Qendra ngelet pa “pyllin vertikal” që u premtua
Do të shkohet kah ndërtimi i gjelbërimit vertikal, gjegjësisht fasadave të gjelbra dhe gardhe, si një trend i ri në metropolet botërorë, në ato pjesë ku hapësira e gjelbërimit është e kufizuar.
ARSYETIM:
“Ndërtimi i gjelbërimit vertikal, gjegjësisht fasadës dhe gardhit”, kryetari i Komunës Qendër, Andrej Zhernovski, e premtoi në zgjedhjet lokale në zgjedhjet e vitit 2013. Ky projekt është pjesë e programit zgjedhor “E ardhmja tani! Është koha! Andrej Zhernovski për Qendrën” (faqe 21) deri më tani (08.05.2017), në vet fundin e mandatit të Zhernovskit, ky premtim nuk është realizuar.
Projekti përmendet ne pjesën “Rritje drastike e gjelbërimit urban në Komunë”, gjatë të cilës duke u thirrur në “standardet më të reja për gjelbërim dhe vendosjes në funksion për përmirësimin e mjedisit jetësor, kursim i energjisë elektrike dhe promovimi i biodiversitetit, si një prej masave për arritje të kualitetit të jetës urbane është edhe ndërtimi i “gjelbërimit vertikal” (faqe 21)
Deri më tani (08.05.2017), nuk ka informacion se janë ndërmarr aktivitete për implementimin e këtij projekti. Nga kërkimet në internet nuk mund të gjenden të dhëna rreth këtyre “ndërtesave të pyllëzuara”. Edhe atë jo vetëm në Qendër, por askund në Maqedoni. Informacionet e vetme të cilat merren për “mbuluesit e gjelbër”, të cilat kryesisht janë në ndërtesat e subjekteve të ndryshme ligjore.
“Nova Makedonia” tash vonë (mars 2017) emetoi deklaratën nga Komuna Qendër në të cilën thotë se “çatitë e gjelbra” janë vetëm një ide, përderisa “fasadat e gjelbra” nuk përmenden.
Në realizim e sipër janë bisedat e para dhe shqyrtimet e mundësive për projektin-çati të gjelbra. Është ideja që kjo të vendoset në shkollën e re fillore e cila ndërtohet në Kapishtec. Por gjithçka është në fazën e marrëveshjes, idesë dhe shqyrtimit të mundësive – (Komuna Qendër)
Informata se në Qendër është ndërtuar “gjelbërimi vertikal, gjegjësisht fasadat e gjelbra dhe gardhet”, nuk ka as në ueb-faqen zyrtare të Komunës Qendër, ku gjatë kërkimit dalin shkrime për rregullimin e gjelbërimit, parqeve, fushave të lojërave, por jo edhe për “pyjet vertikale”
Duke pasur parasysh se mandati i Zhernovskit përfundon këto ditë (sipas informacioneve me 15.05.2017), dhe deri më tani (08.05.2017) nuk ka informacione të qasshme se është zbatuar ndonjë aktivitet për realizmin e projektit, këtë premtim e vlerësojmë si të parealizuar.
Përndryshe, pylli i parë vertikal është ndërtuar në Milano.
Projekti kopshti vertikal ose “Bosco Verticale”, i dizajnuar nga studioja e arkitektëve “Boeri” dhe e realizuar nga “Hines”, përfshinë dy ndërtesa me lartësi prej 110 dhe 67 metra, përgjatë gjatësisë së fasadës janë vendosur drunj dhe gjelbërim.
Ky model inovativ i ndërtesës së pyllëzuar në Milano, në vitin 2014 fitoi çmimin ndërkombëtar për dizajn në rrokaqiell, si një prej projekteve më të bukura dhe më inovative.
BURIME:
- Иднината сега! Време е! Изборна програма на Андреј Жерновски за Центар – 2013 (Драстично зголемување на урбаното зеленило во Општината – стр.21) [Пристапено на: 08.05.2017]
- Нова Македонија (08.03.2017): На повидок зелени покриви на станбени згради во метрополата [Пристапено на: 08.05.2017]
- Скопје инфо (16.03.2017): Скопски тренд градини на покрив (ФОТО) [Пристапено на: 08.05.2017]
- Нетпрес (12.03.2015): (ВИДЕО) „Вертикана шума“ во Милано, која штити од загадување и врева [Пристапено на: 08.05.2017]
- Точка (19.05.2015): “Bosco Verticale”, урбана вертикална шума во Милано [Пристапено на: 08.05.2017]
- Веб- страница на Општина Центар : [Пристапено на: 08.05.2017]
Vlerësoi: Olivera Vojnovska
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari