Evakuimi i avionit në Japoni nuk zgjati 90 sekonda, por 18 minuta

Japan Airlines tha se evakuimet filluan pothuajse menjëherë pasi aeroplani u ndal dhe të gjithë pasagjerët u zbarkuan të sigurt në më pak se 20 minuta. Edhe pse ekuipazhi u trajnua për të evakuar në 90 sekonda, për shkak të të gjitha ndërlikimeve të shkaktuara nga zjarri, evakuimi zgjati më shumë, por për fat përfundoi me sukses dhe nuk pati viktima.

Një postim në rrjetin social Facebook bën një pretendim spektakolar se evakuimi i pasagjerëve dhe ekuipazhit të aeroplanit të djegur në Japoni zgjati vetëm 90 sekonda, domethënë se gati 400 persona u sollën të sigurt në një minutë e gjysmë. Kjo nuk është e vërtetë.

Dhe tani një histori e vërtetë

Evakuimi i 367 pasagjerëve dhe 12 anëtarëve të ekuipazhit nga avioni i Japan Airlines zgjati vetëm 90 sekonda. Po e përsëris:

90 sekonda! Asgjë më pak se një mrekulli ose ekzekutimi më i mirë profesional i evakuimit nga libri e besoni apo jo.

Një aeroplan i Japan Airlines me qindra pasagjerë u përplas me një aeroplan të Gardës Bregdetare dhe shpërtheu në flakë ndërsa ulej në aeroportin Haneda të Tokios të martën (02/01/2024). Pesë nga gjashtë anëtarët e ekuipazhit të aeroplanit të Rojës Bregdetare vdiqën si pasojë e përplasjes, por të gjithë 367 pasagjerët dhe 12 anëtarët e ekuipazhit të Japan Airlines i mbijetuan përplasjes.

Pamjet dhe imazhet mund të shihen në rrjetet sociale dhe mediat që tregojnë pasagjerët duke bërtitur të emocionuar në kabinën e mbushur me tym të avionit dhe duke vrapuar nëpër pistën e asfaltit pasi kanë shpëtuar nga zjarri.

Të gjithë 367 pasagjerët dhe 12 anëtarët e ekuipazhit u evakuuan nga avioni që digjej dhe zjarri u shua pasi digjej për më shumë se gjashtë orë.

Megjithëse evakuimi i pasagjerëve dhe ekuipazhit ishte me të vërtetë pa probleme, ai nuk u bë në 90 sekonda siç pretendohet në postim. Evakuimi mori më shumë kohë.

Sistemi i njoftimit gjatë fluturimit të aeroplanit nuk funksionoi gjatë evakuimit, kështu që anëtarët e ekuipazhit përdorën megafona për të dhënë udhëzime, tha Japan Airlines.

Një nga pasagjerët dëshmoi për Reuters se megjithëse disa pasagjerë ishin shumë të mërzitur, ekuipazhi vendosi shpejt kanalet e evakuimit dhe njerëzit filluan të zbarkojnë në mënyrë të rregullt.

Linja ajrore tha se evakuimet filluan pothuajse menjëherë pasi avioni u ndal dhe të gjithë pasagjerët u zbarkuan pa problemee në më pak se 20 minuta.

Ed Galea, profesor dhe drejtor i Grupit Inxhinierik të Mbrojtjes nga Zjarri në Universitetin e Greenwich në Britani, e quajti evakuimin e Japan Airlines 350 “një gjë të mrekullueshme”.

Maggie Kuwasaki, një zëdhënëse e Japan Airlines, i tha New York Times në një email se vetëm tre dyer janë përdorur për evakuim për shkak të zjarrit. Anëtarët e ekuipazhit të Japan Airlines janë trajnuar për të evakuuar të gjithë pasagjerët brenda 90 sekondave, tha Kuwasaki. Aeroplani u ul në orën 17:47 dhe ekuipazhi mund të konfirmonte se të gjithë pasagjerët ishin evakuuar deri në orën 18:05, shtoi ajo.

Edhe pse ekuipazhi u trajnua për të evakuuar në 90 sekonda, për shkak të të gjitha ndërlikimeve të ndodhura për shkak të zjarrit, evakuimi zgjati më shumë, por për fat përfundoi me sukses dhe askush nuk u lëndua. Ekspertët thanë se pasagjerët duke lënë pas gjërat e tyre me vlerë dhe sendet personale ishte një “faktor kryesor” në shpejtësinë e evakuimit, me personin e fundit të evakuuar pak para se avioni të përfshihej plotësisht nga flakët në pistën e aeroportit. Avioni ishte i anuar me hundë poshtë, gjë që vështirësonte lëvizjen e pasagjerëve.

Disa media botërore, si dhe vetë linja ajrore, konfirmuan se ekuipazhit të linjës ajrore iu deshën 18 minuta për të evakuuar të gjithë gati 400 personat nga avioni dhe jo 90 sekonda apo një minutë e gjysmë siç pretendohet në postim. Prandaj, ne e vlerësojmë këtë postim si të pasaktë.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari