Shkencëtarja Goodall nuk deklaroi se shqetësohej nga 90 për qind e popullsisë së botës
Në postim, një fragment i fjalimit të shkencëtares Jane Goodall në Forumin Ekonomik Botëror në Davos në vitin 2020 është nxjerrë jashtë kontekstit. Goodall flet në një panel diskutimi mbi të ardhmen e pyllit të Amazonit. Fokusi i diskutimit të saj është mbrojtja e pyjeve dhe popullsia lokale ndërsa rritja e popullsisë përmendet vetëm shkurt. Askund në fjalimin e saj ajo nuk përmend shpopullimin, apo se shqetësohet nga 90 për qind e popullsisë aktuale botërore, as nuk thotë se “do të ishte mirë nëse popullsia do të ishte si 500 vjet më parë”, siç pretendohet në mënyrë të rreme në postimin që po shqyrtojmë.
Po shqyrtojmë një postim të publikuar në rrjetin social Facebook ku thuhet:
Jane Goodall, një shkencëtare me një medalje britanike nën jastëk, dhe numëron 90% të popullsisë aktuale botërore. Do të ishte mirë nëse numri i njerëzve sot do të ishte si 500 vjet më parë sipas saj.
Por prodhimi, konsumi, shpikjet, teknologjia…zhvillimi, komoditeti që gëzon ky budalla i pajetë do të ishte në një nivel shumë më të ulët se sot dhe ne dhe stërnipërit tanë dhe çdo brez i ardhshëm njerëzish me 100 herë nga sot, do të kishim një jetë shumë më të pasur dhe më në harmoni me natyrën nëse do të shfarosnim përgjithmonë këtë dhe atë 10% të dëshiruar, se nuk më duken si vetëvrasje.
Nuk mund t’i fshihemi rritjes së popullsisë. Ajo heq shumë probleme të tjera. Të gjitha këto gjëra për të cilat folëm nuk do të ishin problem nëse popullsia do të ishte në madhësinë që ishte 500 vjet më parë.
Goodall njihet për njohuritë e saj për shimpanzët dhe është një avokate për mbrojtjen e habitateve lokale. Rreth 27 minuta pas diskutimit, moderatorja e pyet atë në lidhje me partneritetin e saj me projektin e restaurimit të pyjeve Trilion Pemë.
Goodall përgjigjet duke përshkruar faktorët që çojnë në shpyllëzimin dhe se projekti synon të trajtojë 4 faktorë kyç. Këto janë varfëria, korrupsioni, mbipërdorimi i tokës dhe rritja e popullsisë.
Por në asnjë moment ajo nuk bën thirrje për shpopullim, as nuk thotë se po shqetësohet nga 90 për qind e popullsisë së botës, as nuk thotë se “do të ishte mirë nëse popullsia do të ishte si 500 vjet më parë”,siç pretendohet në mënyrë të rreme në postimin që po shqyrtojmë. Ajo thjesht po thotë se problemet me të cilat përballet sot pyjet e shiut nuk do të ekzistonin nëse popullsia do të ishte si 500 vjet më parë.
Për të gjitha faktet e mësipërme, vlerësojmë se këtij postimi i mungon konteksti.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari