Anketa e IRI-t: 47 për qind e të anketuarve besojnë se duhet ndjekur politikë properëndimore, ndërsa 4 për qind politikë proruse

Qytetarët e Maqedonisë në anketën e IRI-t, me shumicë të madhe prej 72 për qind mbështesin anëtarësimin e vendit në NATO. Edhe pse anëtarësimi në NATO dhe BE këtë vit ka mbështetje më të ulët në krahasim me vitin e kaluar, qëndrimet e tilla pozitive për integrimin evropian dhe euroatlantik të vendit nuk ndryshojnë shumë në krahasim me mesataren e matjeve të mëparshme të IRI-t nga viti 2010 deri në ditët e sotme.

Në anketën e Institutit Ndërkombëtar Republikan (IRI) të realizuar nga 23 shtatori deri më 13 tetor të këtij viti, në mostër përfaqësuese kombëtare prej 1207 të anketuarish, 73 për qind e qytetarëve janë përgjigjur pozitivisht në pyetjen “A e përkrahni Maqedoninë e Veriut që të bëhet anëtare e BE-së?”, ndërsa 24 për qind kanë deklaruar se nuk e mbështesin anëtarësimin në BE.

Qytetarët e Maqedonisë në sondazhin e IRI-t mbështesin anëtarësimin e vendit në NATO me shumicë të madhe prej 72 për qind. Edhe pse anëtarësimi në NATO dhe BE këtë vit ka mbështetje më të ulët në krahasim me vitin e kaluar, qëndrimet e tilla pozitive ndaj integrimit evropian dhe euroatlantik të vendit nuk ndryshojnë shumë në raport me mesataren e matjeve të mëparshme të IRI-së nga viti 2010 deri më sot.

Në sondazhin e IRI-t vihet re se mbështetja për Turqinë dhe Kinën si faktorë të huaj është rritur në krahasim me periudhën e kaluar. Në pyetjen “Cili nga shtetet i ndihmon më shumë interesat kombëtare maqedonase?”, 22 për qind janë përgjigjur Turqia, ndërsa BE-në e kanë zgjedhur 21 për qind. Gjermania u zgjodh si opsion nga 15 për qind e të anketuarve, ndërsa Shtetet e Bashkuara u zgjodhën nga 10 për qind e qytetarëve. Rusia dhe Kina janë zgjedhur si opsion nga 4 për qind e qytetarëve të Maqedonisë – të anketuar.

Në pyetjen se cila duhet të jetë rrjedha e politikës së jashtme të vendit, 47 për qind e të anketuarve janë përgjigjur se ajo duhet të jetë properëndimore, pra pro-evropiane dhe 26 për qind janë shprehur se duhet të jetë properëndimore, por edhe të ruajë marrëdhëniet me Rusinë. Nëntë për qind e të anketuarve deklaruan se kursi i politikës duhet të jetë pro-rus, por të ruajë marrëdhëniet me Perëndimin, ndërsa 4 për qind besojnë se vendi duhet të ndjekë vetëm politikë pro-ruse.

Sipas anketës, partia opozitare VMRO-DPMNE me mbështetjen e 19 për qind të qytetarëve ka rejtingun më të lartë në mesin e partive dhe do të fitonte zgjedhjet parlamentare në vend. LSDM-ja ka mbështetjen e 11 për qind të qytetarëve, ndërsa partia e tretë është BDI.

Sondazhi i IRI-t i këtij viti, si asnjëherë më parë nga viti 2010 e deri më sot, nxjerr në pah një përqindje të madhe prej 58 për qind të qytetarëve që besojnë se vendi po ecën në drejtimin e gabuar. Në të njëjtën kohë, rezultatet tregojnë se për 31 për qind të qytetarëve, problemi më i madh në vend janë çmimet e larta, ndërsa 29 për qind e të anketuarve janë përgjigjur se problemi më i madh është varfëria dhe standardi i ulët i jetesës.

Rezultate të këqija të besimit kanë edhe mediat, drejtësia dhe parlamenti, ndërsa besimin më të ulët e ka prokuroria. Vetëm 3 për qind e qytetarëve në anketë kanë thënë se kanë besim të plotë në prokurorinë publike, ndërsa 4 për qind e të anketuarve të IRI-t kanë thënë se i besojnë plotësisht gjyqësorit.

Sondazhi u krye në emër të IRI-t nga firma e kërkimit të tregut Brima. Të dhënat u mblodhën me mostër të stratifikuar shumëfazor përmes intervistave ballë për ballë në shtëpitë e të anketuarve. Është anketuar mostër kampion përfaqësues kombëtar prej 1207, të moshës prej 18 vjeç e lart. Të dhënat peshohen sipas moshës, gjinisë, rajonit, vendbanimit (urban/rural) dhe përkatësisë etnike. Marzhi i gabimit është ± 2,8 pikë në nivelin 95 përqind të besimit. Shkalla e përgjigjes është 69 për qind.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari