Marketi Tesco në Angli nuk importon karota nga Çernobili
Marketi Tesco ka konfirmuar për Fulfact se fotografia është e rreme dhe se nuk marrin asnjë produkt frutash dhe perimesh nga Çernobili. Bëhet fjalë për një fotografi që u shfaq për herë të parë në rrjetin Twitter në vitin 2020, ndërsa menjëherë u theksua se ishte një përmbajtje e modifikuar grafikisht.
Po shqyrtojmë një postim në rrjetin social Facebook ku shpërndahet një foto e karotave dhe pretendohet se ato shiten në supermarketin anglez Tesco dhe janë rritur në Çernobil. Në postim thuhet:
Tesco – një supermarket i famshëm në Angli importon super karota të prodhuara në Çernobil. Çmimi është mjaft i favorshëm, 70 denarë për kilogram. Ohhh Maqedonia e Artë, çfarë ha këtu. Më kap nostalgjia për karrotën, patëllxhanin, piperin….
Megjithatë, siç shkruajnë kontrolluesit e fakteve të Fulfact, fotografia është ndryshuar. Një version më i qartë i etiketës është lëshuar dhe tregon qartë se etiketa është manipuluar për të fshehur vendndodhjen e vërtetë të prodhimit. Gjithashtu, teksti thotë Çernobili nuk përputhet me paketimin, duke sugjeruar se është shtuar më vonë.
Tesco ka konfirmuar për Fulfact se fotoja është e modifikuarr dhe se nuk marrin asnjë produkt frutash dhe perimesh nga Çernobili. Sipas Fulfect, referenca për Çernobilin është një shaka.
Ata i referohen një postimi të vitit 2020, në të cilin autori i fotos shkruante një koment se “kjo ka shkuar shumë larg, edhe pse ka njerëz që dinë të vlerësojnë një shaka të mirë”.
Kontrolluesit e fakteve të Reuters më 8 korrik 2021 gjithashtu arritën në përfundimin në rishikimin e tyre se kjo ishte një fotografi e ndryshuar grafikisht për të shtuar etiketën për karotat e prodhuara në Çernobil, megjithëse nuk është kështu.
Termocentrali bërthamor i Çernobilit në Ukrainë u bë vendi i fatkeqësisë më të keqe bërthamore në botë pasi një reaktor shpërtheu në prill 1986. Fatkeqësia që ndodhi gjatë testit të dështuar në fabrikë detyroi dhjetëra mijëra njerëz të largoheshin përgjithmonë nga zona e kontaminuar.
Supermarketi Tesco i tha gjithashtu Reuters se ata nuk kanë asnjë produkt nga Çernobili apo prodhues me emrin Çernobil.
Për të gjitha faktet e mësipërme, ne e vlerësojmë postimin si të pavërtetë.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari
