Propaganda ruse për Francën: Cilat janë narrativat pro-Kremlinit për Parisin në Ballkan?

Dezinformimi rus ende po përhapet në BE, pavarësisht bllokimit të Russia Today dhe Sputnik, media të financuara nga Kremlini. Në qershor të vitit 2023, Franca ekspozoi një fushatë të gjerë dezinformimi ruse të quajtur “Lajmet e fundit shpresëdhënëse”, sipas emrit të një faqe interneti pro-ruse. Më herët në shkurt, qeveria franceze paralajmëroi për një rrjet prej rreth 200 portalesh që në mënyrë të koordinuar përhapin lajme të rreme për Francën dhe gjurmët e të gjitha këtyre fushatave të çojnë në Moskë. Në përgjithësi, dezinformatat për Francën në Ballkan përhapen nga ato burime dhe temat më të zakonshme të narrativavee janë ushtarët francezë në Ukrainë, protestat e fermerëve në Francë, kufizimet në demokraci, imazhi i presidentit Macron…

 

Shkruan: Ana Anastasovska

 

Franca ka qenë një nga objektivat kryesore të sulmeve kibernetike dhe fushatave dezinformuese ruse këtë vit, kryesisht për shkak të zgjedhjeve të Parlamentit Evropian të mbajtura në qershor, dhe më pas, për shkak të krizës politike të vazhdueshme nga zgjedhjet e parakohshme parlamentare të mbajtura në korrik.

Përveç qëllimeve të vazhdueshme të dezinformimit të Kremlinit, ka një përpjekje të gjatë dhe sistematike në hapësirat ruse dhe evropiane të informacioni për të hedhur dyshime mbi qëndrimin e Francës me aleatët perëndimorë, si dhe për të diskredituar cilësitë profesionale dhe personale të Presidentit Emmanuel Macron. Taktika e manipulimit të informacionit të Kremlinit kundër Francës është e dukshme – një pjesë e madhe e lajmeve që lidhen me Francën, të cilat publikohen në mediat ruse, janë reale, domethënë në to citohen politikanë (radikalë në deklaratat e tyre) dhe transmetohen burime të besueshme. Megjithatë, ajo që mungon në atë lajm është mprehtësia e qëndrimit të Francës, e cila lë hapësirë ​​për të shtuar narrativën e Kremlinit ose për të lejuar lexuesin (një konsumator i propagandës së Kremlinit) të nxjerrë përfundimet e tij, por pa të gjitha elementet e inforrmacionit.

“LAJMET SHPRESËDHËNËSE” kanë ardhur nga KREMLIN

Në qershor 2023, Franca ekspozoi një fushatë të gjerë dezinformimi ruse të quajtur “Lajmet e fundit shpresëdhënëse“, sipas emrit të një faqe interneti pro-ruse. Qëllimi i kësaj fushate, siç raportohet nga agjencia shtetërore franceze Viginum, ishte të minonte mbështetjen perëndimore për Ukrainën që synonte të luftonte ndërhyrjet digjitale të huaja.

Sipas raportit të agjencisë, fushata konsistonte në përhapjen e përmbajtjeve pro-ruse; imitimi i mediave të njohura franceze si Monde, Figaro dhe Le Parisien, si dhe faqet e internetit të qeverisë, duke përfshirë ato të Ministrisë së Punëve të Jashtme dhe Evropiane të Francës; krijimi i faqeve të lajmeve frankofone me këndvështrime polarizuese, koordinimi i profileve të rreme për të përhapur përmbajtjeve të krijuara.

Pavarësisht bllokimit të Russia Today dhe Sputnik, media të financuara nga Kremlini, dezinformatat ruse po përhapen ende në BE.

Ministri francez i BE-së Jean-Noel Barraud në prill 2024 paralajmëroi për fushata masive dezinformuese që vijnë nga Rusia e Presidentit Vladimir Putin. 

Ne jemi duke u bombarduar me propagandë nga Rusia e Vladimir Putinit, tha ai, duke vënë në dukje se ajo është atje për të prishur debatin publik dhe për të ndërhyrë në fushatën zgjedhore evropiane. 

RRJETI “PORTAL KOMBAT”

Në shkurt, Ministri i Jashtëm francez Stéphane Sejourne tha se shërbimet diplomatike kishin zbuluar një rrjet të madh propagandistik rus të njohur si “Portal Kombat” që po përhapte informacion pro-rus dhe anti-ukrainas në Francë, Gjermani dhe Poloni.

Rrjeti i 193 faqeve të internetit përfaqëson qartë një fushatë për të manipuluar informacionin në platformat digjitale që përfshijnë aktorë të huaj. Kjo fushatë synon të dëmtojë Francën dhe interesat e saj, thuhej në komunikatën për shtyp të asaj kohe të Ministrisë së Punëve të Jashtme, transmeton Euractiv. 

Deklarata e ministrisë paraqet një analizë të nënshkruar nga qeveria franceze me titull “Dezinformimi rus: sa më mirë ta kuptojmë, aq më mirë mund të përgjigjemi”. 

FRANCA NUK DËRGOI USHTARË NË UKRAINË

Në muajt e fundit, veçanërisht në pranverë, një valë dezinformimi në lidhje me Francën dhe Emmanuel Macron u përhap në rajon. Shfaqja e përmbajtjeve të tilla, siç mund të vihej re, u ndal pas përfundimit të zgjedhjeve për Parlamentin Evropian.

Një pjesë e këtij dezinformimi lidhej me luftën në Ukrainë dhe në atë pjesë, dezinformatat në lidhje me propozimin e Macron për të dërguar trupa franceze në frontin në Ukrainë ishin veçanërisht të njohura.

Në fillim të majit të këtij viti, mediat e rajonit dhe mediat e huaja raportuan “lajme” se Franca kishte dërguar trupa në frontin në Ukrainë, duke u mbështetur në pretendimet që Stephen Bryan, një ish-zyrtar i Pentagonit, publikoi në blogun e tij më 3 maj.

Pas publikimit të artikullit të Brian nga portali Asia Times (një media në gjuhën angleze me qendër në Hong Kong), media të shumta në mbarë botën publikuan artikuj që nuk tregonin qartë se ishte një raport nga një blog i një ish-zyrtari amerikan, i cili nuk citoi burime zyrtare.

Lajmi është transmetuar në disa nga mediat në Serbi, si Pravda.rs, Politika dhe Borba, ndërsa dezinformata se Franca po dërgon ushtrinë e saj në Ukrainë është raportuar edhe në disa media maqedonase.

Pretendimet e diskutueshme u përhapën në mediat sociale në postimet virale në Facebook në Serbi dhe Maqedoninë e Veriut.

Dezinformata të tilla, siç thekson ekipi i Vërtetmatës.mk, si dhe ekipi i Istinomer.rs, përhapen nga profilet private, përkatësisht nga persona, profilet e të cilëve në Facebook janë dukshëm mbështetës të Rusisë dhe Trumpit dhe kritikojnë ashpër demokracinë perëndimore.

Siç raportoi verifikuesi i fakteve të Associated Press, Ministria e Jashtme franceze tha në një deklaratë në rrjetin social X se Franca nuk kishte dërguar trupa në Ukrainë dhe se ishte dezinformim. Informacioni i tyre citon postimet në blog të 3 majit nga Bryan, një nënsekretar në Departamentin e Mbrojtjes të SHBA gjatë administratës së Ronald Reagan.

Nuk ka asnjë burim në postimin e tij në blog që ia atribuon këtë pretendim. Brian më pas postoi një artikull të ri në blogun e tij duke pranuar se ai “mund të ketë gabuar” në lidhje me vendosjen e supozuar të trupave nga Franca në Ukrainë. Burimet më të hershme që Brian citon për dërgimin e trupave nga Franca në Ukrainë janë nga 12 prilli, domethënë është një tekst nga një faqe lajmesh ushtarake ruse. Por në atë faqe shkruhet se “informacioni as nuk mund të konfirmohet dhe as të mohohet” dhe ka ardhur nga një kanal rus Telegram i një gazetari rus i cili ka thënë se informacioni është i pakonfirmuar, shkruajnë kontrolluesit e fakteve të Associated Press. 

Mediat ukrainase e përshkruajnë Brianin si një “propagandist rus” dhe në tekstet që nënshkruan ai përdor shpesh narrativën antiperëndimore.

Presidenti francez Macron tha në një intervistë dy ose tre ditë para përhapjes së dezinformatave se ai nuk përjashton mundësinë e dërgimit të trupave në Ukrainë. Macron nuk ka njoftuar ende ndonjë vendim të ri për dërgimin e trupave franceze në Ukrainë.

UKRAINA NUK KA PËRGATITUR VRASJEN E MACRONIT

Në mars të këtij viti u përhap lajmi i rremë se presidenti francez Macron e shtyu vizitën e tij në Ukrainë për shkak se shërbimet e inteligjencës franceze përgjuan informacione për vrasjen e tij të mundshme. Një lajm i tillë i supozuar u promovua përmes një videoje të rreme, e cila linte përshtypjen se ishte transmetuar në kanalin shtetëror francez France 24.

Në Ballkan ky lajm u përhap shpejt, kështu që kolegët nga Sllovenia, Bosnja dhe Hercegovina, Shqipëria dhe Mali i Zi i rishikuan postimet për këtë temë. “Nga kush frikësohet Macron” thoshte teksti në portalin serb Politika i publikuar vetëm katër ditë më vonë, ndërsa nga “Borba” shkruanin:

Publikimi [France24] vëren se likuidimi i Macron u përgatit nga kreu i Drejtorisë kryesore të Inteligjencës të Ministrisë së Mbrojtjes së Ukrainës, Kirill Budanov, me urdhër të Presidentit Volodymyr Zelensky.

Në vendin tonë me një titull më pak tendencioz lajmin për shtyrjen e vizitës e ka publikuar Plusinfo, dhe në Facebook lajmi i rremë për atentatin e planifikuar ka depërtuar përmes profilit “Dali krajot vaka mirisa”, i cili ka postime të rregullta me material “inflamator”. Postimi në Facebook në fakt është transkriptuar dhe përkthyer drejtpërdrejt nga X (ish Twitter), profili i Zëvendës Kryetarit të Këshillit të Sigurimit Rus, ish-presidentit Dmitry Medvedev.

Për shkak se videoja ishte bërë që të dukej sikur ishte një raport i vërtetë nga lajmet e televizionit France 24, vetë redaksia hodhi poshtë keqinterpretimin e kolegut të saj më 15 shkurt, një ditë pasi u shfaq materiali:

Videoja virale pretendon të tregojë një klip nga kanali i lajmeve në gjuhën franceze FRANCE 24. Në të, prezantuesi njofton se presidenti francez Emmanuel Macron ka shtyrë një udhëtim në Ukrainë, sepse shërbimet sekrete franceze përgjuan një komunikim për një atentat ndaj tij. Por lajmi është i rremë dhe video është një falsifikim serioz, raportoi France 24. 

Në përmbajtjen tekstuale është publikuar edhe një video me shpjegim të detajuar se si është falsifikuar regjistrimi i programit televiziv. Thuhej se ishte marrë nga një lajm i lexuar nga prezantuesi Julien Fanciulli, i cili u transmetua më 12 shkurt. Megjithatë, zëri dhe shiritat e titullit në ekran kanë ndryshuar.

Më 14 shkurt, video u bë virale në X, Telegram dhe rrjetin social rus ViKontakt. Në të njëjtën ditë, një video në portalet ruse u përdor si dëshmi e besueshmërisë së informacionit. Dhe, në ditët në vijim, lajmet dhe postimet në mediat sociale u përhapën në të gjithë rajonin e gjerë, kudo ku mbizotërojnë narrativat pro-ruse.

NJË NARRATIVË EE DEMOKRACISË SË RREZIKUAR DHE LIRISË SË FJALËS

Përhapja e narrativës se Franca është lidere në BE në kufizimin e lirisë së fjalës dhe pengimin e demokracisë së qytetarëve, e cila është rishfaqur me arrestimin e themeluesit dhe pronarit të Telegram Pavel Durov, në fakt nuk është një narrativë e re pro-ruse. Të paktën dy herë në dy vitet e fundit, dezinformata pro-Kremlinit është përhapur mbi temën e kërcënuar të demokracisë dhe lirisë së fjalës, kështu që kjo me Durov dhe Telegram është përpjekja e tretë për të përhapur një narrativë kaq të rreme.

Në fillim të korrikut të vitit të kaluar, në Nanterre, një periferi e Parisit, trazirat shpërthyen pasi policia qëlloi për vdekje një djalë 17-vjeçar të quajtur Nachel gjatë një ndalese trafiku. Rreth 40,000 policë u vendosën në të gjithë Parisin për të kontrolluar protestat dhe 700 protestues u arrestuan. Presidenti Emmanuel Macron zhvilloi një takim më 3 korrik me përfaqësues të parlamentit. Një dokument i supozuar, një deklaratë për shtyp e lëshuar nga Ministria e Brendshme franceze, ka filluar të qarkullojë në internet, duke thënë se shërbimet e internetit do të pezullohen përkohësisht nga 3 korriku gjatë orëve të natës në zonat qendrore për të parandaluar abuzimin e mediave sociale dhe platformave online për të koordinuar veprimet e paligjshme dhe parandalimin e dhunës.

Ky lloj dezinformimi na u shfaq përmes profilit në Facebook të një fare Vesna Zarevskas, e cila nuk ka lënë shumë informacione për veten e saj, por për këtë arsye rregullisht përhap narrativa dhe dezinformata pro-ruse që synojnë NATO-n dhe BE-në dhe partnerët e tyre. Lajmi depërtoi gjithashtu në BH dhe kontrolluesit e fakteve nga Raskrinkavanje.ba u morën me të atje.

Qeveria franceze e mohoi njoftimin e rremë.

Siç raportuan verifikuesit e fakteve të Associated Press, qeveria mohoi vërtetësinë e njoftimit të supozuar që qarkullonte në internet dhe tha se nuk kishte një vendim të tillë për mbylljen e mediave sociale.

Në Twitterin zyrtar të Ministrisë së Punëve të Brendshme, ai njoftim është shënuar si i rremë.

Ky dokument është i rremë, nuk ka një vendim të tillë, thuhet në Tweet.

Presidenti francez Macron akuzoi më pas mediat sociale se luajnë një rol të rëndësishëm në inkurajimin e veprimeve negative gjatë trazirave, të cilat kanë nxitur tensione të gjata midis policisë dhe rinisë së vendit.

Platformat kryesore si TikTok dhe Snapchat duhet të bashkëpunojnë me autoritetet franceze për të shuar dhunën që shpërtheu këtë javë pas vrasjes së një djali 17-vjeçar nga një oficer policie, tha Macron. 

Qeveria franceze, siç raportohet nga Reuters, do të punojë me rrjetet sociale për të hequr “llojet më të ndjeshme të përmbajtjes” dhe po kërkon që kompanitë e mediave sociale t’u zbulojnë autoriteteve franceze identitetin e “atyre që përdorin këto rrjete sociale për të thirrur në trazira dhe promovojnë dhunën”. 

GËNJESHTRA PËR RRJETET SOCIALE TË NDALUARA PËR MOSHËN NËN 18 VJEÇ

Në prag të zgjedhjeve europiane, për të përhapur një lloj imazhi se në Francë mungon demokracia dhe liria e fjalës, filloi të përhapet dezinformata në media dhe në rrjetet sociale këtu dhe në rajon që do Macronin do të ndaloj rrjetet sociale ose se përdorimi i tyre do të ndalohet për francezët nën 18 vjeç.

Siç shkruajnë verifikuesit e fakteve të Quint, autoritetet franceze hedhin poshtë kategorikisht të pavërteta se do të ketë një mbyllje të internetit në Francë.Siç shpjegohet në Guardian, Macron propozoi të diskutohej se si të rinjtë përdorin platformat sociale, për të futur disa kontrolle për të parandaluar ngjarje të tilla në të ardhmen.

Lajmi i rremë se Franca do të ndalojë rrjetet sociale në fund të majit u përhap edhe në Serbi, por këtë herë u manipulua një raport i ekspertëve francezë për ndikimin e ekspozimit të të rinjve ndaj ekraneve (pajisjeve elektronike), duke çuar në dezinformimin se francezët nën 18 vjeç do të ndalohen të përdorin mediat sociale.

Disa portale atje publikuan tekste me tituj se Macron po ndalon rrjetet sociale, me komentin se kjo është një reflektim i “lirisë dhe demokracisë në Francë”.

Një raport i një komisioni ekspertësh francez mbi ndikimin e ekspozimit të të rinjve ndaj ekraneve përfshin një rekomandim për të kufizuar aksesin në rrjetet sociale për ata francezë nën moshën 18 vjeç, por afati kohor për miratimin e ligjit të ri ende nuk është përcaktuar, as nuk dihet se deri në çfarë mase do të ndiqen rekomandimet e ekspertëve, transmeton Istinomer.rs.

Raporti “Fëmijët dhe ekranet: Në kërkim të kohës së humbur” u publikua në faqen zyrtare të Pallatit Elysée më 30 prill të këtij viti.

Presidenti i Republikës mori konkluzionet e komisionit të ekspertëve që ai emëroi më 10 janar 2024 dhe misionin e të cilit e prezantoi në një konferencë për shtyp më 16 janar. Ky komision synon të vlerësojë ndikimin e ekspozimit të të rinjve ndaj ekraneve. Pas më shumë se tre muajsh punë, ata i paraqitën konkluzionet e raporteve të tyre kreut të shtetit, tha Pallati Elysée. 

Rekomandimet kryesore nga raporti i komisionit janë që fëmijët të mos kenë telefona celularë para moshës 11 vjeç, t’u ndalohet aksesi në mediat sociale para moshës 13 vjeç dhe midis moshës 15 dhe 18 vjeç, qasja në media sociale duhet të jetë “e kufizuar” dhe e lejuar vetëm për ata që kanë ” mendim etikë”.

Në njoftimin e Pallatit Elysee, ka edhe një njoftim nga X në të cilin Macron shkruante më 1 maj të këtij viti se “i dha qeverisë një muaj për të marrë në konsideratë rekomandimet e ekspertëve dhe për t’i përkthyer në veprim”.

Komisioni francez (i përbërë nga 10 ekspertë nga fushat e neurologjisë, psikiatrisë, arsimit, ligjit dhe teknologjisë), shqyrtoi literaturën shkencore, intervistoi rreth njëqind ekspertë dhe praktikues (përfshirë përfaqësues të kompanive Google, Meta, TikTok, YouTube, Snapchat dhe Samsung) dhe folën me 150 të rinj, raportoi Mond.

 

DEZINFORMIMI PËR PROTESTAT NË FRANCE

Dezinformata u përhapën edhe për protestat e ndryshme që u zhvilluan në Francë. Profilet e tyre u vendosën nga mbështetësit e politikave të Rusisë dhe Putinit në rrjetet sociale. Ky postim, për shembull, keqinterpretoi protestat e vitit 2018 në Paris për çështjen e politikës së pensioneve, sikur të ishin protesta të korrikut 2023. Një tjetër foto, në fakt një imazh nga një serial televiziv Netflix, u shpërnda gjithashtu si një foto nga protesta e korrikut 2023. Ky dezinformim është shpërndarë edhe në Serbi.

Fotoja virale, sipas Istinomer, e ka origjinën nga llogaritë X (Twitter) që janë verifikuar në atë mënyrë që pronarët e tyre paguanin një abonim mujor në Twitter Blue prej tetë dollarësh. Një përdorues i tillë në Twitter pohoi se fotografia tregon “migrantë nga Lindja e Mesme” që vodhën një makinë policie gjatë demonstratës.

U manipulua edhe protesta e fermerëve. Kështu, në shkurt 2024, një video u qarkullua në Serbi dhe Bosnjë dhe Hercegovinë që pretendohej se tregonte fermerët francezë duke hedhur mbeturina në ambasadën e Ukrainës.

Videoja ishte postuar më parë në disa kanale ruse Telegram më 8 shkurt. Edhe pse autori i videos së manipuluar nuk mund të përcaktohet me siguri, portali EUvsDisinfo në një analizë të datës 1 shkurt thekson se protestat e fermerëve në Evropë janë bërë një nga temat kryesore të dezinformatave ruse në përpjekje për të mprehur ndarjet e perceptuara midis “njerëzve të zakonshëm” dhe të ashtuquajturat “elita e Brukselit”

Në vendin tonë, nga ana tjetër, ishin aktuale fotot e krijuara nga inteligjenca artificiale, të cilat dyshohet se tregonin sesi fermerët francezë derdhën balsa bari para Harkut të Triomfit dhe përballë Kullës Eifel në Paris. Fotot në të dyja rastet u shpërndanë nga një llogari në Facebook e njohur për ndarjen e fotove të krijuara nga AI, ndonjëherë edhe për të lavdëruar Rusinë.

Fotot që dyshohet se tregonin se Kulla Eifel ishte e rrethuar nga balet e barit u shpërndanë edhe në Bosnjë, siç shkruan kolegët nga Raskrinkavanje.ba. Me pretendimet për autenticitetin e fotografisë u morën edhe Raskrinkavanje (.me), Factograph dhe Fulfact.

Fermerët në Francë po protestojnë vërtet kundër propozimeve të qeverisë për ndryshime në sektorin e bujqësisë në vend. Fermerët ishin të mërzitur për gjithçka që po ndodhte – nga planet e shlyerjes së kredisë deri te niveli dukshëm më i lartë i vetëvrasjeve midis fermerëve francezë në krahasim me popullsinë e përgjithshme. Çmimet e drithit kanë rënë në vend, që është një nga problemet e tjera me të cilat përballen fermerët, shpjegon rrjeti francez France 24.

Të gjithë këta shembuj tregojnë se si dezinformatat për Francën që krijohen me narrativa pro-Kremlinit qarkullojnë nga të njëjtat blogje, portale apo profile të rrjeteve sociale private në një pjesë të madhe të Ballkanit Perëndimor, dhe në fakt i kanë rrënjët në rrjetet pro-ruse, faqet në Francë dhe Evropë ose përsëri përmes Spitnik, RT dhe RIA Novosti të cilat përdoren shumë si burime në një pjesë të madhe të mediave serbe, e prej andej edhe në vendet fqinje.

MACRON ËSHTË NJË NGA QËLLIMET E PROPAGANDËS NGA KREMLINI

Presidenti francez Macron ka qenë një nga objektet e manipulimit rus të informacionit që nga fillimi i luftës ruse në Ukrainë, gjë që lidhet edhe me aktivizmin e tij politik në raport me Rusinë. Duke komentuar dhe interpretuar deklaratat dhe veprimet e tij, Kremlini po përpiqet në mënyrë aktive të diskreditojë presidentin francez.

Dezinformimi rus dhe manipulimi i informacionit për Francën, liderin e saj dhe qëndrimin e politikës së jashtme të vendit, janë dëshmi e qëllimit të Kremlinit për të përçarë unitetin e Perëndimit në drejtim të mbështetjes për Ukrainën, komenton Elina Wrobjevska, studiuese në Qendrën për Studime Politike të Evropës Lindore.

Sipas saj, Franca tregohet natyrshëm si objektivi kryesor i manipulimit të informacionit, duke pasur parasysh ndikimin e saj në formësimin e agjendës politike të NATO-s dhe BE-së.

Nenad Markoviç, politikolog, bashkëpunëtor i lartë i jashtëm dhe studiues në Institutin PRESPA, vlerëson se një nga arsyet e përqendrimit të shtuar te Macron është se ai aktualisht është i cenueshëm:

“Macron është jashtëzakonisht i cenueshëm në këtë moment. Zgjedhjet në Francë treguan se ai është i kërcënuar nga të dy kampuset politike konkurruese – ai i Le Pen dhe ai i Mélenchon. Nga ana tjetër, ai konsiderohej prej kohësh si lideri i ardhshëm politik i BE-së, pas tërheqjes së Angela Merkelit. Kjo e bën atë një objektiv ideal për operacionet hibride ruse që synojnë të intensifikojnë polarizimin në shtetet evropiane, kudo që ofrohet mundësia, dhe në këtë mënyrë të shkaktojnë një hendek sa më të thellë dhe telashe politike në arenën politike dhe sociale, thotë Markoviç.

Ai beson se kriza politike do të prekë vetë Francën dhe fuqinë e BE-së dhe NATO-s:

“Sigurisht që pushteti në shoqërinë franceze është i shpërndarë në qendra të ndryshme të pushtetit, shumë më tepër se sa ishte gjatë periudhës kur ai pushtet mbahej sovranisht në duart e Emmanuel Macron. Çdo koalicion i mëtejshëm midis tre kampuseve kryesore politike në Francë do të jetë joparimor dhe i bazuar në solidaritet negativ kundër kampusit të tretë (me shumë gjasa ai i Le Pen). Ai nënkupton një funksionim më të vështirë të arenës politike dhe sociale, që sigurisht do të ndikojë në imazhin e Francës si lider i BE-së. Në planin e brendshëm, sigurisht që mund të ndodhë anemi politike dhe “hollim” i situatës politike, por edhe Macron mund të dërgohet në pension të parakohshëm politik. Kjo nuk mund të kalojë pa pasoja të mëdha politike dhe sigurisht që do të shkaktojë një vakum pushteti në vetë Francën, por edhe në BE dhe NATO”, thotë Markoviq, i cili deri vonë ishte edhe anëtar i Këshillit të Sigurimit të presidentit të mëparshëm Stavo Pendarovski.

 

FRANCA NUK ËSHTË MË UDHËHEQËSE, POR MBËSHTET FORTË UKRAINËN

Profesor Nano Ruzhin, i cituar në fillim të këtij hulumtimi, nuk është aspak i sigurt se pasojat politike në politikën e jashtme do të ishin të mëdha, megjithëse është i sigurt se fati i Macron-it është tashmë i vulosur:

Është e sigurt se, siç theksohet nga analistë të njohur në Francë, qeveria e Michel Barnier nuk do të jetë një qeveri e drejtuar nga Macron, i cili, meqë ra fjala, kaloi gjithë jetën e tij duke u përpjekur të bënte një qeveri të tillë që do të ishte në funksion të tij,por është, do të thosha, një zgjidhje e detyruar. Për arsye që Macron do të përpiqet sa më shumë të parandalojë ndikimin e Frontit të ri Popullor, i cili ka një qëndrim tjetër ndaj luftës në Ukrainë. Nga atje, ata besojnë se Franca nuk duhet të dërgojë fare forca atje, por Barnier, megjithëse nuk do të ndjekë verbërisht qëndrimet antiruse të Macron, ai në një farë mënyre do të qëndrojë në front për të ndihmuar Ukrainën, por jo në atë masë siç e kishte parashikuar dhe premtuar Macron, thotë Ruzhin.

Në lidhje me mënyrën se si Kremlini e trajton Francën kur bëhet fjalë për hapësirën e informacionit në nivel global dhe në rajon, e lartpërmendura Elina Wrobjevska, studiuese në Qendrën për Studime Politike të Evropës Lindore, thotë:

Strategjia e tyre duket se po dobëson “armikun” nga brenda, duke vënë në dyshim motivimin dhe pozicionin politik të Francës. Në të njëjtën kohë, personaliteti dhe racionaliteti i liderit vihen në pikëpyetje, dhe politika e jashtme e Kinës (keq)përdoret, duke e vërshuar njëkohësisht hapësirën e informacionit me narrativa kontradiktore për të gjitha problemet kryesore në Francë.

 

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari