Rindërtohet rruga kryesore në Probishtip

Nga admin 0
Pothuaj se dy vite e gjysmë pas afatit, janë kryer punët në rrugë. Foto: Faqja zyrtare e Facebookut të Komunës së Porbishtipit.

 

Projekt: Rindërtim i plotë i pjesës së rrugës Jakim Stojkovski

Përshkrim i projektit: Me projektin parashihet vendosja e asfaltit të ri, vendosje e trotuareve dhe llambave me efikasitet elektrik. Me realizimin e projektit, Komuna do të përmirësoj infrastrukturën rrugore me gjatësi prej 1.220 metra, me çka do të mundësoj transport më të sigurt, zhvillim të ekonomisë dhe kualitet më të mirë të jetesës për banorët e komunës, dhe para së gjithash të atyre që jetojnë përreth rrugës dhe atyre që çdo ditë kalojnë përmes saj. (Mjete: 15.000.000 denarë, Burimi i financave: Buxheti i Komunës, Afati: viti 2013)

 

ARSYETIM

Në programin zgjedhor me të cilin në zgjedhjet lokale të vitit 2013 kërkoi besimin e qytetarëve për mandat të dytë, Toni Tonevski, kryetar komune kandidat i VMRO DPMNE-së, në faqen 73 premtoi edhe rindërtimin e pjesës së rrugës Jakim Stojkovski, e cila është rruga kryesore në Probishtip. Kërkimet për këtë premtim treguan se është realizuar, por vonë pas skadimit të afatit – rindërtimi është zvarritur, një pjesë nuk është bërë mirë, dhe në fund të marsit të këtij viti filloi heqja e asfaltit të vjetër dhe vendosja e asfaltit të ri.

Informacionin e parë për rindërtim e gjetëm në ueb-faqen e Komunës së Probishtipit, e publikuar me 25 e dhjetorit të vitit 2013, që do të thotë pak para kalimit të afatit të dhënë për premtimin e Toni Tonevskit. Në të thuhet se në atë moment kërkohet realizuesi, ndërsa rindërtimi do të fillojë në mars të vitit 2014.

Informacionin e dytë për aktivitetin të cilin e morëm nga ueb-faqja e Komunës së Probishtipit nga 21 janari i vitit 2014, në të cilin jepet shpjegimi se parat janë siguruar me hua nga Banka botërore, si dhe përfshinë edhe projektin për rindërtim të rrugës Jakim Stojkovski, i cili do të zgjat gjashtë muaj.

Projekti parasheh rindërtim të plotë të rrugës e cila përfshinë rinovimin e sipërfaqes ekzistuese të asfaltit, ndërtimin e trotuareve nga pllakat prej begatoni, zgjidhje të largimit të ujërave atmosferik përmes ulluqeve. Një pjesë e projektit për ndërtimi i mureve rezistente, dhe sinjalizim horizontal dhe vertikal. 

Rindërtimi fillon me 9 maj të vitit 2014. Përgjatë asaj kryetari i komunës Tonevski thotë se rindërtimi do të zë 1.200 metra prej rrugës, dhe kuptuam se për atë janë paraparë gjysmë milion euro.

Do të ndiqet rindërtimi trotuareve, do të vendoset sinjalizimi i ri rrugor, si dhe llamba me efikasitet energjik, me çka komuna do të kursej energji elektrike, shtoi Tonevski. 

Me 1 dhjetor të vitit 2014, televizioni Iris informon se rindërtimi i rrugës Jakim Stojkovski, pjesa më e madhe e infrastrukturës në Komunën e Probishtipit për atë vit është afër përfundimit.

Për shkak përpunimit të versionit të ri në ueb-faqe e Komunës së Probishtipit dhe pas vështirësive gjatë përpunimit të versionit të vjetër të faqes, informacionet në vazhdim i gjetëm në Fecebook faqen e Komunës, gjegjësisht në galerinë e saj. Me 22 nëntor të vitit 2014 janë publikuar dhjetë fotografi të reja nga asfaltimi i rrugës, që do të thotë se ende nuk ka përfunduar, por është në përfundim e sipër,

Në informatorin e Komunës së Probishtipit nga marsi i vitit 2015, në faqen 3 shkruan se “tani më shtatë muaj ka përfunduar rindërtimi i plotë, punët rrjedhin sipas planit të parashikuar të aktiviteteve”. Informohet se trotuaret e reja janë ndërtuar, rruga është asfaltuar dhe janë vendosur muret rezistnte në vendet e parapara, llamba, instalacion nëntokësor, ndërsa ndriçimi është në drejtim të rrugës Kalnishte ndërsa tjetri, nga unaza deri te kryqëzimi pranë Komunës Probishtip duhet të vendosen. Lexojmë se vazhdon vendosja e pajisjeve urbane.

Me kërkimet në internet dhe në ueb-faqen e komunës nuk arritëm të gjejmë informacion të veçantë për lëshim të rrugës në përdorim.

Më pas në profilin zyrtar të Komunës së Probishtipit në Facebook me 28 mars të vitit 2016 gjetëm informacion se realizuesi i punëve në rrugën “Jakim Stojkovski” do të duhet që të largojë asfaltin, i cili nuk ka qenë cilësor, dhe do të vendoset shtresë e re. Në informatorin e 38 të komunës nga 6 maji i këtij viti, në faqen 5, në pjesën e intervistave të kryetarit të komunës Tonevski kuptojmë se ai asfalt është ndërruar në kosto të realizuesit, dhe në vend të 4 cm fillestare, tani rruga është shtruar me shtresë asfalti prej 7 cm.

Sipas asaj që realizuam, premtimi për rindërtim të rrugës është realizuar, edhe pse me vonesë të madhe dhe riasfaltim për shkak të kualitetit të ulët të atij paraprak.

 

BURIMET

 

 

Vlerësuar nga: Sasho Spasoski

 

Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari

Ky artikull është përgatitur në kuadër të Vërtetmatësit, projekt për rritjen e llogaridhënies dhe përgjegjësisë së politikanëve dhe partive përpara qytetareve, i realizuar nga Fondacioni Metamorphosis. Artikulli mundësohet me përkrahje të fondacionit jofitimprurës amerikan (NED - National Endowment for Democracy) dhe Fondit Ballkanik për Demokraci, projekt i Fondit Gjerman të Marshallit në SHBA (BTD – The Balkan Trust for Democracy, a project of the German Marshall Fund of the United States), iniciativë e cila përkrah demokracinë, qeverisjen e mirë dhe integrimet euro-atlantike në Evropën Juglindore. Përmbajtja e recensionit është përgjegjësi e autorit dhe nuk i paraqet qëndrimet e Metamorphosis, National Endowment for Democracy, The Balkan Trust for Democracy, projekt i Fondit Gjerman të Marshallit në SHBA dhe partnerëve të tyre.
Shkrime hkrime të ngjashme Më shumë nga autori

Your email address will not be published.

Јазици MK SQ EN