Nuk është e vërtetë që Ukraina i ndaloi Pashkët këtë vit

Festimet e Pashkëve nuk ishin të ndaluara as në Kiev dhe as kudo tjetër në Ukrainë. Postimi dezinformon se Ukraina i ndaloi Pashkët këtë vit. Në një video të regjistruar më 16 prill 2023, mund të shihni se si besimtarët po shkojnë drejt tempujve në Kiev. Në oborret e kishave, priftërinjtë përshëndesin me “Krishti rilindi” dhe kryejnë ritualin e spërkatjes me ujë të shenjtë. Gratë ukrainase dalin para kishave me vezë të lyera, ndezin qirinj… Pra, shihet qartë se kryhen të gjitha ritualet e krishtera që kryhen çdo vit në Ukrainë dhe në botën tjetër ortodokse ku festohen Pashkët sipas kalendarit Julian.

Po shqyrtojmë një postim të publikuar në rrjetin social Facebook ku shpërndahet një foto e një kishe të krishterë ortodokse dhe thotë:

Ne i festojmë Pashkët së bashku si një familje e madhe. Ne kemi një shtëpi të madhe, që është Ukraina dhe kemi një qëllim të madh, që është fitorja për të gjithë. Ne kujtojmë ata që nuk janë më me ne dhe i lutemi Zotit për shpirtrat e tyre. Të gjithë ata që luftojnë për të mbrojtur atdheun, lusim Zotin t’i ruajë dhe mëshirojë, thotë Zelenski në një pjesë të fjalimit të tij (nga minuta 4 e 25 sekonda në minutën 4 e 52 sekonda).

Ishte e mundur të vizitohej një shërbim para orës 12 të mesnatës ose pas orës 5 të mëngjesit. Besimtarët që vendosën të qëndronin në kisha gjatë shërbimit të natës, nuk u lejuan të dilnin deri në fund të orës policore, shkruan Stop Fake.

Sipas tyre, informacioni i rremë se shërbimet e Pashkëve janë të ndaluara ose të paaktivizuara në Ukrainë është përhapur nga mediat ruse.

Megjithatë, festimet e Pashkëve nuk u anuluan dhe as u ndaluan, as në Kiev dhe as në Ukrainë në përgjithësi. Autoritetet ukrainase vetëm u kujtuan qytetarëve të tyre rrezikun e shtuar në Ukrainë gjatë festave për shkak të pushtimit rus dhe sulmeve të vazhdueshme të tyre me raketa në infrastrukturën civile.

Administrata ushtarake e Kievit njoftoi se në kryeqytetin e Ukrainës do të vendosen masa të forta sigurie gjatë festimeve. Gjithashtu u theksua se ora policore nga mesnata deri në 5 të mëngjesit do të vazhdojë të jetë në fuqi edhe për Pashkë. Sipas administratës ushtarake, kishat në Kiev do të jenë të hapura gjatë gjithë mbrëmjes për lutjet e mbrëmjes dhe të mëngjesit më 15 dhe 16 prill 2023. Të shtunën, lutjet e mbrëmjes do të mbahen nga ora 15:00 deri në orën 23:00 dhe të dielën, lutjet e mëngjesit janë planifikuar nga ora 5 e mëngjesit deri në 6 pasdite.

Administrata ushtarake njoftoi se ukrainasit që duan të qëndrojnë në kisha gjatë natës do të mund ta bëjnë këtë pavarësisht orës policore që është në fuqi. Nga aty kanë bërë me dije se ata që vijnë në shërbim para se të fillojë ora policore, duhet të qëndrojnë gjithë natën në kisha deri në përfundimin e orës policore, para së gjithash për arsye sigurie. Përjashtimi i vetëm nga ky rregull, sipas Stop Fake, është nëse ndodh një alarm dhe ata duhet të lëvizin në strehën më të afërt.

Në të njëjtën kohë, autoritetet e Kievit këshilluan qytetarët që të kalojnë në transmetimet online të shërbimeve fetare, për shkak të rrezikut të shtuar të provokimeve dhe bombardimeve nga Rusia. Ukrainasit u këshilluan gjithashtu që të planifikojnë rrugën e tyre, të dinë paraprakisht rrugën për në strehën më të afërt në rast të një sulmi.

Mos harroni se asgjë nuk është e shenjtë për armikun tonë. Edhe në ditë të tilla të ndritshme në të cilat kremtohet ringjallja e Zotit, agresori vetëm pret të shkaktojë të keqen. Sepse agresori është i keq. Kjo është arsyeja pse kërcënimet e provokimeve apo raketave janë veçanërisht aktive sot. Ndiqni rregullat e sigurisë. Kujdesuni për veten dhe të dashurit. Jini të përgjegjshëm dhe ndihmoni për të sjellë paqen në Ukrainë, tha Serhiy Popko, president i administratës ushtarake të Kievit.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari