Meta fakt: Për momentin ka vetëm një projekt bazë për rregullimin e shtratit të lumit Seravë në Butel
Zhvillimi i projektit bazë ka përfunduar, kështu që mbetet përmbushja praktike e performancës në terren deri në fund të mandatit në vitin 2025. Për këtë arsye konstatojmë se ky premtim i kryetarit është në proces të realizimit.
Premtimi parazgjedhor i kryetarit të komunës së Butelit të Shkupit, Darko Kostovski për rregullimin e shtratit të lumit Seravë ka filluar me realizimin përmes projektit themelor dhe përcaktimit të pamjes së ardhshme, por ky projekt nuk ka filluar të ndërtohet. Projekti për rregullimin e shtratit të lumit Seravë është duke u realizuar.
Kryetari aktual i Komunës së Butel Kostovskit në periudhën parazgjedhore si një nga premtimet kryesore që ua bëri qytetarëve ishte rregullimi i kalatës së lumit Serava që kalon nëpër këtë komunë. Në një deklaratë për media të dhënë më 03.10.2021, kryetari Darko Kostovski tha se kalata e lumit Seravë duhet të rregullohet, duke e përmendur këtë projekt si një ndër projektet kryesore që do të realizohet për mandatin e tij në periudhën 2021-2025.
Që nga ardhja në postin e kryetarit të komunës, Darko Kostovski filloi projektin për pastrimin dhe rregullimin e kalatës së lumit Seravë. Më 3 nëntor 2021, ai njoftoi se kishte filluar pastrimi i shtratit të lumit, i cili do të zgjaste deri në pranverën e vitit 2022, kur ishte planifikuar të fillonte edhe rregullimi i vetë kalatës.
Meta.mk i ka dërguar pyetje Komunës së Butelit më 17 dhe 31 maj 2023 për fazën e realizimit të këtij projekti. Përgjigjet për pyetjet e bëra nuk morëm, por përgjigjet tona nga autoritetet komunale dhe kryetari Kostovski i gjetëm të publikuara në fund të majit në media të tjera dhe në Facebook.
Pra, kryetari Darko Kostovski thotë se si komunë kanë punuar në zhvillimin e projektit bazë dhe kanë finalizuar pamjen e ardhshme të shtratit të lumit Seravë.
“Në fazën e parë, shtrati i lumit Serava 1500 metra i gjatë do të rregullohet në qytetin e Radishanit. Paralelisht do të qaset edhe në ndërtimin e një shtegu të ri”, ka shkruar kryetari Kostovski në Facebook më 29 maj të këtij viti.
Ndryshe shtrati i lumit Seravë është problem për qytetarët e komunës së Butelit për shumë vite. Lumi i cili nga vendbanimi i Radishanit kalon nëpër territorin e kësaj komune dhe derdhet në lumin Vardar afër Momin Potokut, prej shumë vitesh është problem për autoritetet komunale për shkak të hedhjes së paligjshme të mbeturinave nga qytetarë të papërgjegjshëm. Vetë shtrati i lumit është pastruar në të kaluarën, por ideja për rregullimin e shtratit të lumit Seravë nuk është realizuar deri më sot.
Ndryshe, gjatësia e lumit Seravë nga rrjedha e sipërme deri në grykëderdhjen e lumit Vardar është rreth 12 kilometra, ku shtatë kilometra janë shtrat i rregulluar i lumit. Rreth 4.3 kilometra nga shtrati i lumit Seravë kanë mbetur ende për t’u rregulluar.
Në bazë të informacioneve të fundit që i prezantoi kryetari i Komunës së Butelit, Darko Kostovski, mund të konstatojmë se premtimi parazgjedhor për rregullimin e shtratit të lumit Seravë ende nuk është realizuar në terren përmes punimeve ndërtimore. Megjithatë, zhvillimi i projektit bazë ka përfunduar, kështu që ngelet përmbushja praktike e punëve në terren deri në fund të mandatit në vitin 2025. Për këtë arsye konstatojmë se ky premtim i kryetarit është duke u realizuar.
BURIME:
NOVA TV (3.10.2021): Костовски: Општинската зграда во Бутел ќе биде нова поликлиника, qasur më 31.5.2023;
MIA (3.11.2021): Општина Бутел почна со чистење и уредување на реката Серава, qasur më 31.5.2023;
Slloboden Peçat (30.5.2023): Општина Бутел наскоро ќе го уредува речното корито на Серава, qasur më 31.5.2023;
Кurir (29.5.2023): Костовски: Уредувањето на речното корито на реката Серава наскоро реалност, qasur mëа 31.5.2023;
Postim në Facebook në profilin e kryetarit të komunës së Butelit, Darko Kostovski (29.5.2023): УРЕДУВАЊЕТО НА РЕЧНОТО КОРИТО НА РЕКА СЕРАВА НАСКОРО РЕАЛНОСТ!, qasur më 31.5.2023;
Nova Makedonija (10.12.2018): Левиот брег на реката Серава во Бутел ќе се разубави со пешачка патека, проверено на 31.5.2023.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari