Jeta e njeriut kushton shumë lirë kur mbretërojnë dezinformatat
Jeta e njeriut kushton shumë lirë kur mbretërojnë dezinformatat
Jeta e njeriut është e lirë në një luftë ku e vërteta është gjithmonë viktima e parë, por është edhe më e lirë kur dezinformatat e më të forrtit mbretërojnë në luftë. Pra, edhe pse izraelitët dhe palestinezët janë të dy palët qenie njerëzore, kostoja e jetës së tyre është e ndryshme. Nga njëra anë 40 fëmijë izraelitë të vrarë, nga ana tjetër 5000. Problemi për kontrolluesit e fakteve është se pretendimet izraelite (dhe disa prej palestinezëve) janë shumë të vështira ose të pamundura për t’u verifikuar, edhe për ato media që kanë korrespondentë në terren, ndërsa vuajtja nga ana tjetër u shkaktohet një numri të madh palestinezësh , duke përfshirë edhe fëmijët e vrarë në Gaza dhe janë konfirmuar nga burime zyrtare të pavarura
Izraelitët dhe palestinezët që jetojnë në ditët fatale pas sulmit të 07.10.2023 nga Hamasi ndaj civilëve dhe personelit ushtarak jashtë Rripit të Gazës, në të cilin rreth 1,400 qytetarë izraelitë u vranë dhe mbi 200 u rrëmbyen, janë ende të pabarabartë për sa i përket kostos njerëzore. Jeta dhe dezinformimi luan një rol të madh në këtë, veçanërisht kur shpërndahet me qëllim.
Dy ditë pas sulmit, zyrtarët izraelitë, siç raportojnë mediat vendase dhe ndërkombëtare, njoftuan se kishin gjetur 40 fëmijë dhe foshnja, disa prej të cilëve ishin djegur të gjallë, disa me kokkë të prerë dhe disa të qëlluar në kokë.
Por ky informacion (sidomos për prerjen e kokës së 40 fëmijëve dhe foshnjave), për të cilin nuk ka asnjë provë bindëse edhe sot e kësaj dite dhe tashmë ishte problematik një apo dy ditë pasi u publikua, një tekst të tillë e publikoi edhe një media vendase, shkaktoi një valë urrejtjeje dhe krimi të urrejtjes pasi presidenti amerikan Joe Biden e konfirmoi fillimisht dhe më pas shërbimet e tij justifikuan se ai e bëri deklaratën bazuar në raportet gazetareske (në SHBA, një fëmijë me nënshtetësi amerikane me origjinë palestineze u godit me thikë përpara e syve të nënës).
Ndryshe, nuk ka dyshim se në sulmin e Hamasit më 7 tetor janë kryer krime. Izraeli ka lejuar hyrjen në vendet ku patologët mjeko-ligjorë po punojnë për të identifikuar eshtrat e të ndjerëve (shënim: lidhja çon në foto shqetësuese) dhe janë përballur me imazhe të tmerrshme. Shumë prej mbetjeve janë djegur, dhe disa prej trupave të djegur janë pa kokë. Por patologët, të cilët punojnë për identifikimin e mbetjeve, shpesh nuk mund të përcaktojnë se çfarë ka ndodhur saktësisht, domethënë nëse prerja e kokës ka ndodhur kur viktima ishte gjallë apo pas vdekjes, apo nëse është shkaktuar nga një thikë apo si pasojë e një shpërthimi me raketë. Sipas mjekëve mjekoligjorë, besohet se eshtrat e rreth 200 viktimave nuk do të mund të identifikohen për shkak të pamundësisë për të gjetur ADN-në.
Përkundër kësaj, që nga fillimi i bombardimeve të ushtrisë izraelite të Gazës, ku një numër i madh civilësh po vuajnë, ku rregullat e së drejtës ndërkombëtare ushtarake dhe humanitare shumë shpesh nuk zbatohen, ku janë spitalet dhe shkollat, si dhe qendrat e strehimit të OKB-së objektiv ushtarak legjitim, deri më 13.10.2023 rreth 5000 fëmijë palestinezë humbën jetën, dhe numri i përgjithshëm i viktimave është rreth 9-10 mijë. Vetëm në Gaza. Në të njëjtën kohë, arsyetimi për bombardimin e spitaleve nga Izraeli, i cili thotë – se ishte qendër komanduese e Hamasit, ose selia e një njësie të Hamasit, mund të tërhiqet, siç u bë më 14 tetor me informacionin nga ditë më parë. Por pavarësisht, natën e 14-15 nëntorit, forcat izraelite të mbështetura nga tanke hynë në krahun perëndimor të spitalit më të madh.
Gazetarët e BBC-së, të cilët gjithmonë përpiqen të mbajnë lajmet të balancuara, raportuan një ditë më parë me tituj se spitali kryesor i ngjante një varri masiv…
Dhe ndërsa demonstratat pro-palestineze po rriten në Evropë dhe Shtetet e Bashkuara, dhe Shtetet e Bashkuara më 10 nëntor në Nju Delhi përmes Anthony Blinken vlerësuan se “shumë palestinezë kanë vdekur”, por çmenduria nuk ndalet. Presidenti amerikan Biden, duke ditur planet e izraelitëve, pavarësisht mbështetjes, paralajmëroi se “spitalet në Gaza duhet të mbrohen”. Edhe kryeministri kanadez Justin Trudeau, vendi i të cilit është një nga mbështetësit më të mëdhenj të Izraelit dhe të drejtës së tij për të mbrojtur veten, tha se “vrasja e grave, fëmijëve dhe foshnjave” në Gaza duhet të ndalet.
I bëj thirrje qeverisë së Izraelit të tregojë përmbajtje maksimale. Bota po shikon, në televizion, në rrjetet sociale – ne po dëgjojmë dëshmitë e mjekëve, anëtarëve të familjes, të mbijetuarve, fëmijëve që humbën prindërit e tyre, tha Trudeau.
Bota është dëshmitare e vrasjeve të grave, fëmijëve, foshnjave. Kjo duhet të ndalet, shtoi ai në një konferencë për shtyp.
Trudeau kërkon në mënyrë specifike që vrasja të ndalet. Por edhe dezinformimi duhet të ndalet. Sepse vetëm ajo viktimë e pafajshme – një fëmijë në Çikago është dëshmi se sa i dëmshëm mund të jetë dezinformimi apo informacioni jo i plotë, si dhe përgjegjësia e politikës dhe e krijuesve të tjerë të opinionit publik kur bëhet fjalë për luftëra, konflikte kombëtare etj.
“Vërtetmatësi” do të merret me ato dezinformata për të cilat mund të gjendet konfirmim, duke përfshirë, natyrisht, ato që vijnë nga Izraeli zyrtar. Sepse të tilla janë një element i luftës informative që mbulon vrasjen e njerëzve, aq më tmerrësisht të fëmijëve. Rreth dyzet fëmijë izraelitë dhe rreth 5000 palestinezë, sipas burimeve të pavarura. Ose siç konfirmoi personi i parë i OBSH-së Tedros Adhanom Ghebreyesus në seancën e Këshillit të Sigurimit të OKB-së, çdo 10 minuta vdes një fëmijë në Gaza! Që është një konfirmim i drejtpërdrejtë i jetës që kushton shumë lirë, veçanërisht civilëve të pafajshëm, por edhe dëshmi se disa jetë janë më pak të rëndësishme se të tjera.
Prandaj, kjo çmenduri që prek civilët dhe fëmijët duhet të ndalet. Përgjegjësia është në të dyja palët, por për momentin është më e madhe mbi atë që është më i fuqishëm, pavarësisht nga e drejta e tij e padiskutueshme për t’u mbrojtur dhe për t’u marrë me terrorizmin.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari