1 milion dollarë gjobë për thirrjet e rreme të gjenruara me IA me zërin e Biden

Votuesve demokratë në New Hampshire u tha nga një zë i gjeneruar nga kompjuteri i “Joe Biden” në janar se ata nuk kishin nevojë të votonin për të në zgjedhjet presidenciale demokrate.

Kompania amerikane Lingo Telecom pranoi të paguajë një gjobë prej një milion dollarësh për fushatën e tyre të telefonatave të rreme në janar të këtij viti. Ajo përdori një imitim të zërit të presidentit amerikan Joe Biden të krijuar nga inteligjenca artificiale (AI) për të bindur votuesit demokratë në New Hampshire se nuk kishin nevojë të votonin për të në zgjedhjet presidenciale demokrate, por mund të prisnin deri në nëntor për të votuar për të në zgjedhjet presidenciale, raporton Reuters.

Sipas Komisionit Federal të Komunikimeve të SHBA-ve (FCC), Lingo Telecom po përhapte dezinformata me këtë fushatë telefonike. FCC fillimisht mendoi se kompania duhet të paguante një gjobë prej 2 milionë dollarësh, por kjo u reduktua pasi Lingo Telecom ra dakord të ndiqte rreptësisht rregullat e FCC.

Thirrjet u porositën nga konsulenti politik Stephen Cramer. Pasi u zbuluan telefonatat e rreme, Kramer u tha mediave se i kishte paguar firmës pesëqind dollarë për të kryer telefonatat. Ai punoi me Dean Phillips, i cili ishte një nga kundërshtarët e Biden për nominimin presidencial demokrat. Phillips u distancua nga thirrjet dhe i dënoi ato.

Cramer pretendon se qëllimi i thirrjeve ishte të tërhiqte vëmendjen ndaj problemit të përdorimit të AI për qëllime politike dhe të nxiste rregulloret që lidhen me të. Prandaj ai gjoja i ka telefonuar “vetëm” 5000 persona, të cilët i konsideron si një numër të vogël votuesish, qëndrimi i të cilëve nuk do të ndikonte seriozisht në zgjedhje.

Ai mori 26 akuza si rezultat i thirrjeve mashtruese dhe FCC rekomandoi që ai të gjobitej me 6 milionë dollarë.

FCC kohët e fundit propozoi legjislacionin që do t’u kërkonte stacioneve televizive dhe radiofonike të deklarojnë qartë nëse AI është përdorur në prodhimin e reklamave politike që ato transmetojnë. Megjithatë, FCC nuk ka juridiksion mbi përmbajtjen e internetit, duke përfshirë reklamat në internet dhe platformat e transmetimit.

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari