Videoja e luftanijes ruse në Kubë është regjistruar pesë vjet më parë
Në ditët para mbërritjes së luftanijeve ruse, në internet po qarkullonin imazhe dhe video që pretendonin të tregonin mbërritjen e luftanijes Admiral Gorshkov në portin e Havanës. I tillë është edhe në postimin që po shqyrtojmë, por video është e vjetër dhe jo e vizitës së fundmi.
Po shqyrtojmë një postim në rrjetin social Facebook në të cilin shpërndahet video material dhe në përshkrim thotë:
Transportuesi i raketave hipersonike Zircon, fregata Admiral Gorshkov, ka mbërritur në brigjet e Kubës.
Gjithashtu, në portin e kryeqytetit të Kubës pritet mbërritja e nëndetëses bërthamore Kazan, bartëse e raketave lundruese dhe hipersonike.
Distanca nga Havana në bregdetin amerikan është 180 km.
Stërvitjet detare ruse pritet të zhvillohen në zonën e Kubës.
Postimi është nga 10 qershori në orën 12:46.
Siç shkruajnë verifikuesit e fakteve të Dojçe Veles, videoja nga postimi që po shqyrtojmë nuk paraqet mbërritjen e fundit të fregatës Admiral Gorshkov në Kubë. Kjo është një video e vjetër. Është e diskutueshme se kjo u njoftua dy ditë para se grupi i marinës ruse të arrinte në Havana.
Katër anije detare ruse, duke përfshirë një nëndetëse me energji bërthamore dhe një fregatë, u ankoruan në Kubë për të marrë pjesë në stërvitjet e planifikuara ushtarake në Karaibe. Flota, me fregatën Admiral Gorshkov dhe nëndetësen Kazan – të dyja të armatosura me armatim të avancuar – hynë në portin e Havanës të mërkurën në mëngjes.
Në ditët para mbërritjes së luftanijeve ruse, në internet po qarkullonin imazhe dhe video që pretendonin të tregonin mbërritjen e fregatës Admiral Gorshkov në portin e Havanës. Kështu ndodh edhe në postimin që po shqyrtojmë por videoja është e vjetër.
Pamjet tregojnë një fregatë gri që i afrohet portit. Monumentet specifike të Havanës janë të dukshme në sfond, si kështjella e San Carlos de la Cabana dhe ruga del Puerto.
Megjithëse videoja tregon fregatën Admiral Gorshkov në portin e Havanës, ajo nuk ka të bëjë fare me vizitën e flotës më 12 qershor. Një kërkim i kundërt i imazhit të videos në Google, si dhe Tin Eye, zbulon se videoja është e para 5 viteve dhe i referohet një vizite në Havanë nga e njëjta fregatë në vitin 2019. Një version më i gjatë i videos është i disponueshëm në YouTube, publikuar nga agjencia e lajmeve Associated Press në qershor 2019.
Me Havanën që ndodhet rreth 145 kilometra (90 milje) nga shteti jugor i Floridës, vendosja e këtyre anijeve nga Moska aq afër brigjeve të SHBA-së shihet si një shfaqje provokuese e forcës. Ajo vjen pasi tensionet duket se po rriten midis Moskës dhe Uashingtonit lidhur me pushtimin ushtarak të Rusisë në shkallë të plotë të Ukrainës. Presidenti amerikan Joe Biden së fundi i dha dritën jeshile Ukrainës që të përdorë armët amerikane për të sulmuar Rusinë, shkruan Dojçe Vele.
Për të gjitha faktet e mësipërme, ne e vlerësojmë postimin që po shqyrtojmë si një postim në të cilin mungon konteksti. Megjithëse videoja tregon fregatën Admiral Gorshkov në portin e Havanës, ajo nuk ka të bëjë fare me vizitën e flotës më 12 qershor. Përveç faktit se video është e një date më të vjetër, ajo është publikuar para se fregata të mbërrinte në Havanë këtë vit, pra dy ditë më herët.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari
