Policia financiare ka bërë kallëzim penal për bateritë e vjetra, por një vit më parë
Një deklaratë nga Drejtoria e Policisë Financiare e lëshuar në prill 2024 në këtë postim në Facebook është paraqitur si “lajm i fundit” në mars 2025.
Jemi duke shqyrtuar një postim në rrjetin social Facebook që ndan informacionin nga një deklaratë e Drejtorisë së Policisë Financiare lidhur me një kallëzim penal, të cilin kjo Drejtori e ka paraqitur në Prokurorinë Publike në Shtip për mashtrim të vjetër. Njoftimi është i datës 28 mars 2025, por vetë njoftimi për kallëzimet penale të ngritura në Prokurorinë Publike është i datës 29 prill 2024, gati një vit më parë.
Teksti në vijim, megjithatë, është marrë nga një artikull në media në televizionin “Telma” i botuar këtu, i publikuar edhe më 29 prill 2024, kur në fakt ka dalë edhe deklarata e Drejtorisë së Policisë Financiare për ngjarjen konkrete.
“Vërtetmatësi” ka gjetur deklaratën origjinale, e cila është bashkangjitur në formë dokumenti në linkun e mëposhtëm dhe është publikuar në faqen e Drejtorisë së Policisë Financiare. Kur e hap dokumentin nga njoftimi origjinal në faqen e Policisë Financiare, megjithëse nuk ka datë të saktë, në njoftim ende thuhet se është viti 2024.
Në shtojcën e publikimit që po shqyrtojmë, e cila është publikuar më 28.03.2025, pa thënë se informacioni është gati një vit i vjetër, thuhet:
Policia financiare ka njoftuar se në Prokurorinë e Shtipit ka bërë kallëzim penal për mashtrim dhe falsifikim, me të cilin është shkaktuar dëm një kompanie për blerjen e baterive të vjetra në vlerë rreth 3.5 milionë euro. Të dyshuar janë tre persona dhe një kompani. Paratë përfundonin në një llogari riciklimi për bateri të vjetra(akumulatorë) me fatura të rreme për blerje mallrash. Një punonjës në kompani të riciklimi dhe drejtori i departamentit të baterive për vetura (akumulatorëve), së bashku me një bashkëpunëtor të tretë, i cili është punonjës i kompanisë së dëmtuar, kanë bërë fatura të rreme për gjoja blerjen e baterive, megjithëse në realitet nuk ka pasur blerje dhe marrje të mallit. Kompania e dëmtuar ka paguar faturat, të cilat, sipas policisë financiare, kanë rezultuar me mashtrim në vlerë prej 214 milionë denarë ose përafërsisht 3,5 milionë euro.
Dhe ky tekst është marrë nga faqja e “Telma”, ku është publikuar gati një vit më parë dhe është prezantuar sikur të ishte informacion i ri.
Për shkak të të gjitha fakteve të mësipërme, ne e vlerësojmë postimin që po shqyrtojmë si një që mungon konteksti. Policia financiare ka bërë kallëzim penal për një kompani dhe tre persona, por në vitin 2024 edhe informacioni është i vjetër. Megjithatë, në postimin që po shqyrtojmë, paraqitet sikur të ishte informacion i ri pa specifikuar se kur është publikuar, duke e bërë një postim që i mungon konteksti.
Të gjitha komentet dhe vërejtjet në lidhje me këtë dhe artikujt e tjerë të Vërtetmatës-it, kërkesat për korrigjime dhe sqarime, si dhe sugjerimet për verifikimin e deklaratave të politikanëve dhe premtimeve të partive politike, mund t’i dorëzoni përmes këtij formulari