Me video të vjetër dezinformohet se Zelenski nuk është më në Kiev

Ndryshe nga sa thuhet në postim se fotografia është realizuar më 12 tetor 2022, ajo është realizuar më 16 qershor të këtij viti dhe është publikuar në Business Wire. Kompania njoftoi më 16 qershor të këtij viti se Presidenti i Ukrainës, Zelenski, iu drejtua inovatorëve global të teknologjisë në një video 3D, të prodhuar me ndihmën e teknologjisë volumetrike të Evercoast. Në postim, kjo foto paraqitet në një kontekst krejtësisht të ndryshëm nga ai në të cilin është realizuar dhe publikuar fillimisht.

Po shqyrtojmë një postim të publikuar në rrjetin social Facebook ku thuhet:

12.10.2022. Duket se Zelenski se nuk është më në Kiev.

Poshtë këtij përshkrimi është publikuar një foto e presidentit të Ukrainës, Volodymyr Zelenski, në të cilën ai ndodhet në një dhomë me sfond të gjelbër që duket si një studio, e rrethuar me pajisje studioje.

Ndryshe nga sa thuhej në postim se fotografia është realizuar më 12 tetor 2022, ajo është realizuar më 16 qershor të këtij viti dhe është publikuar në Business Wire.

Në postimin që po rishikojmë, kjo foto është paraqitur në një kontekst krejt tjetër nga ai në të cilin është realizuar dhe publikuar. Përkatësisht, kompania Business Wire njoftoi më 16 qershor të këtij viti se presidenti i Ukrainës, Zelenski, iu drejtua inovatorëve global të teknologjisë në një video 3D, të prodhuar me ndihmën e teknologjisë volumetrike të kompanisë Evercoast.

Zelenski iu drejtua biznesmenëve kryesorë, investitorëve dhe pronarëve të korporatave përmes një transmetimi video 3D për herë të parë në një forum në Londër në një përpjekje për të mbledhur inovatorët më me ndikim në një vend për të dhuruar burime financiare dhe teknologjike për të filluar rindërtimin e Ukrainës. Sistemi video i kompanisë Evercoast regjistroi adresën e Zelenskit në Kiev në 3D, për të ofruar një eksperiencë të re, e cila mund të shihet përmes kodit QR të disponueshëm në linkun e mëposhtëm.

Kur ky kod skanohet me celular, presidenti Zelensko shfaqet në ekran në formë 3D dhe flet për faktin se transformimi dhe rinovimi digjital i vendit duhet të pasojë në Ukrainë, për të cilën është një shembull vetë videoja 3D. Zelenski po inkurajon inovatorët më me ndikim në botë që të dhurojnë burime financiare dhe teknologjike për të filluar rindërtimin e Ukrainës.

Ukraina është shansi për një revolucion digjital global, një shans për çdo kompani teknologjike dhe një shans për çdo vizionar për të treguar vlerën, aftësitë, teknologjitë dhe ambiciet e tyre, tha Zelenski atëherë.

Ky adresim i tij është prezantuar në katër nga festivalet më të mëdha të teknologjisë në Evropë, në Stokholm, Londër, Amsterdam dhe Paris. Hologrami i tij është shfaqur gjithashtu drejtpërdrejt në samitet e teknologjisë në Dublin dhe Berlin.

Pajisjet e përdorura në krijimin e kësaj video i janë dhuruar qeverisë së Ukrainës. Projekti u krijua nga Martin Williams nga Tailsmith, Thomas Hoeg nga Garden Studios, me regji të Martin Williams dhe prodhuar nga Mark Wright nga Tailsmith. Evercoast po mundëson një epokë të re të përmbajtjes dhe komunikimit në formën e njerëzve digjitalë 3D. Ato mundësojnë regjistrimin dhe transmetimin e videove volumetrike 3D me cilësi të lartë të përdorura në prodhimin virtual, për celularët dhe realitetin virtual.

Në postimin që po shqyrtojmë, kjo ngjarje e qershorit 2022 është paraqitur në një kontekst krejtësisht të gabuar. Në postim thuhet se Zelenski nuk është më në Kiev dhe si dëshmi e kësaj është paraqitur një foto ku ndodhet në studio gjatë krijimit të videos 3D që u transmetua gjerësisht në mbarë botën. Gënjeshtra se Zelenski u arratis nga Ukraina filloi të përhapet që nga fillimi i luftës. Pastaj Zelenski hodhi poshtë këto spekulime dhe u shfaq në një video live së bashku me kolegët e tij politikanë nga Kievi dhe tha: “Ja ku jemi”.

Pavarësisht se Zelenski i drejtohet rregullisht publikut nga zyra e tij në Kiev, gënjeshtra se Zelenski është larguar nga Ukraina vazhdon të propagandohet, shpesh nga kanale që promovojnë narrativa pro-ruse. Megjithatë, fotografia në postimin ku Zelenski është përballë një sfondi të gjelbër është nxjerrë jashtë kontekstit për të manipuluar publikun se ai është larguar nga Kievi.

Zelenski qëndroi në Kiev gjatë pushtimit ushtarak rus të Ukrainës dhe më 10 tetor 2022, postoi një video në Telegram nga Kievi, duke u thënë ukrainasve të qëndronin në strehimore dhe duke falënderuar ushtrinë.

Për të gjitha faktet e mësipërme, vlerësojmë se nuk është e vërtetë që Zelenski nuk është më në Kiev dhe videoja në postimin që po shqyrtojmë është nxjerrë jashtë kontekstit për të propaganduar këtë të pavërtetë.

Ky artikull është përgatitur në kuadër të projektit Promovimi i qasjes në lajme të besueshme për të luftuar dezinformatat, i zbatuar nga Fondacioni Metamorfozis. Artikulli, i botuar fillimisht në Vërtetmatës, është mundësuar nga mbështetja e fondacionit jofitimprurës amerikan NED (National Endowment for Democracy). Përmbajtja e këtij artikulli është përgjegjësi e autorit dhe nuk pasqyron domosdoshmërisht pikëpamjet e Metamorphosis, NED ose bashkëpunëtorëve të tyre

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari