Rrejshëm nënkuptohet se vdekja e 49-vjeçares nga Kumanova ka të bëjë me vaksinën
Pacientja 49-vjeçare vdiq si pasojë e koronavirusit, jo për shkak të vaksinës, edhe pse ajo u vaksinua me 1 dozë. Vetëm për shkak se një person është vaksinuar me një dozë të vetme nuk do të thotë se trupi i tij ka zhvilluar imunitet dhe është rezistent ndaj infektimit. Për të krijuar imunitet, nevojitet dozë e dytë, por edhe për një periudhë të caktuar kohe që të kalojë nga marrja e saj, e cila është e ndryshme për secilin prodhues të vaksinave. Postimi manipulon duke shfaqur në mënyrë selektive të dhënat dhe duke i nxjerrë ato jashtë kontekstit. Për këtë qëllim, nuk është thënë qëllimisht se pacientja vdiq nga kovidi, por vetëm thuhet se ajo mori dozën e parë të vaksinës pas së cilës ajo vdiq.
Recensojmë një postim në Facebook që pretendon se një grua 49-vjeçare në Kumanovë vdiq pasi mori dozën e parë të vaksinës. Pretendimi lë të kuptohet se vdekja ndodhi për shkak të vetë vaksinës, dhe për ta bërë implikim të tillë më bindës, u prezantua një pjesë e një raporti televiziv, në të cilin në një fragment thuhet:
Gruaja 49-vjeçare vdiq pas dozës së parë të vaksinës. Ajo mendoi se i është përkeqësuar gjendja për shkak të reagimit nga vaksina.
“E mori dozën e parë të vaksinës. Ajo mendoi se ishte përkeqësuar gjendja nga vaksina. Keq, keq, nuk kalon. Bëri test, pozitive në test. Ajo u trajtua në spital, por u dërgua menjëherë në Shkup,” thuhet në raportin televiziv, në të cilin drejtoresha e spitalit të Kumanovës, Snezana Zaharieva, jep bëri një deklaratë.
Megjithatë, kur shikoni të gjithë raportin e transmetuar transmetimin (me fillim në 1:52 min, në këtë vegëz), mund të shihni se konteksti i fragmentit të prerë, i cili nënkupton lidhje midis vaksinës dhe vdekjes së gruas, nuk është i tillë!
Duke filluar nga minuta 2:29, nga kjo video e lajmeve, mund të kuptohet konteksti i përgjithshëm. Dhe ai është se artikulli raporton për 2 pacientë të vdekur nga Kumanova brenda një dite, të dy vdiqën si rezultat i koronavirusit, dhe jo si rezultat i vaksinës.
Pacientja e parë, ishte lehonë me lindje cezariane 13 javë para datës së planifikuar, pas së cilës ajo përfundoi në aparat respirator në Klinikën e Sëmundjeve Infektive në Shkup, ndërsa foshnja është në inkubator. Para se të vdiste, ajo u trajtua në spitalin e Kumanovës dhe në departamentin ambulator, dhe më pas për shkak se u ankua se nuk mund ta ndjente foshnjën, ajo u transferua në GAK, pastaj në Klinikën e Sëmundjeve Infektive, ku, për fat të keq, ajo ndërroi jetë.
Pacientja e dytë ishte 49 vjeç dhe vdiq si rezultat i koronavirusit, e jo për shkak të vaksinës, edhe pse u vaksinua me 1 dozë. Vetëm për shkak se një person është vaksinuar me një dozë të vetme nuk do të thotë se trupi i tij ka zhvilluar imunitet dhe është rezistent ndaj infeksimit. Për të krijuar imunitet, nevojitet dozë e dytë, por edhe për një periudhë e caktuar kohe që të kalojë nga marrja e saj, e cila është e ndryshme për secilin prodhues të vaksinave. Postimi manipulon dhe shfaq në mënyrë selektive të dhënat. Për këtë arsye, qëllimisht nuk thuhet se pacientja vdiq nga kovidi, por vetëm thuhet se ajo mori dozën e parë të vaksinës pas së cilës vdiq – gjë që është një teknikë tipike manipuluese me lëshim të qëllimshëm të kontekstit.
Kjo do të thotë, duke fshehur disa nga të dhënat, të tilla se pacientja ishte pozitive për koronavirusin dhe se simptomat që ajo ndjeu nuk ishin pasojë e vaksinës, por pasojë e simptomatologjisë së covid, i çorientojnë qytetarët të besojnë se vdekja ka ndodhur nga vaksina, edhe pse në postim nuk ka asnjë argument dhe dëshmi për atë që thuhet. Kjo mënyrë manipuluese e paraqitjes së gjërave ka efekt në publikun jo kritik dhe kjo mund të shihet nga komentet nën postimin, në të cilat kritikohet vaksina, akuzohet për gjenocid dhe pretendohet se njerëzit vdesin nga vaksina.
Gjithashtu mungon një element tjetër i rëndësishëm, i cili është prerë nga bashkëngjitja që shpërndahet. Dhe kjo është se përveç gruas 49-vjeçare, në të njëjtën ditë një grua 29-vjeçare që kishte lindur në muajin e 7 të shtatzënisë pozitive për kovid, gjithashtu ndërroi jetë dhe nuk ishte vaksinuar me asnjë dozë. Ajo pjesë e bashkëngjitjes është hequr me dashje ose pa dashje.
Për shkak të argumentimit të mësipërm, ne e vlerësojmë postimin si postim në të cilin mungon konteksti. Një dozë vaksine nuk është e mjaftueshme për të krijuar imunitet tek individët e pa infektuar ndaj Covid-19. Në prill të këtij viti, kur vaksinimi ishte në fillim në Maqedoni, kryetari i Komisionit për Sëmundjet Infektive, Dr. Zharko Karaxhovski, tha se ata që vaksinohen me një dozë duhet të sillen si të pavaksinuar, në kontekstin që duhet të mbajnë maska dhe distancë fizike, derisa të prodhohen antitrupa në trupin e tyre.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari