në trafikimin e fëmijëve.

Pra, pretendimet për murgeshën katolike e cila më vonë u kanonizua si shenjtore se ajo ishte e përfshirë në trafikun e fëmijëve janë të pavërteta.

Fotografia nga publikimi që po shqyrtojmë është me datë të panjohur, por është publikuar në Journal of Vanderbilt Medical Center në vitin 2004.

Dr. Anthony Fauçi ishte përfshirë në pandeminë e Covid-it në Shtetet e Bashkuara dhe vazhdimisht ngriti alarmin për vaksinimin, rrezikun e Covid-19 dhe masat që qeveria amerikane po merrte për të luftuar pandeminë.

Nuk ka asnjë arsye që dikush të vdesë nga Covid kur ne kemi vaksinën dhe ilaçet që kemi për të trajtuar njerëzit. Duhet t’u tregojmë qytetarëve të vlerësojnë atë që kemi, të mbrojnë veten, familjet e tyre dhe të gjithë shoqërinë përmes vaksinimit, tha Dr. Fauçi më 22 dhjetor 2022.

Është e vërtetë që ai dhe shumica e komunitetit mjekësor dhe shkencor janë përkrahës pro vaksinimit, sepse vaksinat kundër Covid kanë një profil pozitiv sigurie, mbrojnë nga sëmundjet e rënda dhe reduktojnë rrezikun e vdekjes. Por nuk mund të lidhet fotografija e Fauçit me Nënë Terezën, e cila u botua në vitin 2004 në një revistë mjekësore të Universitetit Vanderbilt dhe është pjesë e karrierës së tij të pasur mjekësore. Më parë në rrjetet sociale u përhapën gënjeshtra se Fauçi ishte djali i Nënë Terezës.

Ndryshe nga sa thuhej në postimin që po rishikojmë, Nënë Tereza nuk u shenjtërua në vitet tetëdhjetë por në vitin 2016.

Për të gjitha faktet e mësipërme, ne e vlerësojmë postimin si të pavërtetë.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari